معاناتي مع سيارة gmc acadia

الله يعينك ويعوضك باللي احسن منها

اسعار مبالغ فيها انا فكيت مكينة لومينا 2008 وركبت طرنبة الزيت شغل اليد بـ 1300 ريال وقطع الغيار ياليه جابوها بعد 15 يوم الطرنبة مع الجنازير ووجيه ومدري ايش كلفتني حول 3500 ريال .... ومازالت معي اللومينا ويعلم الله اني كارها الحين فيها تقطيع سويت له تصفيهه وهبل فيني

انصح الجميع بالابتعاد عن سيارات شفرولية وجمس صدقوني ماتعيش عندنا الا السيارات اليابانيه...

الله يعينك بس هذا الي أقدر اقوله ويعوضك خير انشاء الله

الله يعينك

هلا اخوي ..

اذا بغيت نصيحتي ... انا من رايي انك تبحث عن جير مستعمل ( ادري انك راح تقول ان السيارة جديده وانك محافظ عليها ) ولكن صدقني انك راح تلقى جير نظيف وراح يكون سعره مناسب .. ( لان الجير حتى لو كان جديد او حتى لو قمت بشراء قير جديد بعد معرض للخراب ) بس نصيحتي انك لما تاخذه روح للوكالة وخلهم يركبون لك اياه .. ( والافضل انك لمن تشتري القير من الخارج بعد احتمال ان يشترون منك القير القديم ...

بس الافضل انك تشيل السيارة لاحد الكراجات المعروفة او الممتازه وتخليهم يشوفون القير .. ( قبل لاتغيره ) لانه يمكن يكون فيه مشكله بسيطة ويقدرون يصلحونها ..

لان الوكالات .. ماتصلح ودائما ً عندهم التغيير ( دائما ً يقومون من استبدال القطع من دون المحاولة في اصلاحها ) ..

من عجائب الانترنت انك تقرا ناس تصلح سيارات جديدة موديلاتها 2008 و 2009
بـ30000 و35000 , يعني في ضرف سنتين تكون دفعت نصف قيمة
السيارة على اصلاح اعطال مع الصيانة الدورية !!
ياجماعة الخير والله انكم صرتو صيد ثمين وطعام جحوش للوكالات الي مافيهم ذمه
ولا ضمير , البعض يعتقد ان الوكالة لديها خوارق المسيح بينما هي
عبارة عن ورشة عادية كثير من عمالتها غير مدربة
ومتسيبة , هناك ورش متخصصة وعلى مهنية عالية واسعارها جداً مقبولة وقابلة
للتفاوض بمعنى انك ستحصل على شغل افظل من الوكالة بنصف السعر
فما الداعي لاصلاح الاعطال عند الوكالة , ايظاً السيارة
الي فيها كل هالمشاكل وهي جديدة لايعول عليها ان تخدم اكثر مما خدمت

^^^^^^^^^^^^^^^^^^^^^^^^^^^^^6

أنا مستغرب أنكم كلكم نفس أعطال تقريبا والله شيء يحير ويخوف ..

الله يعوض عليك

والله انا من اكثر المعجبين بالكاديلاك ، ولكن عفت هذه السيارة العريقة بسبب هذا الوكيل الفاشل ، ما اقول الا الله يعين الصابرين ويعوضكم خيرا

من رأيي بيع السيارة
والوقفة الطويلة تتعب السيااارة
ولي موضوع قبل كذا
عن المشاكـل بسبب الوقفة الطويلة

سبحن الله , الله يعينكم يا اخوان فعلا شي مؤسف الى قاعد اقرأه , ارهاق نفسي ومادى واسال الله ان يكفكم شر العين وشر الحاسد وان يرد عينهم اليهم ويجعل كيدهم فيهم .... ابي اشور بشور ولكن شوة اقدر اقول ؟ اقول بيع السيارة سكراب واتخلص منها او اقولك بيعها ف الحراج ويبتلى بها غيرك بعد حرام والا اقول صلحها والا شوة ما اعرف والله لكن انا لو كنت فى مكانك بتخلص منها باسرع وقت حتى لو اخسر فلوسي بدل ما استمر ف الخسارة والله يعوضك خير

مع قريبي سيارة مثل سيارتك تماما 2008
و حصل معاه تماما مثل ما تقول
السيارة فيها صوت في المكينة مع لمبة المكينة والعة
ودها التوكيلات و طلع طرمبة زيت و بخاخ و جنزير
لها الان قرابة الشهر عند الوكالة بسبب عدم توفر قطع الغيار
للعلم سيارته ماشية 70 الف فقط
اما القير فحسب كلام مهندس في ورشة العالمية فانه يقول ان تغيير الزيت يجب ان يكون دوري و كل 50 الف كليو بالتمام
و اذا تأخرت اكثر من كذا ما فيه مشكلة لكن لا تغير الزيت القديم المحروق بجديد
يعني اذا انحرق الزيت لا تغييييره القير يشحم على طول
اما تغيره بنتظام و لا اتركه

بسم الله الرحمن الرحيم
السلام عليكم ورحمه الله وبركاته
انا مشترك جديد في الموقع وانا في العاده ما اكتب اي مقالات اومشاركات في المواقع ولاكن من القهر واما ابغى غيري ينضر او ينخدع بهذه السياره وبعد ما قريت مقالة اخونا عبادي الحارثي والمشاركات الاخرى تئكدت ان المشكله والعيب ما هو مني ولكن من السياره
انا عندي اكاديا موديل 2008 الفل الكامل
اول ما اخذت السياره من التوكيلات العالميه للسيارات في جازان مشت معي السياره تمام وعجبتني وبعد مده جت امطار ومع المطر كانت في تسريبات من سقف السياره ماهو من الفتحه ولكن من عند الحزام لقدام الى عند القزازه الاماميه والي الخلف الى عند حزام امان الراكب الخلفي من الجهتين واخذت السياره لهم قالو صلحناها وطبعن وبعد مده نفس الطريقه وقالو صلحناها المهم قبل ما ينتهي الضمان كانت لمبه المكينه تولع وانا كنت اوديها الصيانه بشكل دوري قالو صلحناها وكانت تتكرر بس يقولون السبب ان عندك الشكمان فيه ضربه وفيه تسريب ولازم يتغير بقيمه5000ريال فسويت له تلحيم ومش الحال بس كانت دايمن اللمبه تولع حتى مره من المرات بعد التشييك وانا والله في الوكاله رجعت مره ثانيه قالو هدا من الشكمان المهم وبعد مده خربت علي السياره وصارت ما تغير من نمره لثانيه فوقفت السياره وشحنتها على الوكاله قلت له سوي لها فحص شامل من الصدام الى الصدام كان معي قرشين ومسوي فيها بعد اسبوع دق عى وقال السياره يبي لها قطع وصيانه ب35الف منها السقف بسبب التهريب هذا بعد ماانتها الضمان لازم تغيير وقبل مايحتاج الا تصليح المهم واكنسل الاشيا غير المهمه الين وصلت 15الف قلت له صلح قال باقي بنفتح القير ونشوف وش الخراب بعدها باسبوع اتصل على واضافو والله 15 الف غير الاوله لانه الجير يحتاج له توضيب وصلحناها واله بعد الخصم 24الف ووالله ان المهندس الفلبيني يتكلم مع رئيسه ويقول جت السياره وزيت الجير محروق مع انه والله ان التشييك شبه شهري واخذ السياره هذا الكلام انتهى في شهر 8 العام الماضي وفي شهر 2 والله وانا ماشي طلعت لي لمبه التحكم بالثبات بعدها مباشره طلعت لي لمبه ضغط الزيت منخفض معى ان الزيت ما له حتى شهر بعدها طلعت لي لمبه اطفى المحرك الان والله واشحن السياره للتوكيلات وقالو الماطور يحتاج له توضيب ووالله ما طلعت السياره الى قدام10 ايام ووالله اني دافع فيها ما يقارب 20الف والسياره جلست حوالي الشهرين لان مافي قطع هنا الى تجي من دبي لاوالاطم يسلموني السياره ولمبه الماكينه شغاله قالو ممكن برمجه بعدين قالو تعال استلمها اجي اخذ السياره الا ومااقدر اطلع او انزل اي قزازه من قزاز السياره من عند السواق الي محيرني الى الان ابي اعرف وش دخل توضيب الماطور في القزاز واخذت السياره ووالله ما كملت ثماني ايام وانا رايح الدوام اشوف دخان طالع من تحت الكبوت والسبب الماطور واخذوها وصلحوها واستلمتها وانا ما عاد ابغى اركب في السياره وانا الان احاول ابيعها

لاكن ما اقول الى حسبي الله ونعم الوكيل فيهم فوالله انهم قد اتعبوني ماديأ وجسديأ
والمعذره منكم على الاطاله لاكن والله من قه رو ما ابي احد ينخدع:a1120(82)::a120(115):

الله يكون في عونك اخوي

دام الضمان انتهى انس الوكالة

لأنهم راح يضربونك بأسعار خيالية

الله يجزاكم خير اخواني الاعزاء

اضن اني باتركها فترة 8 الى 12 شهر بعدين اصلحها لانه عندي سيارة غيرها للاستعمال اليومي (( وبصراحة ماعندي حق التصليح :smilie16: خخخخخخخخخخ))
يمكن اشتري جيربوكس جديد.......... طبعا بعد ما اقرى عليها وتروح العين انشاء الله ان كان فيها عين...
ولكن الوقفة الطويلة ما تخرب السيارة اكثر ؟:c0214:

ترى كل شركات لازم تكون في عيوب بسياراتها وهذا لايقتصر على امريكي فقط انما الياباني والكوري والألماني

راجع الموضوع التالي :

http://www.assayyarat.com/forums/showthread.php?t=198806


يعني لمن اشوف أفالون 2006 ومكينتها خبطت هل يعني افالون سيارة سيئة او تيووتا سيئة

بصراحة مشاركتك سيئة جدا لأنه كاعد تتكلم على قسم كبير ممن يمتكلون السيارات الأمريكية


وسلامي لك

:c0038:

المشكله ان سياراتهم رائعه جدا يعني يوم تسوقها تحس انك راكب سيارة اما اليابانيه تحس انك

راكب سيكل :bigggrin:

الله يعينك

للأسف صناعة إمريكية

خراب في خراب لكن وين الناس اللي تفهم وتاخذ عضه وعبره من اللي حصل لأخونا الغالي

إظفر بجلدك من السيارات الإمريكية