الجمعة 5 يونيو 2026
عاجل

سيارتي أنسرقت وحصلتها بس المفتاح مع السارق..!

منتدى السيارات العام
35 رد 16,451 مشاهدة 28 مشارك الأقدم أولاً
أ
أبو خوزيه @user_194173 · 20-12-2009
السلام عليكم.



قدر الله وأنسرقت سيارتي والحمد الله حصلتها الدوريات بعد ساعتين تقريبا.

حصلتها واقفه على حالتها مقفله عند حديقه من دون اي ضرر نهائيا بالعكس حصلتها نضيفه من داخل السارق نضفها الله يسرق قلبه ان شاء الله.


المهم يأخوان الدوريات كلمتني قالتي جيب السبير وتعال الموقع وبعد اجرائات بسيطه أستلمت سيارتي بس المشكله الحين المفتاح الأصلي مع الحيوان الحرامي وانا ماني مرتاح نفسيا الصراحه ماتدري يمكن يحصل بيتي ويجي يسرقها من جديد او يحصلها في مكان عام الدنيا تخوف الصراحه.

ايش الحل وأيش اسوي بالظبط. علشان أتخلص من هذى الهم وكم بتكلف تقريبا؟
o
osama007 @user_176727 · 18-03-2010
افضل طريقه انك تشتري الي يقفل الدركسون والمفتاح يكون معك حق قفل الدركسون
م
معشوقتي سوسو @user_181803 · 18-03-2010
ليه تغير السويش كامل ياخي سهله مره
1- تغير الكوالين الباب الراكب والسواق ثنين يعني
2- تروح للوكاله وتقولهم ابي اغير برمجه المفتاح ويبرمجون لك المفتاح السبير الي معك بحيث اذا جاك الحرامي الي سارقها لا يقدر يفتح الباب ولو كسر القزازه المفتاح الي معه ما يشغل لان البرمجه تغيرت بس اما سويش كامل تراااا غالي مره خصوصا انها دوووج قطع نار وتحياتي لك
س
سوسو-2010 @user_193395 · 17-03-2010
الحمد لله على سلامتــ موتركــ

وثانيــآ غيــر المفاتيح الابواب كلهــآ

واهمـ شي من الوكاـلهــ

لان المفاتيح مافيهــآ لعبــ
ر
رجل المستقبل @user_105081 Banned · 17-03-2010
الله يرزق الشعب السعودي الامن والامان بس
ماعاد فيه شيء الواحد مايخاف منه والمشكلة والغلط ماهو منك ياصاحب الموتر
المشكلة اكبر بكثير المشكلة تخص البلد كلها لازم يصير فيه دراسات وابحاث
وش اللي يحد الشباب يوصلون لدرجة السرقة ويصولون النهم يصيرون حرامية
وبعضهم محتررف بهالشيء ....
اول سبب من عندي بعطيكم اياه :البطاالة
وفي اسباب كثير وهذا ظاهرة كل مالها تزداد والمفروض يبحثون ويدرسنوعشان يحلونها بس عندنا ماحولك احد..
عالعموم اخوي احمد الله واشكره ان السيارة رجعتلك ومافيها شيء والله في ناس انسرقت سيارتهم ولاعاد يدرون وينها فيه ..وشرو غيرها وراحت الدنيا والعلم عند الله
بالنسبة للمفتاح مر على الوكالة وغير برمجة الريموت وعلمهم ان المفتاح الاصلي مسرووق وقولهم انك تبي تغير البرمجة للريموت
أ
أبو خوزيه @user_194173 صاحب الموضوع · 17-03-2010
ياشباب وش فيكم شبيتو علي والله لو اني مشغل السياره ورحت خشيت جاكوزي ولا مسبح.!


خشيت بقاله أشتري مويه ولوزين ماطولت حتى نص دقيقه كلها عند المحاسب يرجع الباقي.

ثاني شيى ماكان في بالي ابد سرقه سيارات خبري أمن وأمان الدمام.


على العموم الموضوع صارله اربع شهور ولا غيرت شيى في الموتر والحمدالله كل شيى سليم 100% الضاهر انه مجرد مراهق طايش مثل ماقالو الشباب.
أ
أبو حظيظ @user_157828 · 16-03-2010
أنت تقول أنه ما سرق الأشياء الثمينه الساعه والنظاره

أجال أكيد رمى المفتاح بمنطقه قريبه من موقع السياره أو بالسياره نفسها

رح دور زين بالسياره والمنطقه الي لقيتها فيها وأن شاء الله تلقاه حتى لو خربان وضاربته الشمس ألمهم تلقاه
ر
راعي الآزيرا @user_121068 · 16-03-2010
هذا إهمال منك << إسمح لي على الكلمة

تارك السيارة مشتغلة ورايح لمحل والسيارة فيها ساعة ونظارة

تخيل لو إن الي سرقها صدم واحد ومات أو سوى أي مصيبة .... بيحاسبك ربي على هالإهمال
m
mr.nawaf @user_146286 · 15-03-2010
تدري كيف

لا تغير ولا شي

حقطله اقعد سهران اذا شفته

اقعد ضرب فيه الى ما يقول امين

تقبل شكر وتقدير اخوكم { mr.nawaf }
م
ملك الاوكتافيا @user_180507 · 15-03-2010
F
Feras_Yahoo


انا ابوي استمر على القفل حق الـU شهرين تقريبا
الين جات الإجازة الصيفية
طلعنا سوريا وواحد سوري قاله على الفاصل
وسواه بـ 250 ليرة >>> يعني 25 ريال بس

اتمنى اني افدتك

اخوووك

احسن حل
اذا بتطلع على سورية مثل ما قلك اخويFeras_Yahoo تعال وانا بدعسك ههههههه
عفوا( بدعمك) هون بسورية وباخدك على احسن ورشة للتصليح بتصلح السيارة ومنكسب الطلة الحلوة :smilie16: اما اذا ما بتطلع لسورية فما الك
الا الحلول يلي اعطوك اياها الشباب والله ما قصروا وجزاكم الله خيرا
:xyxthumbs::xyxthumbs::xyxthumbs:

تقبل مروري اخوك ملك الاوكتافيا
ع
عـاشـقـهـا @user_100509 · 15-03-2010
بأمانه وش سبب السرقه
م
مسيرة حبي @user_132476 · 15-03-2010
م
م.الحارثي
لا تغير شي بس غير البرمجه للمفتاح اذا كان الكتروني بنسبه للمفتاح عن طريق قطعه صغيره اسمها اي سي ic وتبرمج مفتاحك الجديد عليها وارقد وامن واذا المفتاح عايدي الله يعينك تغير كل شي



اخوي ردك على العين والراس

بس البرمجه هذي لازم تكون من نفس الوكاله حقت السيارة

لاني سويتها حق المكس موديلها 2004

ضاع مفتاحها الاصلي ومالقيت الا الاسبير


والاسبير بس يفتح الاستوش ما يشغل

وخذت العامل وجاب اغراضه لي حد الباب حق البيت

وفتحنا السياره وسوا للمفتاح الاسبير برمجه عن طريق جهاز معاه بعد ما اخذ بياناتي ورقم البطاقه قال علشان ميصير مشكله مع الشرطه < :blue:

وشتغلت السياره ورديت العامل

عقبها بسبوع طفت السياره وعيت تشتغل خير شر

وديتها الوكاله وخذوا مني 1500 ريال اعاده برمجه وقالوا ان البرمجه الاوله خرررررطي ولا تصدقووون محلات الزينه



نصيحتي لك روح الوكاله واخسر 2000 ابرك من ان تخسر الموتر كله او يحترق عليك
ا
التسعاوي911 @user_190959 · 15-03-2010
حلوة ذي مآخذ المفتاح أعجبته السيارة الظاهر .

الله يعينك والأخوان ما قصروا .
ا
الوافي الذهبي @user_203431 · 15-03-2010
^^^^
شوف بكون صريح ... الغلط مو من صآحب السيارة.. الغلط من السارق...وانا إتوقع لو يعني يدور جنب المكان الي حصل فية السيارة يحصل المفتآح
ا
ازيرا 2006 @user_80147 · 14-03-2010
أ
أبو خوزيه
يعطيكم العافيه شباب واليوم بروح الوكاله وبشوف كم تكلف العمليه.


والسياره انسرقت بعد ماتركتها مفتوحه قدام محل ماطولت نص دقيقيه يمكن وللاسف ماشفت السارق ولا أحد شافه بس هو كان راكب سيكل ترك السيكل وزرف الموتر



الحمدالله على سلامه السياره وراعيها أهم شي

والمفروض يطبقون نظام اللي تنسرق سيارته وهي مشغله يدفع غرامه 10 آلاف ريال

علشان ما يسويها مره ثانيه ويتغافل عن السياره

لأن الصراحه فيه ناس ما تفهم ((طبعا الرد غير موجه لصاحب الموضوع انما لكل من يشغل السياره ويتركها )) سواء نص دقيقه او ثانيه

لان في ناس يمكن يجيها شي وخاصه ان سارق السياره ما همته السياره

يمكن يفحط فيها يمكن يصدم الناس ويمكن ويمكن والسبب (( اهمال صاحب السياره ))

فأرجوا من اخوي الكريم أن يحمد ربه ان السياره ما جاها شي ولا صار عليها بلاغ او شي لا سمح الله

وأرجوا ان يستفيد من هذه القصه ويأخذها عبره :xyxthumbs:

موفق يالغالي
$
$ الإمبراطور $ @user_145916 · 24-12-2009
الله يعينك تغير الكوالين

إمبرا
م
م.الحارثي @user_117721 · 24-12-2009
رروح لصاحب المفاتيح او الوكاله ويغيروون برمجه القطعه الصغيره ويمكن بعض الورش تسويها وبكذ طلع مفتاح جديد بدوون تغيير دقمه كامله
ع
عادي جدا @user_150137 · 22-12-2009
الحمدلله على السلامه

والله اذا تبي نصيحتي

غير المفتاح والدقمة بواحد جديد من الوكالة

حتى لو تدفع مبلغ وقدره

وخل المجرم يشبع بالمفتاح اللي معه


ماتسوى عليك هالتعب النفسي

وماتسوى بعد تنسرق السيارة مره ثانية

اطنخ عمرك وريح هالراس
أ
أبو خوزيه @user_194173 صاحب الموضوع · 22-12-2009
يعطيكم العافيه شباب.

اخوي الحارثي ممن توضح أكثر المفتاح أكيد ألكتروني لائنه مفتاح السياره والريموت بنفس القطعه ووين أغير برمجه المفتاح.؟
م
م.الحارثي @user_117721 · 22-12-2009
لا تغير شي بس غير البرمجه للمفتاح اذا كان الكتروني بنسبه للمفتاح عن طريق قطعه صغيره اسمها اي سي ic وتبرمج مفتاحك الجديد عليها وارقد وامن واذا المفتاح عايدي الله يعينك تغير كل شي
سجّل دخول للرد...