السلام عليكم,,,شخباركم...ان شاء الله بخير ,,
مابطول عليكم المقدمه
بصراحه يا جماعة الخير معزم إن شاء الله اشتري باجيرو وكاله مكينته 3.8 أربع أبواب فل رقم واحد , وبصراحه ما عندي اي خلفيه عن السياره,,,بغيت مشورتكم فيها بارك الله فيكم,,,بس عندي كم استفسار عنها , أتمنى يكون عندكم رحابة صدر للاجابه وما اكون ازعجتكم....
1- كيف قوة وعزم محرك 3.8 ؟ يعني تحس بقوته على وزن الباجيرو ؟
2- هل السياره مريحه بالسفر (القياده لمسافات طويله) ؟ وبصفه عامه كيف راحتها وقيادتها وبالطرقات الوعره هل هي مريحه ؟ أم قاسيه تحس بالمطب؟
3- كيف قدرة تحمل السياره هل تتحمل سفر (مسافات طويله) مستمره وتعطيس ام هيه حساسه وتظهر اعطال بعد السفر او التعطيس ؟
4-هل بها عيوب مصنعيه أو اعطال ؟ وماهي ؟
5- كيف أدائها وقدرتها على الرمال يعني تمشي مرتاحه بالرمل و قويه؟
6- كيف أداء المكيف وخاصه بالصيف ؟ هل هوه ممتاز أم جيد أم مقبول ؟
7- كيف عزل الهواء والصوت الخارجي وخصوصا بالسرعات العاليه , وبأي سرعه يبدأ العزل يقل ؟
8- ما هيه عيوب السياره ؟
9- كيف حرارة السياره بالمسافات الطويله أو واقفه وقت طويل أو بالتعطيس وبصفه عامه ؟ هل متغيره ترفع وتنزل ام ثابته؟
10- كيف جودة صناعة الداخليه وقطع الغيار والسياره بصفه عامه ؟
11- هل صحيح ان الباجيرو يقلب بسرعه الكثير يقولون هذا الشيء؟ لان هيكل السياره ليس عريض ومرتفع ؟
12- هل هناك أي اضافات ؟
13- إنطباعك (لملاك باجيرو من 2007 وما فوق) بشكل عام عن السياره ؟
14- ما هو اجمل لون عليها الابيض اللؤلؤي ام البني الجديد ؟
15- هل هي ثابته بالسرعات العاليه والمنحنيات ؟
16- ما هي التغيرات التي طرأت على موديل 2010 ولم تكن ب 2009 ؟
***كل واحد يقول بداخله هذي استفسارات ولا امتحان ثانويه :) ***
اتمنى ما اكون ازعجتكم ,, وانتظر الاجابات على احر من الجمر ,,, لا تبخلون علي بالمعلومات ;) وجزاكم الله الف خير .
