كاديلاك CTS 2010 و كاديلاك SRX 2010

صآحب آلموضوع,

آلآن آحد آلشبآب آلمجربين لسيآرة كآديلآك, وتحديداً آلنوع آللي آنت حآط عينك عليه
يقولك آن آلسيآره فيهآ علل وخرآبآت مآيعلم بهآ إلآ ربّ آلعآلمين..
زآئد! آن آلوكيل غير متسآعد معآه أبداً,
وحصلت لغيره أيضاً!

عزيزي.. الأمر لآيحتمل آلمجآزفه بـ 190 آلف ريآل,
آلآ آذآ كنت من هوآمير آلبلد آللي يعطسون ويمشون خشمهم بـ 500 هذآ شي ثآني,
إلآ جرب وخذ رآحتك.. لكن من وآقع تجربه للأخ CTS 2009 وغيره..
آقولك لآ تآخذهآ, وفيه سيآرآت كثيره بنفس آلموآصفآت و"آحلى"..

وقبل كلللل شي.. آستخر, وعسى ربك يكتب لك آللي فيه آلخير,

وآلله يعينك آخوي CTS 2009 وآلله ينصرك عليهم, وآلظلم ظلمآت,
تأكد آن حقك لن يضيع بإذن آلله.



تحيّتي, وآسف على الإطآله,
كل آلودّ.

هلا فيك

انا ماقصد انك تدافع عن الجميح او غيره

بس لو لا سمح الله وحدث مثل ماحدث لي لهذا الشخص الراغب في اقتناء سيارت كاديلاك هل ستقوم انت بتعويضه او دفع مصاريف المحاماه له وتنقله بدون سياره ؟؟؟

اخوي صاحب الموضوع ممكن تروح وتشوف بنفسك الحوش الخلفي لصيانة كاديلاك في الرياض وتشوف بعينك السيارات الجديده التي رفض العملاء استلامها ورفض الوكيل استبدالها لهم بحجة ان حضكم ليس بجيد في هذه السياره...

تحياتي لكم واسف على الاطاله..

نعم اخوي جودتها عاليه واللي صار لك استثنائي ومشكلتك صار مثلها وشوف في هالمنتدى قصص مثل قصصك كثيره شوف موضوع المونتييقو اللي منزله احد الاعضاء وكذلك قصة راعي المرسيدس اللي وقفه امام الشركه ويقول اعطال وخرابات ههههههه وشوف مواضيع كثيره حتى بسيارات تويوتا اللي هي من اجود السيارات تلاقي مشاكل مماثله لمشكلتك تماما فاسمح لي اخوي انا ماادافع عن الجميح ولا غيره انا ابين الحقيقه لان الكثير ممكن يسمع كلامك ويعتبر هالشي عمومي على جميع السيارات وهذا شي مو صحيح اطلاقا اتمنى لك التوفيق وشكرا

جودتها عاليه!!!!!!!


اتمنى محد يشرب من الكاس اللي انا شربت منه :smile: والحمد لله على كل حال

من رمضان لحد الأن وانا بدون سياره :bigggrin: صرت محترف في توقيف اللموزين
مع ان المفترض ان سيارتي (CTS 2009 ) هي سياره ذات جوده عاليه واعطالها قليله جدا..

ملاحظه: مهمة الوكيل تنتهي لحظة شرائك السياره فوراَ.

ياإخوان ترون مو كل السيارات فيها عيوب وسيارات كاديلاك من أفضل ماتنتجه شركات السيارات الأمريكيه جوده وفخامه فما يعني عدم قدرة الشخص اللي يشتري السياره على صيانتها أو وجود عيب في سيارته أن جميع سيارات كاديلاك سيئه وفيها خرابات خصوصا الموديلات الحديثه لأن معايير الجوده فيها ارتفعت بشكل كبير عن السابق والمشاكل ترونها تصير في اغلب الشركات وعند جميع الوكلاء

اللي احب اقوله ان الكدلك سياره فخمه وجودتها عاليه لكن تحتاج الى شخص ماتهمه تكاليف الصيانه وبصراحه حسب رأيي الكدلك السي تي اس من أروع ماأنتجته الشركات الأمريكيه بشكل عام فخامه ومواصفات وجمال الشكل الخارجي والداخلي وجوده كذلك وشكرا

هلا بك اخوي

اخوي اتمنى تدخل على موضوعي بالرابط هذا
http://www.assayyarat.com/forums/showthread.php?t=194871
وهوه ملخص لتجربتي لكاديلاك CTS 2009 3.6L
وايضا الرابط ذا
http://www.assayyarat.com/forums/showthread.php?t=196725

لكي لا يقع قريبك بمثل ما وقعت به ووقعوا به كثير ممن قاموا بشراء السياره

وتحياتي لك ولا تنسى الاستخاره

هلا بك أخوي أنا معاي كاديلاك cts 2003 ماشي فيه 160 ألف السيارة جدااااااا ممتازة وعملية وتتحمل لها معاي ماشاء الله 8 سنوات زي العسل تشوفها تقول جديدة الحمد لله مع العلم بأني أهملت بعد مرور 4 سنوات في صيانتها وهذا ماسبب لي بعض المشاكل ويالأخص مشكلتين مشكلة في المكينة تم تصليحها ب 8000 ريال خارج الوكالة لأن الوكالة قدروا لي المشكلة وتصليحها ب 15000 ريال وهذا كان قبل سنتين يعني بعد شراء السيارة ب 6 سنوات وحاليا لدي مشكلة في الجربوكس تعبت وأنا أدور من يصلحها مالقيت وحاليا هي في الشركة للفحص وقد بلغوني بأن السبب غالبا بسبب عدم القيام بتغيير زيت الجربوكس بعد كل 60000 كم يعني برضو بسبب إهمالي .
عموما عيب السيارة عدم وجود ورش متخصصة في تصليحها يعني راح تنحد على الوكالة في كثير من الأوقات .
العيب الرئيسي الوكيل يمكن أسوء وكيل في المملكة تعبني وبهذلني وجاب لي الجنان ياخي اذا السيارة في شغلة بسيطة ووديتها الصيانة وقلتلهم عليها يذلوك أول شي يقولوه والله هذي الشغلة تاخذ وقت والله أشياء تافهه يبالغون فيها كلو عشان ما تزعجهم عند استلام السيارة يعني ممكن تاخذلها أسبوع عندهم ولا شي عادي جدااا ولا يوفرون لك سيارة بديلة غير ان القطع كثييير منها غير متوفرة راجعنا بعد فترة ولا نطلبها لك من دبي وتجي بعد اسبوع وقابلني .

المهم خلاصة الكلام السيارة جدااا ممتازة من ناحية الشكل والمواصفات والسعر والاستخدام وجداااا سيئة من ناحية الوكيل .
بالنسبة لقطع الغيار مي غالية متوسطة السعر ولكن الوكيل عيبه ان القطع عنده غير مفصلة يعني كثير من القطع المنفصلة يبيعها لك متصلة مع قطع أخرى مكملة غصب مثلا جلد مقصات ما تنباع لحالها لازم تاخذ المقص بالجلدة وهذا يكلفك في بعض القطع .

الظاهر اني كثرت عالعموم استخير ربك وبعدين قرر وعلى فكرة ترى أخوي طلع cts 2009 ومبصوت منها كثييير بس أرجع واقول الوكيل فقط هو العيب الوحيد .