ايهم اقل ضجيج وضوضاء بالسفر التاهو ام الاكسبدشن ؟

التاهو اريح بالخطوط لان القير تبعه جاي 6 سرعات قياسية وهذا الشي يخلي صوت المكينة هادئ

الموظف بتوكيلات الجزيرة قال عن الاكسبيدشن 2010 بنزين 95

نوع البنزين هل هو 91 أو 95 للاكسبدشن

أملك تاهو 2008
وربي عزل فاااااااااااشل بمعنى الكلمة وديكووور تحس انه معلق على خيوط وحبال رجه من جميع الاتجاهات هذا الشيئين اللي يمكن يرتفع ضغطك منها يرتفع ضغطك وانا اعنيها يرتفع
والله الين تضرب الطبلون اللي قدامك مع قووووة القهر الجبار اللي يتولجك الين تفكر انك تبي تبيع السيارة وتاخذ كرسيدا 80 مخبطة مكينتها ويسحبها حمار ولا دباب

من خلال ردود الاخوان تبين لي التالي :
السوبربان يتميز بالكاميرا الخلفية وتبترونيك
والاكسبدشن اكثر عزل والتعليق مستقل يتميز بالراحة اكثر
عندنا في العمل اثنين من الزملاء واحد معاه اكسبدشن 2008 اكس ال تي والثاني سوبربان 2007 ال تي
صراحة انا ركبت مع راعي السوبر ووجدت العزل اصنفه متوسط حيث ان صوت الكفر والهواء ظاهر بوضوح وصوت المكينة ظاهر بشكل بسيط
باقي صاحبنا راعي الاكسبدشن ما ركبنا معه وقاعدين ننسق معاه موعد وان شاء الله اخبركم باللي يحصل
بغيت اسالكم اذا احد عنده فكرة عن اجار السوبر والاكسبدشن كم يا ترى ؟

عسى الله يوفقك وتلاقي اللي تبيه
انا جربت سواقه الاكسبدشن صراحة ممتاز و قوي وهادي وتحس ان معك موتر بعدين معروف تقريبا خرباته وهي عادية
اخوي عنده 2003 وماشاء الله يسافر عليه دول الخليج ( هو من اهل الشرقيه )
اما التاهو والله لا افقه عنه اي شي سواء انه شكله حلو وقوي

ماشاء الله اسعار ممتازة والله وزين انك تصرفت ووفرت على عمرك حول 600 ريال وهذا اللي المفروض نسويه صراحة ولكن حرصنا على الضمان يجبرنا على زيارة الوكيل بالصيانات :bigggrin:
الله يتمملك يبو هذال وعقبال ما تفك لك مثل الاطخم اللي بتوقيعك ان شاء الله

لو عندي معلومات مفصلة عن قطع الغيار بالموديل الجديد لكلا السيارتين كان طرحتها ولكن للأسف ماعندي علم
ولكن ان شاء الله بعد اسبوع تقريبا او اقل راح اودي موتري صيانة 8000 كيلومتر واسال عن اسعار قطع الغيار الاستهلاكيه ( فحمات وهوبات وفلاتر الخ )

^^^
تامر أمر بالانبراشات (ترا وزني فوق 130 كيلو :bigggrin: يعني تحمل)

* أنا راح أقارن بجمسي الـ 2006 و ليس الجديد الأقوى عزما و الأكثر توفير للوقود و الأريح

بالنسبة للراحه فعندي جنوط 17 (اريح من الـ 20) و مريح جدا و الجديد اريح بمراحل

انا على 160 بالقير الرابع الضغط على 2,5 هذا وانا 4 سرعات فقط بينما الاكسبديشن 6 سرعات و أنا لم اقارن بالجمس الجديد ابو 6 سرعات

بالنسبة لصرفية جمسي في الخط يمد معك الى 750 كيلو ما يتكلم فيها ابدا لكن لأجل السلامة و الخوف من اني لا أجد محطات بنزين اعبي بعد ما ينزل التانكي من النص أما في المدينة فيعطيك اذا تفجره من 450 الى 550 حسب الفجر و حسب اذا انت توقف واجد ثم تمشي (الجديد أكثر توفير ثم 2009 بالقير الجديد أكثر و أكثر !)

يمكن بقوة المحرك يكون الاكسبديشن تفوق قليلا لكن يبقى الأدا نفسه ما فرقت

لكن بالنسبة لنسب الدفرنس فأنت غلطان
الجمس يتوفر بالنسب الآتية :
1- 3,04
2-3,43
3-3,73
4-4,10


من الظلم أقارن لأني موديل قديم و موترك موديل جديد (مثل الفحمات بـ 400 من الوكيل و من الموزعين ارخص بكثير توصل الى 250 برا الوكالة)
لكن الصيانات الدورية ما تطلع فوق 450 ريال (صيانة 30 الف لأن فيها فلتر هوا يتم تغييره) و 1800 ريال صيانة 50 الف (فيها تغيير زيوت السيارة كلها و تشييك كامل و تربيط كل شي)

طبعا ارتفاع السعر ليس بسبب القطع فالقطع رخيصة (فلتر الهواء بـ 90 ريال) لكن بسبب شغل اليد

مثلا انا غيرت زيت لقير لجمسي برا عندي ورشة و انا اشتريت القطع كلها من الوكالة مع الزيت و شغل اليد ما كلفني الا 270 ريال بينما الوكالة يقولون 850 ريال ! لاحظت الفرق الكبير بين شغل برا و شغل عندهم

بشكل عام قطع الغيار رخيصة على أني و الحمد لله ما أحتجت لتغيير شيء غير استهلاكي و لله الحمد

عدنا من جديد ببعض الانبراشات :bigggrin:




مرحبا اخوي الراحجي
على حد علمي نظام التعليق في الدينالي يختلف عن العادي ( هيدروليك ) وكذلك الجنط 20 فأكيد راح تكون تجربتك له ممتازة بالخط
وكذلك يختلف بالنسبة للمحرك , فمحرك الدينالي متطور جدا وقوي جدا ومن مجرد النظر الى سعة المحرك التي تبلغ 6.2 لتر و بغض النظر عن القوة الحصانية تعلم أنه لا مجال للمقارنة بينه وبين اليوكن والتاهو العادي :D
فهذا سبب مباشر (اختلاف المكينة ) بأن يكون الضغط على 2 اثناء سرعة 160

وبالمناسبة الاكسبديشن في سرعة 160 الضغط على 2 ونصف







رد عقلاني ورائع ابو يحيى
عندي تعقيب بسيط , اليوكن فئة فخمة من التاهو مثل الارمادا والـ QX56 ولكن بالمزيد من الخيارات للمشتري ( SLE , SLT , Denali ) , واليوكن السياحي يقابل تاهو LT1 على ما اظن مع فرق بالسعر اكبر لليوكن فطبيعي بيكون اكثر مواصفات .
الشيء الآخر ما اظن الشعبية تخلي الواحد يثني عن شراء سيارة مثل الاكسبديشن خصوصا اذا كنت تقول ان الوكيل ممتاز , صعبة الواحد يلبس وايضا يركب مايشتهيه الناس ولا وانا اخوك ؟ :smilie16:
وياليت ولا عليك أمر تفصل بخصوص قطع الغيار قليلا , لأن حسب معلوماتي الاكسبديشن أرخص قطع غياره




حياك الله يا الصافي بالعكس الموضوع قمة بالمتعه وليس بذاك التعقيد
1 + 1 = 2
نتتحدث بالأرقام فهي الفاصل الأول ومن ثم تأتي تجارب الأعضاء مع سياراتهم
بالنسبة لإستفسارك , لا يوجد كاميرا خلفية بالاكسبديشن السياحي ولكن ربما بالايدي باور , وعموما اعتقد لو تطلبها من الوكالة راح يركبوها لك
واعتقد ان الحساسات المخفية كافيه ووافية

وبالنهاية هذي ليست الا اراء شخصية وكل شخص ممكن يناسبة مالا يناسب غيره

وبالتوفيق في انتظار انبراشات الأخوة :bigggrin:

من تجربة بسيطة لليوكن و الإكسبدشن .. وجدت أن:
1- اليوكن أريح في المقاعد.. فيه مواصفات أكثر من الإكبدشن.. شعبيته أكبر..قيره تيبترونيك .. أكثر قوه حصنية.. تشغيل عن طريق الريموت ..إلخ
2- عيوب اليوكن: المراتب الوسطية غير قابلة للإمالة و هذا الشيء متعب جداً في السفر .. نظام التعليق فيه شي من القساوة .. الوكيل ما عنك أحد !!

3- الإكسبدشن وكيله ممتاز .. جودته أعلى من اليوكن .. نظام تعليقه أكثر تطور ..قيره أرضي ..إلخ
4- عيوب الإكسبدشن : الشكل الخارجي سيء و صندوقي .. شعبيته ضعيفه حتى الآن ..قطع غياره أغلى ..

طبعاً أنا قارنت باليوكن لأن اليوكن نفس التاهو اللهم إختلاف بعض المواصفات التي لا تذكر و تختلف حسب الفئات ..


بالتوفيق,,

اذكر فيه مجله اجنبيه سوت مقارنه بين الاكسبدشن والتاهو والسكويا والارمادا والاكسبدشن تفوق بالهدوء وايضا فيه مجله عربيه سوت تجربه للاكسبدشن واعجبهم الهدوء فيه

طبعا انا مجرب يوكن2003 واكسبدشن2009


طبعا رايح اكوون محايد <<<ماهي عادة:smilie16:

الاكسبشن اكثر صرفيه

الاكسبشن فيه سلبية وهي القير ارضي ومسوي زحمة ما تاخذ راحتك <<بس افضل شكل:a1120(121):

اليوكن افضل عزم

مراتب اقسى الاكسبدشن

الاكسبدشن ما فيه مكيفن يعني لراكب مكيف وللسواق مكيف

الصراحة سلبيات الاكسبدشن كثييييرة مرررة <<<مدري ليه يمكن لاني متعود على اليوكن

طبعا تلاحضون اني ما ذكرت سلبيات اليوكن :wink:

طبعا حساس الدبل يهنق علي بس اني سااحب عليه كئنه ماهو موجود:c0038:<<<مع ان سعره رخييص مره ولا يبي وقت تغييره بس مثلكم عارفين مهم:tongue:

مروحه مكانيكية وليست كهربائية بس الجديد كهربائية
وبس:bigggrin:

قبل انسى اليوكن واخوه الناهو افضل سعر
الحين اليوكن الي موجود2003ماشي250الف مسيوم68
تراي ماني بايع :confused1:



وفي النهاية تراني اتكلم عن سيارات الوالد<<<ياشيخ
بس اني استخدمهن اكثر منه<<<موفر سيارته:a120(115):

^^^^^^^
قرقر زيادة:xyxwave:


اسف على الاطالة

والاحظ انهم قريبات من بعض عيال عم بس انت شف الي يعجبك شكله وتوكل على الله والي داخل مخك<<اهم شي تكون هاظمة


والله يوفقك

على حسب علمي ما فيه:a120(115):

الف شكر لكم جميعا كلا باسمه وما تقصرون
وكنت عارف انكم تبيضون الوجه
واشكر بخاصة كل من كان حياديا في نقده
لكن بغيت اسال هل يوجد بالاكسبدشن تبترونك (يعني عادي وتماتيك)
بانتظار بقيت الاخوان

الراحة..ميكانيكيا راح نقول ان الاكسبيدشن اريح..لأنه نظام تعليقه مستقل بالكامل..مقصات في الامام والخلف..مما يعطيه ميزه افضل في امتصاص الاهتزازات والحفر..
التاهو تعليقه محور صلب في الخلف..معروف ان الصلب اكثر تأثر بالاهتزازات..وينفز مع الحفر..لكن ما جربته بشكل شخصي..
جربت الاكسبدشن ..وكان مريح بشكل كبير..مسكنا فيه خطوط لين شبعنا..عزل ممتاز..وراحة عجيبه..ورساوة خيالية..فاعتقد ان له الافضلة في هالناحية..
التاهو الجديد ما جربته..لكن كثير يمدحونه..
لو جيت لي انا راح اختار التاهو بسبب شكله وقوة مكينته(اقوى من الاكسبيدشن ب55 حصان تقريبا..لكن ميزة الاكسبيدشن انه ياخذ 85%من عزمه في 1500 دورة..وهذي ميزة تحسب للاكسبيدشن..)

اخوي بالنسبة لتجربتي للتاهو وحتكلم عنها

التاهو مريح جدا .
العزل فيه ليس سيء ولا ممتاز

الراحة فيه .. مريح جدا جدا ومراتبه مريحة وواسعة

المسافة بين المراتب كبيرة

قوة المكينة قوية ما شاء الله ... امشي 195 قفل السيارة والضغط على تقريبا 3 او اقل

الوكلاء ما اعرف عنهم شي

بالنسبة للتاهو مواصفاته في البحرين عندك الموضوع اللي في توقيعي واتوقع ان مواصفاته احسن من السعودية....

الوكلاء مادري عنكم في السعودية انتم اعلم


بالنسبة للاكسبدشين فما اعرف عن هالكثير ولكن حتكلم عن اللي اعرفه

فيه خاصية انه اذا طويت المراتب كلها تصير كلها بمستوى واحد ... التاهو ما تصير كلها بنفس المستوى

الراحة وهالسوالف ركبته بس يمكن لأنه التاهو عندي اقول انه اريح

بس اكيد انهم على الاقل متساوين او انه التاهو يزيد بالراحة

تحياتي،،،