وش فيكم ياشباب !!
بصراحة تنفعون لوظائف في الاف بي آي !!
اللي يقول كميرا واللي يقول حققي معه و و و
,,,,
يأم فيصل
أولا اسئل الله ان يصلح ابنك ويكتب لة الخير
ويبر فيك ويعوضك في هالدنيا
ثانيا ,, ترا سنك ابنك خطير جدا اذا ماعرفتي أشلون تسيطيرين علية
بالذات وانا اتلمس من كلامك غياب الاب , مع انة المفروض الاب يكون صديق لابنة في هذي المرحلة العمرية المهمة .
أسلوب التحقيق معه وتوضحين انك تشكين فية ممكن ياخذ أبعاد اكثر للموضوع ويؤثر علية في حياتة ويخلية يزيد عناد ويزيد طيش وتهور.
الان ابنك في مرحلة تكوين ذات
يبي يوضح للكل انة انسان وصل لمرحلة رشـد وتحمل للمسؤلية
ويثبت انة كفو من خلال تصرفاتة المتناقضة مع توجيهك وارشاداتك .
أم فيصل طالما انك موظفة انا متاكد انك متعلمة وتعرفين أشلون ترشدين ابنك للصواب
لكن ضغوط العمل وغياب دور الاب جعل من مهمتك صعبة .
أفضل طريقة لمعاملة ابنك هو انك تحسسينة بأنة رجال البيت بالذات انة اكبر أبنائك كما اتضح لي .
أجلسي معه وبيني لة ان الموضوع خطير وحطي كل اللوم على السواق ولا تحسسينة ابد انك مو واثقة في ابنك .
اوكلي ولدك في بعض الامور , ارسلية لمشاوير يكون فيها المتحكم الكامل بزمام الامور
ويكون السواق وسيلة تنقلة لا اكثر ولا اقل
بأختصار اعطي ابنك احساس بأنة رجال البيت وانة الكل في الكل
وبيني قدامة انك واثقة فية وراقبي تصرفاتة بدون مايحس بهالشي .
واوصلي لة رسالة مفادها ان السواقة لاحق عليها , بس الان أهم شي يخلص من دراستة ويحقق طموحكم فية , وضحي لة المستويات المعيشية بين الناس اللي كافحت حتى وصلت لأرقي المناصب وبين الاشخاص العاديين
اعطية أمل في المستقبل وطموح ورسالة لازم ينفذها في حياتة .
اعطية وعود بأنك تشترين لة سيارة احلامة بعد ما ينتهي من الثانوي بمعدل عالي
وكل هالشي سوية عشان الولد يتحول من انسان طايش اهدافة معاكستكم الى شخص قد المسؤلية .
ولاتنسين تضبطين حركاتة , غيري كوالين البيت ,,
وبكذا من تقفلين الباب من بعد العشاء ( بحجة الخوف من الحرامية مثلا ) راح يتبين لك من اللي ياخذ السيارة بأخر الليل .
أدري ان كلامي كثير ومو واضح لكن الشكوى لله اكتب لك وانا على موعد مهم .
