العين حق ,, تجاربكم معها في سياراتكم .

انا جاتني عين بجد العين حق

اول ماخذت السيارة المكينة خبطت وظبتها واختربت مره ثانيه واخترب البستم حق المكينة وصلحتها هذا بس المكينة

والحين البدي وانا كنت راجع في خط نطيت شارع وراحت الشنطة وصلحها و اول ماطلعت من الورشة بس رحت البلد ويجيك بوهنود ويحيك الصدام وبعدين رحت الورشة الي وظبت فيها السيارة ويجيك العامل الي يشتغل فيها ويحكها من ورا

والله من بعدها خذيت مويه زمزم طشيت على السيارة والحمدلله بعدها ماصرت اشتكي من شي

وكل ماجاه شخص قالي الموتر للبيع اقوله مافي شي مو للبيع واخليه يسوم يخذ راحته بعدين اقوله والله انا ابي فيها اكثر عشان مااخليه يحط عينه عليها لانها بتصير عليه غالية

اتمنى كل شي يسوي الي سويته عشان مايحطو عينهم على السيارة

ترا يمدحون استكر ما شاء الله عالسيارة ^_*

و الله يحفظ الجميع انا و لله الحمد ما عندي قصة

في قصة غريبة قالي أياها شايب عندنا في الشرقية , يقول لي بأنة أشترى كابرس القديم موديل الثمانينات أستخدام أمريكي , *كان شبة جديد في ذلك الوقت ( يوم أشتراه في الثمانينات ) المهم يقول لي أنه داخل المدينة ممتاز و أذا مسك الخط يخبط الجير علية !!
أخذه مرة و مسك علية الخط و خبط علية الجير و وضب الجير و أخذه أبنه و مسك خط و خبط علية الجير !!
يعني يقول ما نمسك نصف الخط الا و يخبط الجير علينا !!!
قلت عين و عين قوية , و كلمت أحد الأقرباء و قررت زيارتة في الأمارات و يقول رحت له و خبط الجير علية !!! فقرر أن يروح للأمارات بسطحة بدل الرجوع , و جاب سطحة و حمل السيارة و بعد ما و صل للأمارات كلم قريبة و قال له بأن السيارة خبط الجير علية و هو جاي بسطحة و يرغب في الذهاب للورشة فقال له قريبة عندنا ورشة في الإمارات مثل الوكالات جودتها عالية و صيانتها ممتازة و راح معاه للورشة , و أتفاجىء بقريبي يأشر على أمرأة معطتني ظهرها و يقول كلمه و قل له عن مشكلتك , فقال أستحي أكلم حرمة فقال له هذا رجال و التفت علينا و أتفاجىء بأنه رجال فعلا و شعرة طويل مثل الحريم , فقلت له عن المشكلة و طلب تنزيل الجير و فك العامود اللي يوصل بين الجير و الدفرنس تقريبا و جاب عامود أصلي وو ضعة قرب منه و وجد أن العامود الي في سيارتي قل بـ 2 سنتي تقريبا و قال لي أذا مسكت خط تسرع عكس داخل المدينة و أي حفرة صغيرة تجعل الجير يتحرك يخرج العامود من الجير و يتلف الجير ميلان العامود عند خروجة !!
يعني العين حق بس مش كل شىء ممكن يكون عين و علينا أن نبحث عن الأسباب و هاذا درس أستفدت منه أنا شخصيا .

كأن ملح ساسا صار ببلاش
انواع الهلس والاستهبال
بعض الاخوان يتكلم عن العين ومعه سيارة عمرها انتهى
لكن بعض الاحيان الواحد يتفائل بالخير افضله ولا يكثر ملح سبحان الله ممكن ياكل الملح هو
الله يحفظنا واياكم من شر العين
وعليكم بالاذكار

انا ياشباب مره جبت حق واحد عين (بدون قصد) :bigggrin:

كانت على ايام 2009 (قبل سنه يعني) جاي واحد معاه اكسنت 2009 بأكياس الوكاله ومع ذلك سادحها أرض وجنوط وزينون وشبك وإلخ

يعني السياره صايره خوقاق رووعه

شوي والله وانا مار من عنده جالس أقول لواحد من ربعي الي جالس جنبي :- شوف شوف الأكسنت خبل والله رهيب خوقاق

الا شوي وأسمع الحادث الأليم جاته (وجهيه + رفرف كامل + الكبوت + العامود إلخ)

وبعدها عرفت ان عيني حاره :bigggrin:

مشاءالله تبارك الله ..

للـــــرفع :bigggrin:

ابد الحمد لله ماعندي قصه للعين والله يكفينا وياااكم شرهااا

ومشكوور ع الموضوع

تحيااتي ...:ch19:

انا عندي ددسن موديل 86 مطلعه الوالد وكاله وكل اسبوع وهو في الورشة وش الحل عشان العين

.
.
.

كان عندنا ( شفر فان موديل 88 ) وارد امريكا ,,, بكامل الاكسسوارات فيديو وتلفزيون ومراتب تنطوي لسرير ودلع وكل شيء ,,,

وقبلها كان عند واحد من أعمامي , وشريناه منه

جا واحد ( الله يسامحه ) قالي ياخي انتو شريتو الفان ؟!

قلت / ايه

قال / ياخي انا قلت لعمك , اذا لك نية بيع انا ابغاه ,, وقال ماني بايع

قلت / اخوان يبيعون لبعض ولا يتهادون , انا مالي صلاح !

قال / طيب انت ماتبي تبيع ؟!

قلت / ماعندنا نيه بيع ,,

قال / ترا نفسي فيه من ايام ماكان عند عمك

قلت / الله يستر عليك مالنا نية بيع

تصدقوا اني ماكملت يومين ,, الا والمكينة والجيربوكس خبطوا !!!

وجيت قلت للوالد ترا صار كدا وكدا ,, وقلت لعمي على السالفة !!

قال ماراحت عنه ,,,


الله يحفظنا وياكم من كل سوء ومكروه

انا اشتريت سيارتي استخدام وكانها وكالة

وما كملت شهر وهي واقفه مكانها بالجامعة وارجع لها مصدومه
وبنفس السنه ركب معاي انسان لاول مرة بالسيارة ولم يتكلم عن السيارة ولكني اعرف انه حسود و عيان اعوذو بالله منه وطلعنا تمشينا ورجعنا نزل رحت بيتنا

باليوم الثاني جيت باشغل السيارة ما تشتغل ابد ولا حتى سلف

واحترت فيها اخر شي طلعت لي البطاريه بشكل غريب ومفاجا

ومن هذاك اليوم صارت السيارة كل 3 ايام الى اسبوع تخرب
مرة كويل مرة حساس بخاخ مرة بيرنغات كفرات ...

الى ان اخذت غسولة من غير ما يعرف والان السيارة لسه معيونه ولكن اخف من عين هذاك يعني صارت المسئله شهريه بدل ما تكون اسبوعيه والله المستعان وش الحل يا شباب ؟

انا اخوي شرى هوندا اكورد 2005 جديده على ايامها وشافوها اصحابه ونجنو عليها


بعد 4 ايام السياره احترقت بالكامل :smilie20:

قبل6اشهر اخذت الكابرس 90 حقت اخوي كان توه مسقط مكينه 350 بخاخ
بقيرها ومسكت خط الرياض والموتر ماشاء الله صاروخ ووقف في محطه اصلي
طلعت من المحطه وادوس شوي اجرب عزمه واكبس لواحد راعي اكورد
عياء يوسع واستنيت لين ماجاتلي فرصه واتجاوزه من اليمين ويدوس
وجات بالدماغ انه مايتعداني لوتنطبق الارض على السماء
وادوس ماشاءلله والظاهر اناها فصلت الاكورد على 215
المشكله عندي الطبلون 140 السياره امريكيه مدري كم امشي
واتعده بشوي الا احس السياره معد تدوس بنزين
كنها فصلت واهدي لين 120
وامشي عادي لما اجي اكتملها تفضي الدعسه
لازم شويش شوي واوقفه في الرياض يومين
وانا راجع مابقى الى 100كم على الدمام
الا اسمع زي الحديد المتكسر واصفط
وارجع اعطيه Dماتلقم النمره اعطيه Rترجع على خفيف
واتصل على اخوي اقوله دبرلي سطحه وناخذها الصناعيه
الا القير ظرب ونروح عند تراي استار وغيرولنا قير جديد على الضمان
بس ماشاء الله موتر كفو احس انه يمشي ممشا بن كلاب

الله يستر
والله ناوي اشتري سوسو 2011 ,, واحنا ما شاء الله منطقتنا افضل واحد عنده بي ام 90 هع

والله مدري هي عين ولا لا

بس اللديتر كل شوي مفقوع هههههههههههههه

انا كنت فاتح الكبوت عند المدرسه وقت الهدة وجالس استعرض ,,
جوا ناس طلعوا فيها قالوا ول نظيفة
والله وانا راجع البيت كنت باموت ,,,,
كنت جاي مسرع شوي
وتزيح بي السياره
ضربت الجهة اليمين
وفرت بي وضربت نفس الرصيف بس الجهة الثانيه من السياره وانطفت السياره ,,
ولو سيارتي مو منزله جان تقلبت بالسياره ومتت وصرت خبر كااااان

كلف الحادث فوق 2000

والله ياخي لو شيئ بيسبق الحق لسبقته العين كلام رسولنا الكريم صلى الله عليه وسلم ...
باختصر لكم موقفي ..

مرسيدس شبح 94 فل على قولتهم اسود كذاب اخذ معي سنتين زي الحلاوة ياسعدي وياراحة بالي معه وبمجرد عطيته واحد من زملائي راح يزور اهله بالرياض طبعآ في الشرقيه حنا دق علي بعد ساعه ونص قال السيارة طفت وطلع دخان قلت خير عادي ارسلها لي سطحه..
انا مغير زيته والفلتر وماشي حدود 290 كيلو على الزيت وتمام موتري ومهتم فيه وعندي خبرة في الميكانيكا ...
طلع البستم طالع من جنب المكينة .؟؟ استغربت ولما فكو المكينه برى دق علي صاحب الورشه وجيته ...
شفت منظر الله لايوريكم
البستم الخامس طالع مه جنب السلندر من يمين ومن يسار :confused1:
يعني تجي بجنب المكينة من يمين او يسار تشوف الكسر في الجنبين وتشوف الورشه من خلال الكسر مع الطرف الثاني ؟؟
استغربت وقلت خيرة فيما اختاره الله وغيرة مكينه نظيفه انظف من مكينة سيارتي الاوله

ياخي والله العظيم اللي اذكره 23900 ثلاثة وعشرين الف ريال من غير اللي يمين يسار ومن غير حساب السطحات وو.. ولدرجة بعته بعد ماجنني
يا اخوان اطلعه من الورشة سليم وهادي امسك خط ترتفع الحرارة ولا يطفى ومن يوم يشوف الوكالة ولا الورشة يشتغل جنني

خاصة الحرارة غيرت حتى الراس فكيته ...طلع سليم غيرت المراوح والمروحه الرئيسيه اللي بالمكينه والاديرتر وبلف الحراة وماخليت شيئ ابد ومانفع والشخص اللي بعته عليه من اول ماشغله من المعرض الى يومكم معه زي الحلاوة وانا موقفه اخر مرة تقوم حرارته ....
فعلآ العين حق والله يسامح السبب ويهديه لنفسه ويبارك لمن شراه ويكفينا وياكم شر النفوس والعيون وسلامتكم

حادث سيارتي:- audi a4 2010
السيارة ماكملت معي شهرين , وكانت جهه الحادث هي الجهه الي مواجهه للناس من اوقفها , وللاسف السياره تااالف لانه انقلبت تريلا على السيارة



"][/URL]

"]‪[/URL]

الفيكتوريا اللي معي عقب ما طلعتها بأسبوع تقريبا
قلت يا ولد ورى ما أروح أضلل عند محل من حقين الزينه
إلا شوي والهندي قاعد يظلل يحك فيها هايلوكس
بس الحمد لله خفايف شق بسيط بالصدام