تسارع سيارتي : سوبربان

أبو منصور

السوبربان تراه يختلف اختلاف كلي عن اليوكون تدري ولا لا
السوبر مرتبته الثالثة فيها فسحة للاقدام -اكرمكم الله- اما اليوكون نفس موترك ما فيه فسحة + مراتب السوبربان الثالثة تختلف عن اللي باليوكن اليوكون صغار مفصله بينما السوبر واحدة كبيرة ما خذين راحتهم

ثانيا الشاصي يفرق فيه تطويله حول نصف متر هذي لحالها + عمود كرنك اطول + الحديد الفاضي المطول + الدعاسات الاطول + شبك السقف الاطول + (كل شيء ورا الكفر الخلفي لليوكن احسب زود نص متر للسوبر)

تعتقد هذا كله يفرق 150 كيلو بس !!

انا فعلا رحت اشوف ورقة المواصفات طلع فيها كلامك منطقي (لان الموقع قديم) لكن ابقى مستغرب من الوزن هذا مقارنة مع وزن الهمر بصراحة


اما القوة فانا قلت تقريبا ولاني جربت تاهو 2007 و كان تسارعه اقل من تسارع موتري بشكل ملحوظ فلذلك بنيت كلامي على تجربتي له و بإذن الله اذا الله سهل نشوف الداينو اما على هالسوبر او الله يرزقنا سييرا و لا يوكون لاجل ما يحتاج اسكاليد :ch19: لشطفة لكزسك الله يرزقك اياه :smile:

اما المطارح فبعد ترا عندي قير متخلف وانت اخبر به و انت دفع رباعي دائم وانا خلفي و كارونة مع الباب وانت كارونة 4,10 كأقل تقدير و ناوي لك على هدرز بعد و انا ستوك لو تشوف هدرز الجمس هالمصنج :mad1: دريت ان فيه البركة يطلع قوته ,, الا ما ودك بعد انا اركب هدرز و نجرب :smilie16:

و هين لو تجيب لكزس من المريخ يبقى الاسكاليد اسرع و اشطف :bigggrin:


ظلام السيارات

يا هلا بك

تسارع ممتاز

جرب والهواء 40 صدقني التسارع راح يفرق معك




كلام غير صحيح


ابو هذال يعني من كلامك هذا اقول انه موترك وزنه قريب من الهمر H2 بسبب انه موترك اطول منه

ياخي معليش ترا الطول اللي زايد عندك عن اليوكن العادي بالخلف هو بدي فارغ وفرشه داخليه فقط لاغير ولا يصل حتى لنص متر

يعني معليش لو الفرق غماره كامله ممكن اقولك انه الفرق كبير بين اليوكن والسوبر

وهذي الاوزان عشان تقتنع



لاحظ وزن اليوكن العادي اللي بدون دبل هنا اجمالي مع لتحميل 2900

قدرة تحميل 690 شل منها وزن الاغراض وخلنا نقول 150 كجم يطلع لك حول 540 وبالتالي اليوكن وزنه تقريبا
2940 - 540 = 2400 وكسور



اما الجمس مثل اللي معك بدون دبل فوزنه الاجمالي 3175

وقدرة تحميل 785 لو شلنا وزن الاغراض 150 يبقى 635 وزن اشخاص وبالتالي
3175 - 450 = كجم2540 تقريبا وهذا هو الوزن الطبيعي لموترك

الارقام بدون مانطرح وزن الاغراض من الاسبير وعفريته وما الى ذلك عشان نكون عادلين اكثر



بلا شك المحرك واحد من افضل المحركات



التاهو قوته الحصانيه 350 وعلى الكفر 275 يعني ضاع من العزم 75 معقول جدا

اما موترك فقوته 325 نطرح منها 75 = 250 هذا بدون مانحسب فرق الوزن 150 كجم بينك وبينه او اكثر بحكم انه الجديد صداماته فيابر غير انه النسخه اللي على محرك التاهو مطورة اكثر من موترك وهذا اكيد يفرق انا اتوقع موترك ينقص على الداينو 85 حصان واتمنى انك تقوسه عند SLR قبل لا تنزل دبات التلوث

بالاخير معدل فقد اي محرك على الداينو هو 80 حصان تنقص وتزود هذا الشي معروف



جالس تتحرش فيني وانا ماغير عندي 230 حصان صافي ووزتن 2700 وكسور الله يسامحك بس

بالهلي اجرب معك ماعندي مشكلة بس جمسك يبيله هدرز :tongue:



لو بشري جيب لكزس جبته من امريكا ماهو هاللي عندنا ناقص 20 حصان وتستقوون عليه :bigggrin:

العفو و جزاك الله خير




ايه هين يا دراسه
الدينالي يبي له training و يظبط :smilie16:




و عليكم السلام و رحمة الله وبركاته

اهلين ابو شيماء و جزاك الله خير و يرزقك ازين منه




جاك اللي ما يقتنع :smilie16:

وزن الهوا يا بعدي كان من 25 الى 30 بسبب قساوة المساعدات + خبرك مطبات الوادي

و فعلا موتري بدون دبل وهذي نسيت اذكرها العذر و السموحة

اما الوزن فأنت غلطان يا بعدي السوبربان لو صار سوح يمكن يجي 2550( ابو محرك 4800 و جنوط دواير) لكن جمسي ما هو سوح و ترا الهمر اتش 2 اللي هو اقصر من موتري وزنه 3 طن فارغ يعني حسبة عجايز ما هي معقولة موتري اقل منه بفرق 400 كيلو + ان موتري اساساً مجهزه بعدد و عفريتة بناشر :bigggrin: لا سمح الله ما تدري متى تحتاجها

اما قوة المحرك فصدقني المحرك ما به عيب العيب من عدد سرعات القير الفاشل لو تلاحظ الاول الى 80 و الثاني الى 145 تقريبا و الثالث كمل به الى الفصلة

اما القوة الحصانية فاذكر ان واحد قايس قوة تاهو 2007 و مطلع له 275 حصان تقريبا و العلم الاكيد بيجيك لاني ناوي افك دبات التلوث بعد الـ 60 الف و ابرمج داينو عند SLR

المهم ترا العطلة الجاية سواء الجمس او الهايلكس ناوي عليك نية شية :smilie16: باللي تبي منهم و اللومينا في وقت آخر

و انت يا بعدي عقبال جيب اللكزس اللي انتفك بالاسكاليد مثل ما راح انتفك بالسوبر :bigggrin:





اهلين ناصر

اكيد بعد الـ 100 لـ 2500 بسبب العزم ماشاء الله


شرفتوني جميعكم

ماشاء الله

تسارع ممتاز

من صفر الى 100 تقريبا نفس تسارع محرك 454 لموديل 97 جمس طبعا

لكن من بعد ال100 يفرق كثيير لصالح الـ 2500

سلام

يعطيك خيره ويكفيك شره يابو هذال بس كم كان وزن هواء الكفرات

اما بالنسبه لوزن السياره فانت غلطان يابو هذال وزن فارغ مابين 2500 الى 2550

لاتنسى انه موترك بدون دبل ياصديقي العزيز

حسب كلام خبير الجي ام ابو اسد ( ولا تهون يابو هذال )

ميزة محرك الـ 5300 يعطي عزم على سرعات متوسطه واعلى منها تقريبا مابين الـ 4000 الى 5500

لكن عندي تعديل بسيط ضرب عزم المحرك بالكفر 270 مستحيل

صافي المحرك على الحذاف 305 وعلى الكفر اعتقد والله اعلم انه مايتجاوز الـ 240
هذا اذا ماكان اقل بحكم طول السياره وكبر حجمها وبالتالي تضيع احصنه المحرك بسبب ترامي اطراف السياره

الله يطعمك من خيره ويكفيك شره وعقبال الاسكاليد

السلام عليكم

ماشاء الله تسارع طيب لسيارة بهذا الحجم

الله يعطيك خيرها ويكفيك شرها

الديناااالي ..........ايااام عزه مايوقف بوجهه شئ الا الارمادا طبعاا:bigggrin:
اما الحين يعااني من انفلونزااا وpneumonia <<<<ذبحته الدراااسه:smilie20:

ما شاء الله
ما شاء الله
تسارع ممتاز لسيارة ضخمة مثل السوبربان
مشكور يالغالي على المقطع

اهلا ابو يوسف

بالنسبة للوزن ففي هالحدود لان اليوكون وزنه حتى 2550 كيلو و لسوبربان يزيد عليه من 200 الى 300 كيلو تفرق حسب المواصفات

اما ساعة ايقاف فلا ما حسبتها الصراحه لكنه حروة الـ 8,5 ثواني

و الهلي جايها الخير بس يبي لها شوية تمغيط :wink:

و هين تطرحني يمكن تشطفني بالقومة بس الخط تبطي عظم :bigggrin:

وعليكم السلام ورحمة الله وبركاته

ماشاء الله تبارك الله

الموضوع والترتيب لحال ...والتصوير لحال...والتسارع لحال ماشاء الله عليك

هذي المواضيع السنعة والله يابو هذال

والتسارع ممتاز على المعطيات اللي عندك...بس الوزن متأكد منه ؟

وهل حسبت التسارع بساعة ايقاف؟ لأن حسابها باليوتيوب غير دقيق

الله يعطيك خيره ويكفيك شره ... ونبغى مثل هالموضوع للهلي بارك الله فيك

وخلك تجي بالجمس للرياض عشان اطارحك بالشيروكي :bigggrin:

اهلين أنس

تقارن اضعف انواع الجموس من الجيل القديم بموترك من الجيل الجديد بمحرك اكبر و بقير 6 سرعات و نسبة دفرنس 3,73 اكيد اللي عندك راح يكون طيارة ماشاء الله تبارك الله





اهلا ابو سعد بس ترا اللي عندك يشطفن موتري شطفاً مبرحا الله يبارك لك فيه



اهلا و مرحبا ابو راشد

هاا تقاوم بالدينالي حق الشايب و جميل انه اعجبك

شرفتوني

ماشاء الله تبارك الله ....الله يعطيك خيره ويكفيك شره:smile:
تسارع اكثر من ممتاز
تحيااتي لاحلى ابوهذااال

ما شاء الله لا قوة الا بالله

الله يعطيك خيره و يكفيك شره

تسارع معقول...

ولكن المفروض يكون أفضل مستوى....!!

لأن الجمس اللي معي 2500 وتسارعه أعلى من كذا ماشاء الله

يا هلا بك و الله يرزقك بأقوى و ازين منه




يالله ان تحييه

اكيد اللي معك بيكون اقوى ترا الموتر يقال له جديد ماشاء الله ما مشى شي

للمشاوير الخاصة فقط و هذي حلاة الجمس :wink:






ارحب و اسهل

الله يجزاك خير


لا هنتوا جميعا ع الرد و المرور

ما شاء الله تسارع ممتاز :xyxthumbs:

جاب 100 تقريبا في 9 ثواني ...

الله يعطيك خيره ويكفيك شره

تحياتي ...

كفو والله .. < خق مع الثانيه 45 :bigggrin:

ماشاء الله عزم وقوه ع هالوزن والحجم

ومادري تسن اللي معي اقوى

ولا اليوتيوب له دور ,

:bigggrin:

لاهنت يابعدي