ليش ماتصنع الكراون فكتوريا فالسعودية ؟؟

اعتقد وعلى حسب علمي عند اكتمل مصانع كيان

بامكاننا نصنع سيارات لان صناعة السيارات تحتاج مواد خاصة
هذه المواد باذن الله سوف تنتجها مصانع كيان

ترا يا أخوان أمريكا ما بدت صناعة السيارات الا بعد اليابان ،،

والنقطة الثانية أنه والله فيه عقول سعودية إبداعية وذكية ولكن ما عطوهم فرصه ،، ونقدر نبدأ الخطوة بخطوة مافي شي يجي ممتاز من أول تجربه ،،

عجبني الموضوع ،،


ودمتم بود ،،

والله ياليت كان انا اول واحد يشتري

لكن محد حولك

لكن البوادر موجوده هنا وبشكل كبيير جدا


تقبل شكر وتقدير اخوكم { mr.nawaf }

يغلق الموضوع لعدم مامنه فايده <- :c0214:

--

بالنسبه للموضوع مافي اي مستحيل
و الان في مصنع سيارات بجيزان لانتاج السيارات في المدينه الاقتصاديه الجديده بس اتوقع الى الان مااشتغل

وازيدك من الشعر بيت
الشخص عامة يستطيع ان يكون محترف اذا اتقنو تدريبه وتأهيله بشكل ممتاز
والأنسان لم يلد متعلم ومحترف!!!

يعني الأمر في غاية السهوله ولاهي صعبه لكن بالجد والمثابره

اي والله مشكلتنا فينا .. نجيب ونجيب

ياخي ليش تجيب ؟؟ وبعدين من قالك ان السعودي تكلفته عاليه ؟؟ ياحبيبي السعودي هالحين ملحط فالشركات يشتغل على الفين وخمس وثلاثة ؟؟

معقولة شركة سيارات ماتقدر توفر له مثل هالمبلغ ؟؟ او حتى اعلى منه شوي ؟

ياخوان لاينقصنا كوادر فنحن عندنا طلاب فالمعهد الياباني السعودي وعندنا طلاب كل سنة يتخرجون من كليات التقنية .

نحتاج فقط خبراء لوقت محدود حتى نضبط الشغلة ونفهمها .. عندنا فنيين كهربا وفنيين تكييف وتبريد وعندنا فنيين صيانة سيارات بل طائرات .وش بقى في السيارة ؟؟ السيارة ليست قطعة واحدة هي مكونة من كهرباء وميكانيكا وتكييف وتبريد وهندسة تصميم وهذي الكوادر موجودة عندنا بالالاف

وعندنا البلاستيك والحديد والبنزين اللي تمشي عليه السيارة !!!


انا لو تصنع سيارة سعودية بكون اول من يشتريها ويكفيني اني افتخر فيها صناعة بلدي وليست صناعة كافر سلمته رقبتي لسنين عديدة حتى اصبحت عنده عبد مطيع .

نبيع عليهم المواد الخام بتراب الفلوس يجيب لي سيارة بلاستيك + حديد وشوية كهرباء وبرمجة ويبيعها ب ربع مليون !!!

وعفوا ترا بعض العقول لااعنيها بكلامي فكلامي موجه لمن يهتم ببلده ويتمنى ان تقارع الدول في صناعة السيارات وغيرها .

والله عيب خليتو الفورد الامريكي الموتر العريق الاصيل تنقل صناعته عندنا يكفيك انه امريكي الحين لو خلوه تجميع صيني ولا كوري قبل لا نجمعه احنا بتشتروووونه!!!!!!

الكوادر موجودة , واحنا متقدمين وعندنا اسامي ترفع الراس في اصعب المجالات كـ الطب و الهندسة و النفط وغيرها ...

لكن المشكلة في التكلفة الانتاجية

لما انا ابي افتح مصنع لابد اعرف وش اللي أسوية

ومن أهم هالامور التكلفة , شوف راتب العامل السعودي كم راح يكلفك ( لاتنسى تحسب متوسط مستوى المعيشة ) وتحط حد ادنى للرواتب يضمن لك بأن العامل اللي تشغلة في المصنع وتدربة وتعطية اسرار و و و انه ما يتنازل عن العمل في مصنعك مقابل عرض وظيفي بشركة ثانية او مصنع ثاني .

يعني راح اعطي مثلا العامل السعودي راتب متوسطة 5000 ريال << راتب حلو مع هالمستوي المعيشي لنا .

نجي لشي ثاني , كم تكلفة انشاء مصنع ؟ او خلينا نقول خطوط انتاج وتجميع ( افتراض بأن القطع الرئيسية تصنع في البلد الام ) بصراحة مدري كم تكلفة خطوط الانتاج لكن دور عن اسعار خطوط الانتاج في عـدة دول كـ اليابان و امريكا و كوريا و احسب المتوسط بينها .

نجي لمعضلة رابعة , وخامسة و سادسة الخ ...


صدقوني ياناس هالمصانع ومثل هالشركات وبالذات السيارات مو ناجحة عندنا لاسباب

1/ الرسوم الجمركية منخفظة جدا عندنا
مصر مثلا شوف كم الضرائب على السيارات المستوردة !!
لو كنا زي مصر عندنا ضرائب توصل لمعدلات عالية من الافضل اننا نفتح مصنع ونشتري تصريح ونقول ع البركة ونوفر بالسيارة الوحدة مبلغ يستاهل التضحية بـ الجودة و الخبرة عند العامل الفرنسي او الياباني .

2 / تكلفة العامل السعودي
في مصر مستوى الرواتب منخفض جدا لان المعيشة هناك منخفظة

في السعودية 5000 ما تسوى لك شي , هذا اذا فرضنا انة في شخص فينا يالسعوديين بيشتغل دوامين و في مكان خطر بـ 5000

3 / الثقة بالمنتج و التضحية مقابل مميزات اخرى

في مصر يشتري الزبون المصري سيارة تجميع مصري
وفي الهند كذلك والصين بعد

لان القاعدة الرئيسية هناك مكرهاً أخاك لابطل

من وين لة المواطن هناك دفع قيمة سيارة تعادل راتب 20 او ثلاثين سنة !!
وفي المقابل المنتج الوطني موجود بسعر رخيص جدا !!

4 / المستوى المعيشي

بالسعودية الشاب يوصل 24 يفكر انة يتزوج
في مصر مثلا متوسط عمر المقبلين على الزواج 33 << احصائية سامع عنها

في مصر الشاب المصري يسكن مع اهلة او يستاجر غرفة بحمام ومطبخ ومجلس
في السعودية شقة جديدة وبعد خمس سنوات يخطط يبني الفلة !!

يعني ان الشعب السعودي عايش في مستوى معيشي يقدر من خلالة يشتري سيارة وثنتين وثلاث باسعار مرتفعة عكس الشاب المصري اللي يعد للمليون قبل ما يشتري سيارة بـ 30 الف جنية .

باختصار شديد وبعيد عن البربرة اللي فوق

ليش اليابان ( تويوتا ) صارت تبنى خطوط انتاج وتجميع في تايلاند و استراليا وماليزيا و امريكا ؟
لان تكلفة العامل الياباني صارت عالية , واذا صارت تكلفة انتاج الشي مرتفع اكيد راح يكون المنتج غالي .

أخيراً ..

اذا كنت تقصد بموضوعك كيف نقدر نوفر وسيلة مواصلات بسعر اقل

فمالنا حل الا بأنشاء شبكة مواصلات حقيقية عامة

قطارات معلقة و انفاق
قطارات سريعة
طيران حقيقي مو مثل النصب اللي صاير في مطاراتنا
تأسيس شركات كبرى خاصة للتاكسي وتحديد سعر منطقي

متى ماتوفر للمستهلك بديل منافس راح تضطر الشركات الدخول الى مضمار جذب العميل

لكن اللي عندنا مجرد احتكار حتى بوكالات بيع السيارات

ولاتصدقوون انة في منافسة بين الوعلان والمجدوعي و الناغي
او بين بالبيد و الجميع و العيسي
او او او

اكاد اجزم بأن لكل شركة موظفين مخصصين للاجتماع ومناقشه العروض المطروحة بينهم

:bigggrin: << خلاص تعبت من الكتابة !!

اتمنى ذلك

..

المشكلة مش في عدم وجود الكوادر المؤهلة...

المشكلة فينا إحنا... كل شيء عندنا مستحيل ومانقدر عليه...

لكن إن جينا في الإستهبال وحب المكاتب والراحه فإحنا محتلين المراتب الأولى

من حيث كثرة الأكل والنوم، كثرة الإنتقادات على لاشيء، كثرة إستهلاك مواد الغير

لكن ما نقدر نصنع حتى عجينة بدون ما نقول " مستحيل "...

بهذه الكلمة ما راح نصنع حتى الجلدة اللي تربط بها الطارة...

:confused1:

هههههههههههههههههههههه

رد تحفة :xyxthumbs:

ياني ضحكت ضحك هههههههههههههههههههههه

اقول والله انكم تتحلمون
نحن شعب استهلاكي فقط
الواحد فينا مايبغى يشتغل الا على مكتب ولا مشرف فعشاان كذى ياحباني لا تحلمون كثير

انت قلبتها :.

كازينو كراون فكتوريا .
:tongue:

[COLOR="Red"] ولا تنسى راس حجر بعد الكبسه :a120(96):

هههههههههههه
_________________________________________________________________

والله يا ربعنا باقي بعيده عنهم يصنعون كراون فكتوريا ...


نحتاج للشي الكثير عشان نصنع فكتوريا ولا حتى عراوي 79 مع احترامي للمواهب المتوفره عندنا ...
لكن تنقصنا خبرت السنين وورش الهندسه والميكانيكا و و و ...
الا مثل ما قالوا الشباب اذا بنجيب فلبن وبنقاله ... كنك يابو زيد ما غزيت ويا ليت تتزين.:c0038:

معليش بدري علينا.

[/COLOR]

الشغلة ماعندنا ايدي عاملة متدربه سعوديه وحتى لو توفرت رواتبهم راح تكون عاليه جدا الان شركات السيارات يتجهون الى تايلاند واندونسيا واستراليا والمكسيك والصين بسب وجود الايدي العاملة الرخيصه

خخخخخخخ
بتطلع كراون فكتوريا معوقه خخخخخخخخخخ
-----
ماتشوف سيارات الهند تاتا ؟؟؟ هذي نهايه القافه من الهند هههههه سيارتهم احس مصنوعه في محل حداده
-
عاد كراون فكتوريتنا بتكون خشبيه ههههه مصنوعه في منجره في الصناعيه
واهم شي ورا حطو مكان التكايه صحن كبسه يطوي ويطلع على برا خبرك يمكن ماسكين خط ولا شي وياليت يفتحون فتحه على المكينه على شكل قدر ضغط حق المضغوط؟؟؟
---
بالتوفيق ولاتنسون تصنعون كراون فكتوريا غمارتين خخخخخخ وغماره خخخخخخخخ

فكره حلوه
ويوجد مصنع سيارات سعودي وابتكروا كم سياره
واطلقوا عليها مسمى (( العربه ))