اهل الفورد قطعه نسيت اسمها

علي العجرمي @user_84387 · 11-02-2010

السلام عليكم
ممكن مساعده يا اهل الفوردات
سالفتي سلمكم الله قبل ثلاث سنوات
رحت حق الصناعيه وقالي واحد يمني فيه شغله اسمها ال gr(جي ار) هذي تبع الحراره افصلها معاد تجي المكينه حراره وشلتها وولعت لمبة التشييك
هو يوم فصلها جاب قطعه من علبة بيبسي وركبها يعني سكرها بقطعه البيبسي
المهم الان انا ابي اطفي لمبة التشييك ولا ني عارف اسم الي فصلها اعتقد انه مخترع اسم من عنده لابارك الله فيه الي يعرف شي يقولي مشكور
ابي اسم القطعه عشان اهل الورش يعرونه

زغلول أخو فتحية @user_143068 · 22-02-2010

^^^^^^^^^^^^^^^^^^
وشلون ؟ أعطينا حتى نستفيد

علي العجرمي @user_84387 صاحب الموضوع · 22-02-2010

انحات المشكله ولله الحمد

علي العجرمي @user_84387 صاحب الموضوع · 16-02-2010

انا مضيع مكانها بس هي في المكينه من يسار وانت واقف امام السياره
هي شغله يمر فيها حراره وسكرها بقطعه البيبسي وردها في مكانها

هوساوي صميم @user_132618 · 16-02-2010

الله يعينك، عشان كده الواحد ما يعطي سيارته لأي واحد...

خاصة اللي يتعلمو على ظهور خلق الله...

MRAAIAA @user_209547 · 16-02-2010

عليك باقرب محل كشف بالكمبيوتر

عضو غير @user_178713 · 16-02-2010

يالغالي مافهمت هرجة الببسي
بس اذا ماخاب ظني هو فصل حساس المروحه عشان الحراره تقل
ولمن يفصل الحساس تطلع كلمة شيك (انا مسويها الحركه )
تستغرب انت ليه فصل الحساس لان النظام حق المراوح اذا ماخاب ظني تشتغل وبعدين تفصل بس لمن يفصل الحساس حق المراوح تشتغل المراوح وماتفصل عشان كذا تقل الحراره هذا الي اقدر افيدك فيه
وارجع له واتفاهم معه افضلك

ميركوري1 @user_14246 · 16-02-2010

وعليكم السلام ورحمة الله وبركاته

أعتقد إن هذي القطعة سلمك الله اسمها بلف EJR ويجي هذا البلف وصلة بين الشكمان والثلاجة، ومهمة هذا البلف هو إعادة الوقود غير المحترق من الشكمان إلى الثلاجة لإعادة إحراقه من جديد.

تروح لأي محل قطع فورد وتقوله أبغى بلف EJR

على فكرة أي خلل في هذا البلف أو في حساسات الأكسجين تشتغل لمبة التشيك انجن على طول..

إن شاء الله أكون أفدتك

تحياتي...

فني سيارات @user_8460 · 16-02-2010

ممكن حساس المروحة
وهو فصلة علشان تشبك المروحة على طول ماتفصل
والله اعلم

شال الغطاء الحامي حق المكينه

تقصد فيه الغطا السفلي :c0038:
مافيه غير تروح له وتطلب منه توضيح بضبط عن الي عمله في سيارتك ويصلح الشئ بشكل واضح بدون تلاعب

بصراحة مافهمت ايش هذي القطعه

الله يعينك

ليمير @user_114191 · 15-02-2010

يليت صور معك عشان اعلمك وش فصل اذ انت تابع يمني علي قولك المهم الصور وين ركب قطعة البيسي

أسـامـة @user_150240 · 15-02-2010

اعتقد فصل حساس المروحه

علي العجرمي @user_84387 صاحب الموضوع · 15-02-2010

هلابك اخوي طال عمرك بدايت المشكله اني كنت اعاني من تقطيع في السياره فذهبت الى ورشه قالي ابي اللغي شغله اسمها الg rهذي ماتخلي السياره تحتر ممكن السياره تقطع من الحراره يعني الرجال نصب عليه وفصلها من المكينه وهي موجوده بس الغاها
والحراره الان طبيعيه النص
بس المشكله ان لمبة التشييك مولعه وهو قالي راح تولع والموتر الان ابي ابيعه
وابي اعرف اسم الي فصله عشان ارد اسلاكه له هو شال الغطاء الحامي حق المكينه وفصلها وليومك ذا ماني عارف وش اسمها

فني سيارات @user_8460 · 15-02-2010

والله صعب تحديد المشكله
خاصة ان هذا المخترع جاب شي من علبة البيبسي
بس كيف تنزل الحرارة
قد يكون فصل اسلاك او شي

المهم ان الموضوع غير واضح

علشان نقدر نساعد او نوصل لحل
نرجع الموضوع من الاول قبل ماتدخل للمخترع هذا
ايش كنت تشتكي منه ونوع سيارتك وموديلها
وياريت تشرح بتفصيل عن كل شي
قبل وبعد دخول الكراج

علي العجرمي @user_84387 صاحب الموضوع · 14-02-2010

وينكم يا شباب

علي العجرمي @user_84387 صاحب الموضوع · 11-02-2010

اخوي غير المشكله مو البلف هو يفك الحامي حق المكينه ويلغيه من غير ما يشيله وهو قالي ماراح اقطه اسلاكه عشان لو تبي ترده يرد عادي

(غير مسجل) @user_175485 · 11-02-2010

على ما اعتقد بلف الحرارة

وأغلب الورش اذا شالتة يركبون بدالة بلف ددسن !!