زحفـان معه 47 !! وشـ رأيكم يـا رجـال { ..

دكتور زحفان @user_208821 · 01-02-2010

صباحكم عسل يا رجـال :wink:

يا إخواني ودي أسمع لـ أرائكم الطيبة الي متعودين عليها منكم,ومتعشم فيكم واجد يالنشامى

الله يسلمكم أبي لو موتر وكل الي معي لـ هالموتر 47 الف بالكثير و مالي رغبه الا في الياباني,نويت على هوندا اكورد نظيف لو فيه في اي مستودع من الموديلات القديمه ابو 2004\2005, والكامري ماني بحولها من كثر الي يشكون منها فـ وش شوركم يالرجاجيل.انا رجال راعي مشاوير واجده يعني طريق الرياض والشرقية بيكون ملازم لي لاني شغلي بيكون في الخبر وانا من الرياض, فـوش تشورون علي ؟؟ وين أحصل موتر طيب بـهالقريشات البسيطه

وماني بـحول الفشخره والترزز ابي موتر يشد اذا شديت عليه:xyxthumbs:

نشدتكم بالله تشوروا علي ولاتردوني خايب لأن ماظنتي انزل هالموضوع من غير فايدة والأجواد هنا مابيبخلوا على أخوهم:smile:

سلام الله عليكم ياعرب**سلام الحب والشوق

microzim @user_17566 · 07-02-2010

اخوي الله يكتب لك الي فيه خير
بس نصيحه ان راعي خطوط لا تعدى 6و8 سلندر
اريح لك وللمكينه

Sonata GLS 2006 @user_54588 · 06-02-2010

السلام عليكم ورحمه الله وبركاته...,

والله يالغالي اذا تبي شوري...خذ لك سوناتا سيااحي قير عادي..2010 تمشيك 5 سنوات بالراحه بدون اي مشاكل باذن الله....اسأل مجرب ولا تسأل طبيب...

انا بالنسبه لي ناس طلعت السوناتا...وفي نفس الوقت واحد من اخوياي طلع كامري واحد ثاني طلع التيما....وكلنا نعرف ورشه وحده ودايم نصلح عندها...

جاء مره رحت للورشه عشان اغير الفحمات وقلت للميكانيكي الي يعرفني ويعرف اخوياي...ببيع السوناتا حقتي كنت امزح طبعا....بس هو رد علي قال يابن الحلال والله انت منت صاحي لو بعتها....الحين اخوياك اللي معهم كامري والتيما كل شوي جايين يصلحون مواترهم مره مساعدات ومره عكوس ومره السياره طايح عزمها ومره ترتفع حرارتها...وانت ماشاء الله تبارك وانت تكرف موترك ما تجيني الا عشان تغير اشياء استهلاكيه...زي فحمات وكذا...

وطبعا رساوه في الخط....انا بالنسبه لي اسافر بالسوناتا ولا اسافر بالماركيز حق عمي....والله فرق في الرساوه كبيييييييير...السوناتا ارسى واريح في السواقه وطارتها كل ماسرعت تثقل...وغير كذا الفورد يفصل يالغالي...وبعدين الفورد انت بتاخذه مستعمل ومكروف وتبيه يمشيك 5 سنوات الى 7 سنوات؟؟؟!!!!!

خذ قاعده الجديد يعيش مهما كان...

ع العموم انت شف السوناتا الجديده في المعارض كم تسوي واستخر ربك وان شاء الله هي خيارك الافضل....

اتمنى افدتك يالغالي والله يوفقك...,

واااافي @user_75077 · 05-02-2010

الماركيز يكون موجيله فوق الـ2006

الفكتوريا يكون موديله فوق الـ2006

وأسأل مجرب رساااوه لأبعد درجه
قطع غيار جداً ررخيصه

الأكورد ايضاً خيار جيد بس المقاعد تكسسر ام الظهر
القطع الغيار مرره ناار
حجمها صغير مايتقارن بالفكتوريا
واخف بالوزن من الماركيز والفكتوريا
وبالتوفيق يالغالي

عســـاف @user_43317 · 05-02-2010

انا معاي اكورد 2008 واللهم لك الحمد زي الحلاوه معاي ماشاء الله
واذا تبي تطيع شوري لا تبعد عن الاكورد وعن الماركيز
< بالمناسبه قد صار معاي ماركيز فتره وهببببلت فيني الفصله حقته خاصة اني رايح جاي الخبر - > الرياض عيبه الوحيد انه يفصل عند 170 ولا راحته ما يحتاج

FiReFiGhTeR @user_140446 · 05-02-2010

السلام عليكم ورحمة الله وبركاته
بسم الله نبدأ:

اخوي اول شي اهنيك على اختيارك الممتاز والله يوفقك و تراني مو بعيد منك انا اهلي بالرياض وواشتغل بالظهران والحمد لله كنت ناوي على التيما تعرف سوالف الفله والسرعه والهجوله بس نصحني اخوي الله يعطيه العافيه ودبر لي اكورد 2007 ب 52000 الحمد لله اللي قال في كتابه ( عسى ان تكرهوا شئً هو خير لكم ) والله ما ازل بكلمه الموتر شهريا يمشي من 5000 الى 6000 كيلو وله سنه كامله معي وانواع الصدوم والاختفال بس الحمد لك يا رب ماشي تمام التمام و ان كانك تبيه رساوه في الخط فخ> رساوه ( ياخي على خط الشرقيه ويمكن انت تعرفه زين خاصة في النهار مع الهوا والعج... لما جربت سيارة خويي كامري ما اقول الا يالله سترك خاصة ا>ا مريت من جنب تريله وانت مسرع تحس السياره تلعب معك تلف يمين وا>ا تجاوزت التريله ترجع يسار من حالها من قوة الهوا بس الاكورد بسم الله ما شاء الله صح اني ما اسافر في النهار ووقت الهوا والعج تعرف محافظ على الموتر من شريتها بس للامانه ادعس ال200 وبدون اي مبالغه اسوق السياره بركبتي خاصة ا>ا انت تاكل :smilie16: بغض النظر عن نوع الكفرات لانها عاديه مو رياضه وبعدين انا ما عجبني في الموتر الا رساوته حتى في الطرق المبلله والفرامل ه>ي حكايه ثانيه ( روعه بمعنى الكلمه ) وسياره ا>ا تبيها رسميه تعطيك تبيها شبابيه تعطيك وللمعلوميه اللي معي سوح بفتحه بس فصلت لها جلد وركبت جنوط نفس الفل
وا>ا بتشتري سياره افحصها في الوكاله بمكن تقول مبالغ.. موسوس.. مشوار ياخي *نصيحتي لك ادفع 300 او 400 احس لك من انك تنغش*
اما من ناحية قطع الغيار فصحيح انها غاليه شوي بس حط القطع وانسى منها يعني ارتااااااااااح
اسف على الاطاله وارحوا انك تصمل على رائك خل عنك فورد وسوناتا والسوالف اللي ما توكل عيش والله يوفقك سلااااااااااااام يا عسل....:xyxthumbs:

a-a-q @user_198219 · 04-02-2010

الخيار والجزر والكوسه الامثل الفكتوريا:c0214:

$ AL Z3IM $ @user_160600 · 04-02-2010

السوناتا او الالنترا 2010 ..

جديد .. من المعارض ..

D a r k o @user_188802 · 03-02-2010

انا اشوف السوناتا شككل 2009- 2010

خذلك سياحي قير عادي

اسألني ياعليها عزم

وسعرها بحدود 48 الى 50 الف

ŜăŁ7 סĄβ @user_172008 · 02-02-2010

خذ لك هندا أكورد 2007 مستعمله نضيفه

- عزم , يعني تعطيك بالخط تقريبا الى 220

- رساااااااااااااوه

- تتحمل

..

بس لو تقدر تجيب 65 الف أفضل .. تاخذ لك اكورد الشكل الجديد .. لأن الشكل الجديد أرخص قطع غياره بواّجد

( أسأل مجرب ولا تسأل طبيب , أنا مجرب الاكورد 2007 بالخط والله ولا أحلا منها )

الجبيري1 @user_46346 · 02-02-2010

السلام عليكم
بصراحة الشباب ماقصرو اعطوك حلول كثيرة وفي النهاية انت تقرر بس قبل كذا لاتنسى الأستخارة واسل مجرب ، وانا من وجهة نظري الماكسيما ممتازه وعمليه وموتر طيارة وبالمبلغ بتلاقي 2006،2005 تقريبا ،

ابو فنه @user_8935 · 02-02-2010

ان كانك تبي جديد فعليك بالسوناتا ستاندر قير عادي
وان كانك تبي مستعمل فخذ لك ماركيز بس دور اقل شي 2006 ولا تنسى ان حنا في 2010

talol @user_198322 · 01-02-2010

انا اقول خذ سوناتا 2010الشكل الجديد -2009 بحكم انها جديدة مضمونة اما الفورد والماركيز ما اظن تفك جديدة الا اذا تبي ماركيز ولا فورد ما اقول لا
الله يوفقك ولاتنسى الاستخارة

عاشـ الفورد ـق @user_169556 · 01-02-2010

انت تقول انك راعي خطوط يعني خذلك ماركيز او فكتوريا في الخط مافيه افضل منهم

Acoord06 @user_60757 · 01-02-2010

فلوسك تجيب لك اكورد 2006 فل كامل
موتر راسي وثابت وانا معي واحد
وانصحك به وبالتوفيق ان شاء الله

هيونداي سوناتا @user_134184 · 01-02-2010

نصيحة يالغالي إذا إنت راعي خطوط وتبي رساوة وهدوء وراحة بال وقلة مشاكل

وقطع غيار رخيصة وفوق هذا كله رزه >> على قولك :ch19: صدقني بالفلوس

إللي معاك مالك إلا سوناتا 2009 زود على فلوسك ألفين ولا ثلاثة وخذلك قير عادي

جديييييد كرت وصدقني السوناتا ماشاء الله حق كرف والخطوط تشهد ... :xyxthumbs:

أنا واحد من الشباب أعرفه كل أسبوع ماسك خط المدينة القصيم بحكم عمله وسرعته

ما تنزل عن الـ 160 وسيارته طبعاً سوناتا 2008 والرجال يمدح موتره وما يشتكي منه

أبداً وعل فكره القير العادي أحسن لك في السفر .... :xyxwave:

وبالتوفيق إن شالله

Mr.Mondeo @user_91435 · 01-02-2010

أنت تبي موتر خطوط وأنـآأ جربت الاكورد 2006 لسآعتين بس
والله يآأ مرآأتبه تكسسر الظهر
موتر حلو وفخآامة وهآأدي ورآأسي بس يأآخوي بيجيك كل آأمرآض الظهر
السونآتآ حلوة ومنتشرة ومآدري عنهـآأ كيف أستعمآلهآ لككن الكل يمدحهأآ
لكن سعرك هذا يججيب لك أحلى مآأركيز صآلة موديل 2004
وأنت طب بهالصآلآت وتخير وجرب وأفحص وتأكد وأشتر

دكتور زحفان @user_208821 صاحب الموضوع · 01-02-2010

يا إخوان يعني الكوري ( سوناتا ) يمشي الحال وقطع غياره وصيانته مضبوطه ؟ ويُعتبر أفضل من هوندا اكورد 2005 مثلآ أو حتى كامري؟

فـلاش @user_182005 · 01-02-2010

مثل ماقالوا الشباب ماركيز

دكتور زحفان @user_208821 صاحب الموضوع · 01-02-2010

كفووو والله يالنشامى

يشهد الله إنكم ماتخيبوا ظن الواحد فيكم

تسلموا يا عيال بلادي والله فيكم الخير