مقارنة بين اللاند كروزر والنيسان بترولvtc اريد رائيكم

اخي انا ذهبت للبريمي وحجزت سيارة لاند كروزر جي اكس ار ودفعت العربون وقالو لي انتظر اسبوع حيث ان اللون الذي طلبتة مخلص وغير موجود ( اللون الذهبي ) جناح فتحة بالسقف حساسات سيدي رنجات

لكن اخي هل انت متأكد من انه بة مثبت للسرعه ؟؟؟؟

كاتب الرسالة الأصلية عتش
اخوي No1 نصيحتي لك تأخذ لاندكروزر لانه افضل بكثيييييير من الباترول اسأل مجرب وانا مجرب اول شي الباترول فاااااااااشل وكان معي باترول 2000 النوع الثاني واحمد ربي اني بعته احسن ما فيه بالرمل يخدمك بس الباترول سيئ سيئ جدا للاستخدام وعيوبه كثيييييرة تشريه جديد وبعد سنتين يطيح اقل من نصف قيمته وياكل اكل بنزين وغير راسي بالطريق ويتفكك بسرعة وقطع غياره غاااااااالي وخراباته معقدة وشكل الجيب نفسه خااااااايس ولا فيه ولا نقطة فخامه احسن ما فيه للتطعيس واذا تبي سيارة احسن منها للتطعيس عندك الشروكي الكلاسيكي افضل منه بالف مرة بالتطعيس واكشخ واحلى شكل وافخم من الباترول وثاني شي الباترول رخييييص سعره باترول 2003 عداد صفر فيه كل المميزات جلد وقير مزدوج وفتحه وزنون اللي هو السوبر سفاري سعره 132 الف ريال عند الوكالة وعند المعارض ارخص وامس كنت بالمعارض لقيت موديل 2003 تاريخ صنعه 2002 سعره 110 فللللل كااااااااامل وباترول موديلات 99 و 98 و2000 اسعارها ما تتعدى 55 الف اللي هو الفل كامل والنوع الثاني يعني اسعاااااااارها رخيييييييصة والله راح تندم اذا شريتها ...
________________________________________________


السلام عليكم

اخوي انا بخذ معك نقطة نقطة من كل الي قلته

1- مين قالك ان الباترول فاشل قلي انصار واحد للند كرورز في باريس رالي
شلون برهنت انه فاشل واذا كان معك باترول وفشل معاك انا اقولك عند عمي
لاند كروزر 2003 vxr2 بريمي من دبي شاريه ماجلس معاه 4 اشهر الا باعه
واشترى باترول سوبر سفاري وكل ماسئله كيف السيارة يقولي ولا احسن .

2- انت قلت انه عيوبه كثيرة زين عطني عيب واحد ؟؟؟؟ لاتالف من عندك كلام

3- تقول يتكك بسرعة وضح كلامك ؟؟؟؟

4- انت تقول شكل الجيب خايس طيب مقبلولة هذا رايك الشخصي !!!

5- مين قالك ان قطع غياره غالية وغير متوفرة في كل مكان القاها ...

6- (ولافيه نقطة فخامة ) حبيبي انت تحكم بنفسك يعني الظاهر المايباخ مايعجبك ....

7- ( الباترول رخيص سعره ) هاهاهاهاها هذا مب من عيوبه جيب فخم وخطير بسعر رخيص يابلاش ..هها

8- الشوريك الكلاسيكي طيب قابلني اذا كان افضل منه ...

9- طيب انا الباترول حقي مديل 2000 سوبر سفاري ساموه ب 90 الف تعال قولي 55 ......

10- طيب انا عندي باترول وكل ما اسوقها اكون رافع الراس فيها والله ولا فكرت اني ابعها او اندم عليها ...

11- اخي no1 ابقولك شي اشتري لاند افضل نوعية وبعدين تعال اطلع فيها
البر وتشوف انواع التعليقات ..

اخوي اذا جيت تحكم على السيارة احكم عليها بحكم عادل ومنصف مب حكم
شخصي ...

تحياتي

نحنا في انتظارك .

السلام عليكم ,,والله اسف شباب ماقدرت امر الوكاله اليوم ,,لكن انشالله وعد مني بكره امر وشيك لك على الاسعار ابشر خير انشالله ,,,والسموحه .

اخوي لاتحتار ولاحاجه
على الكلام الي قلنا هو 200km
مواصفات الجي اكس ار رائعه
عشان كذا اقول انتظر رده عشان يعطينا السعر
وتوكل على الله و خذلك واحد مواصفاته قطريه.

تحياتي

محتار

No1 خيييييير اشفيك ؟؟؟؟؟

|5||5||5||5||5||5||5||5|

للرفع

نشالله اشيك على السعر بالضبط وعطيكم خبر عاد اليو جمعه يعني بكره انشالله ..
وخوي غامض :) اللي قالك هالكلام غلطان ,,تعال خور العديد ولا العريق وشوف بعينك ..

أقول يا اخوي صحيح أن الباترول أقوى لكن تاخد لك لاند أفضل أنا من ناحيتي أشوف الاند رزه أكثر وبصراحة ما سمعت أن القطريين يحبون التطعييس لكن وبالرغم من ذلك يفضلون الاند مع أنه أغلى ثمناً

اخوي تقدر تقلنا كم سعرها ؟؟؟؟؟؟؟؟؟

نسيت اوضح شي ان النقطتين ال 4 وال 5 كانت هالمواصفات موجوده بموديل 2002 ,,وهذا للتوضيح ,

شباااب ممكن ادخل عرض :) ...

الجي اكس ار 2003 مواصفاته عندنا بقطر كالتالي وهذا للجي اكس ار الكامل الزيادات ...طبعا راح اذركر الاشياء اللي ماكانت موجوده بموديل 2002
1- طبعا الكل يعرف ان الشكل الداخلي تغير من ناحيه الطبلون والفرش و الخ ..
2- مسجل + سي دي
3- تثبيت سرعه وزرار تحكم بالسكان ( الدركسون )
3- حساسات خلفيه .
4- دواسات في اكس ار وسبيلارات في اكس ار .
5- رنجات ( جنوط في اكس ار).
وفيه عندنا نوع ينقاله مواصفات جي اكس ار مع بيكون نفس الجي اكس ار لكن الالكترونيات فيه مختلفه عن الجي اكس ار + الكراسي تكون كراسي في اكس ار مع العلم ان هذا كله شد الوكاله اي المصنع .

لا اخوي لاوصتها ولا حاجه ترا بالي طوييييييييييل خذ راحتك
بس اخوي انت ركبت الحاجات هذي بنفس يعني ماجات من الوكاله
يعني تفرق كثير .
انا ذكرت لك الاشياء الموجوده في الباترول ومهي موجوده في الGX-R2
الحين انت قلي ايش موجود في الGX-R2 ومهو موجود في السوبر سفاري ؟؟؟
عشان اقتنع انها افخم .

السلام عليكم
خخخخخخخخ اخوي اعرف اني وصلتها معك وانت وصلتها معي :D:p|1| بس عادي الدعوة اراء وانا ماخذها وناسة .
اخوي ليمتد اما بخصوص الـGXR2 الجلد عادي مركب جلد تشوفه تقول شد بلد والزينون مركب نفس الفي اكس ار الاصلي صدق ومسجله فخم فخم فخم ومع سي دي اصلي بس عيبه المكيف عادي ومافي مثبت سرعة بس اخوي هاذي ما تعتبر فخامة هاذي تعتبر مميزات ووميزات ما عادي ما تميزها عن الـGXR2 اما عن الفخامة الداخلية بالـGXR2 افخم من الباترول السوبر وانت يا ليمتد شكلك ما شفت الـGXR2 2003 عشان تقول كذا وسلامتك .

:D
اخوي انا معاك ان الاندكروزر افضل وانا عندي GX-R 2 99
معدلها ومخليها زي الVX-R
وماشاء الله ولا اروع ماعمرها دخلت ورشه وماعملت لها الا صيانه وحده.
راح تلاقي صورها في منتدى سيارات الاعضاء|1|:D .
لاكن الحقيقه اخوي هي ان السوبر سفاري افخم من GX-R لانه فيها :
زنون, جلد, مكيف الكتروني , مسجل اصلي cd
ازارير في الدركسون مثبت سرعه وفي النهايه جير اتوماتك + عادي ب 5 سرعات
هذا كله مفقود في GX-R ولاكنه موجود في الVX-R
هوصحيح ان الGX-R اكثر عمليه وخرابه ناااااااااااادر
وقطعه متوفره وتارسه السوق الا انه يظل السوبر سفاري افخم.

بالنسبه لعيوب الباترول من وجهت نظري هي:
الشكل الخارجي , السعر عند البيع , الجير يقولو فيله مشاكل ويخرب بسرعه
اما عن الاند:
شويه سعره غالي بس :(.

اما مميزات الاند هي :
فخم , شكله رائع , راسي ,وقطعه متوفره في كل مكان ورخيصه,
وسعره يمسك عند البيع|1|.

اما الباترول :
فخم بس الVX-R افخم , قوي في الطعوس , سعره مناسب.

تحياتي|3|

السلام عليكم

اخوي ليمتد اشوفك معدل على اخر رد لي لييييييييييه هااااااه:D:rolleyes::eek:
ثاني شي اخوي بالعكس والله الـGXR2 2003 افخم من الباترول السوبر 2003 وخالي معه 2003 ومتحسف انه مشتريه وشرايك ويوم شاف جيبي تمنى انه مشتري زيه .
اخوي ليمتد ابيك تطلع مميزات وعيوب الاندكروزر والباترول من وجهه نظرك وذوقك انت وسلامتكم .