السلام عليكم
قبل كم يوم صرت اسمع صوت اذا تعديت ال 60 يعني اذا وصلت 70 او 80 يبدأ يطلع الصوت
كأنه صوت زنة ذبانة زززززززززززززززززززز
رحت AC DELCO كنت بغير زيت وقلت له يشيك عليها ..
سوى تشييك ميداني وشيك عليها داخليا .. قالي المكينة مضبوطة اوكي .. المشكلة من البرينقات (الرمانة )
لكن سمتها عندهم يقولي ب 750 ريال .. والله سعره غالي شوي قلت له شدعوة هالسعر ليه كذا ؟
قال لأن معها مسامير وقطع عشان تقدر تشبكها مع الهوبات ..
والمشكلة تو صايرة هل اغيرها بهالسعر ؟ ولا اروح محل ثاني اشتري منه ويركبها وعنده الضمان والجودة ..
لأن خايف انها تجيم وأروح بخرايطها وتخرب الاذرعة
علماً ان السيارة تريل بليزر 2006
وشكراً
