سيارتي أنسرقت وحصلتها بس المفتاح مع السارق..!

افضل طريقه انك تشتري الي يقفل الدركسون والمفتاح يكون معك حق قفل الدركسون

ليه تغير السويش كامل ياخي سهله مره
1- تغير الكوالين الباب الراكب والسواق ثنين يعني
2- تروح للوكاله وتقولهم ابي اغير برمجه المفتاح ويبرمجون لك المفتاح السبير الي معك بحيث اذا جاك الحرامي الي سارقها لا يقدر يفتح الباب ولو كسر القزازه المفتاح الي معه ما يشغل لان البرمجه تغيرت بس اما سويش كامل تراااا غالي مره خصوصا انها دوووج قطع نار وتحياتي لك

الحمد لله على سلامتــ موتركــ

وثانيــآ غيــر المفاتيح الابواب كلهــآ

واهمـ شي من الوكاـلهــ

لان المفاتيح مافيهــآ لعبــ

الله يرزق الشعب السعودي الامن والامان بس
ماعاد فيه شيء الواحد مايخاف منه والمشكلة والغلط ماهو منك ياصاحب الموتر
المشكلة اكبر بكثير المشكلة تخص البلد كلها لازم يصير فيه دراسات وابحاث
وش اللي يحد الشباب يوصلون لدرجة السرقة ويصولون النهم يصيرون حرامية
وبعضهم محتررف بهالشيء ....
اول سبب من عندي بعطيكم اياه :البطاالة
وفي اسباب كثير وهذا ظاهرة كل مالها تزداد والمفروض يبحثون ويدرسنوعشان يحلونها بس عندنا ماحولك احد..
عالعموم اخوي احمد الله واشكره ان السيارة رجعتلك ومافيها شيء والله في ناس انسرقت سيارتهم ولاعاد يدرون وينها فيه ..وشرو غيرها وراحت الدنيا والعلم عند الله
بالنسبة للمفتاح مر على الوكالة وغير برمجة الريموت وعلمهم ان المفتاح الاصلي مسرووق وقولهم انك تبي تغير البرمجة للريموت

ياشباب وش فيكم شبيتو علي والله لو اني مشغل السياره ورحت خشيت جاكوزي ولا مسبح.!


خشيت بقاله أشتري مويه ولوزين ماطولت حتى نص دقيقه كلها عند المحاسب يرجع الباقي.

ثاني شيى ماكان في بالي ابد سرقه سيارات خبري أمن وأمان الدمام.


على العموم الموضوع صارله اربع شهور ولا غيرت شيى في الموتر والحمدالله كل شيى سليم 100% الضاهر انه مجرد مراهق طايش مثل ماقالو الشباب.

أنت تقول أنه ما سرق الأشياء الثمينه الساعه والنظاره

أجال أكيد رمى المفتاح بمنطقه قريبه من موقع السياره أو بالسياره نفسها

رح دور زين بالسياره والمنطقه الي لقيتها فيها وأن شاء الله تلقاه حتى لو خربان وضاربته الشمس ألمهم تلقاه

هذا إهمال منك << إسمح لي على الكلمة

تارك السيارة مشتغلة ورايح لمحل والسيارة فيها ساعة ونظارة

تخيل لو إن الي سرقها صدم واحد ومات أو سوى أي مصيبة .... بيحاسبك ربي على هالإهمال

تدري كيف

لا تغير ولا شي

حقطله اقعد سهران اذا شفته

اقعد ضرب فيه الى ما يقول امين

تقبل شكر وتقدير اخوكم { mr.nawaf }

احسن حل
اذا بتطلع على سورية مثل ما قلك اخويFeras_Yahoo تعال وانا بدعسك ههههههه
عفوا( بدعمك) هون بسورية وباخدك على احسن ورشة للتصليح بتصلح السيارة ومنكسب الطلة الحلوة :smilie16: اما اذا ما بتطلع لسورية فما الك
الا الحلول يلي اعطوك اياها الشباب والله ما قصروا وجزاكم الله خيرا
:xyxthumbs::xyxthumbs::xyxthumbs:

تقبل مروري اخوك ملك الاوكتافيا

بأمانه وش سبب السرقه

حلوة ذي مآخذ المفتاح أعجبته السيارة الظاهر .

الله يعينك والأخوان ما قصروا .

^^^^
شوف بكون صريح ... الغلط مو من صآحب السيارة.. الغلط من السارق...وانا إتوقع لو يعني يدور جنب المكان الي حصل فية السيارة يحصل المفتآح

الحمدالله على سلامه السياره وراعيها أهم شي

والمفروض يطبقون نظام اللي تنسرق سيارته وهي مشغله يدفع غرامه 10 آلاف ريال

علشان ما يسويها مره ثانيه ويتغافل عن السياره

لأن الصراحه فيه ناس ما تفهم ((طبعا الرد غير موجه لصاحب الموضوع انما لكل من يشغل السياره ويتركها )) سواء نص دقيقه او ثانيه

لان في ناس يمكن يجيها شي وخاصه ان سارق السياره ما همته السياره

يمكن يفحط فيها يمكن يصدم الناس ويمكن ويمكن والسبب (( اهمال صاحب السياره ))

فأرجوا من اخوي الكريم أن يحمد ربه ان السياره ما جاها شي ولا صار عليها بلاغ او شي لا سمح الله

وأرجوا ان يستفيد من هذه القصه ويأخذها عبره :xyxthumbs:

موفق يالغالي

الله يعينك تغير الكوالين

إمبرا

رروح لصاحب المفاتيح او الوكاله ويغيروون برمجه القطعه الصغيره ويمكن بعض الورش تسويها وبكذ طلع مفتاح جديد بدوون تغيير دقمه كامله

الحمدلله على السلامه

والله اذا تبي نصيحتي

غير المفتاح والدقمة بواحد جديد من الوكالة

حتى لو تدفع مبلغ وقدره

وخل المجرم يشبع بالمفتاح اللي معه


ماتسوى عليك هالتعب النفسي

وماتسوى بعد تنسرق السيارة مره ثانية

اطنخ عمرك وريح هالراس

يعطيكم العافيه شباب.

اخوي الحارثي ممن توضح أكثر المفتاح أكيد ألكتروني لائنه مفتاح السياره والريموت بنفس القطعه ووين أغير برمجه المفتاح.؟