كيف تعلمت قيادة السيارة ومن علمك؟؟؟؟؟ شاركونا الرأي

قصة حزينة بذكرها لكم باختصار

كيف تعلمت قيادة السيارة ومين علمك؟؟؟؟؟؟؟؟؟؟؟

ان علمني الوالد عاد كان ابوي عصبي ويصارخ اول ما اخذني بشارع فاضي

بعد كم يوم بشارع فرعي بعدين بشارع سريع بس حصلت لي مواقف وكان ابوي عصبي

كنت في البداية اخاف قليلا مرة مرة كنت ماسك خط بشارع سريع ما اشوف الا واحد فتح الباب

موقف على اليمين قام الوالد يصارخ صراخ يقولي شفيك بتصدم الرجال ليش تضايقه

وهو فاتح الباب قالي انت مافي امل تسوق وبعدين زعلت وحسيت بتحطم بعدين نزل الوالد

لسوبر ماركت ورجع من السوبر ماركت شافني زعلان وقالي سوق السيارة لكن ما ارضيت

واصر عليي وقالي انت تعرف تسوق بس عندك اخطاء دايما تكرره وكملت وسقت سيارة

حصلت لي مواقف كثيرة في البداية كان الوالد يدربني من الدمام الى سيهات

تميت على طول كل ما بغه الوالد يروح مكان قالي تعال سوق وتم الوالد معصب وصارخ

لين ما مليت وفقدت اعصابي واخذت السيارة ورحت لحالي بطريق سريع

وشفت راعي سيارة موقف وكانت المسافة ضيقة والطريق مايل واحترت معه هذا مسكر الطريق

فكرت غلط فكرت المسافة كافية لدخول السيارة والطريق كان مايل وراعي السيارة موقف

رحت حركت السيارة وصدمت برصيف يعني صدم الكفر برصيف استغرب الي وراي

وقام يدق هرن لكن الي سويته غلط المسافة مش كافيه والطريق مايل كان المفروض ادق

هرن ويروح راعي السيارة وامشي اطار الكفر انكسر عرف الوالد قال هذا لازم يتعلم واخذ المفتاح مني

تميت حزين لين ما عطاني المفتاح الوالد وضربني بالمفتاح على راسي

وفقدت الامل لين مارحت لمدرسة الدلة بالدمام نجحت بكل شي ورسبت بتلبيقة 6 مرات

لين ما نجحت واخذت الرخصة وفقدت اعصابي ورحت بسيارة من الدمام الى سيهات لوحدي بطريق

سريع ورجعت البيت وانا مبسوط وعرفت اسوق سيارة سقت باكثر من شارع سريع لكن

بعدين تركت سواقة السيارة وتمت موقفه لاني ماعندي مكان اروحه غير الكلية بالخبر

والخبر بعيدة وانا بيتنا بالدمام ولا اعرف اسوق المسافات الطويلة

وتمت السيارة موقفه كل حين تخترب سيارة واحد من اهل ابوي اخذه وبعد اسبوع رجعه

وتمت موقفه لين ماراح الوالد معاي طريق الخبر كنت جميل بالقيادة وماشي صح

وصلت نص الخبر كنت خلف شاحنة شاهدت المرايه الوسطية مافي امامي سيارة

وتجوزت الشاحنة ورحت بسيارة يسار وجاني راعي فورد من المسار الي امامي

وكان مسرع وضرب مراية السيارة من السرعة ما شفنه الا في نهاية الاشارة

وقفنه بلاشارة وقف راعي الفورد كان مطوع قالي ليش تدخل عليي قلتله ياخوي مادخلت عليك

وتم يناقش طبعا سيارة المطوع ما صار له شي وسيارتنا ما صار له شي غير المراية انكسرت

الي باليسار تم المطوع يتناقش قاله ابوي انت مسرع قال بدال ما تعتذر ومشى ومشينا

وصلحنا المراية ب20 ريال

والى الان السيارة موقفه وان ما اعرف اسوق المسافات الطويلة اي من الدمام الى الخبر والعكس ان ماعندي مكان اروحه غير الكلية ابوي كان يفكر يبيع السيارة قلتله لا يا اسوقه

بالخبر تشوفولي حل يا تتم موقفه وتمت السيارة موقفه الى الان وانا ما اقود السيارة

بحثت عن مدرب ما لقيت والدلة ما يدربون الا بداخل المدرسة

والى الان متردد اروح الخبر بسيارة لحالي ما عندي احد يناوسني ولا

وتمت السيارة موقفه له كم شهر ولم اجد حل

وادمنت على التكاسي لذهاب للخبر والى الان اتألم من هالموضوع

ومضايق من التكاسي لدرجت اني ما عندي مكان اجلسه فيه

بالكلية لانه ما عندي سيارة بوقت الفراغ احطلي كرتون

واجلس بشارع واكل اكلي بشارع وصرت كله ادور بشوارع

بوقت الفراغ اثناء الدوام بالكلية محتار وين اروح

صرت راعي شوارع


وعرفت قيمة السيارة من الي صارلي بالكلية المفروض

كل سائق يحمد ربه ويحافظ على سيارته

السيارة نعمة لا تجعله نقمة


كيف تعلمت قيادة السيارة ومن علمك؟؟؟؟؟؟؟؟

شاركونا الحديث للفرفشة