ماهي عيوب وخرابات النترا الشكل القديم 2006 -2004

لا أخوي أنا أخالفك الانترا القديمة وبالتحديد في عام 2005 وحولها الانترا ممتازة
خصوصا 2006 اللي اخذت جوائز وتقييمات في الجودة والسلامة

أما الجديدة لك عليها وشكلها مو مرة يعطيك !

السلام عليكم ورحمة الله وبركاته ..
اتمنى من الاخوان راعي الصني والثاني البش مهندس الحارثي انهم اذا مايعرفون شيء يسكتون لايتكلمون ويكذبون على خلق الله ابعد عنها ومدري ايش ومسوي فيها نصايح هو وشكله ..
المهم عشان انفي كلام الكذابين هاذولا راح اجيبلك حاجتين تجربه و تقييم من مؤسسة جي دي بور للانترا 2006 (الشكل القديم) وراح تلقون انها اخذت العلامات كامله في الجوده واربع نقاط من خمسه في توقع الموثوقيه وهذا الرابط
http://www.jdpower.com/autos/Hyundai/Elantra/2006/Sedan
وبالنسبه للتجربه احنا عندنا النترا 2004 مو 2006 ولها 6 سنوات وماشيه 245 الف ولا وضبنا مكينه ولا غيرنا كراسي مكينه ولا قير خرب ولا شيء من هالحاجات بس اللهم اللي خرب علينا هو المسجل وبعض الأنوار تحرقت وحاجات تافهه تجي في كل سياره المفروض انها ماتنقال لأنها حاجات عاديه اما مكينه وقير والحاجات هاذي تطمن ان شاء الله انها جيده و ماتخرب .. نتمنى لك التوفيق ..

انا كانت عندي النترآ 2006 وكآلة طلعتهآ وظلت معي 4 سنين
الح ـــمدلله مآ اشتكيت من شيء
أنصحك بهآ
تحيآتي ...

آنتــ تبي تدري آنهــآ لوموزين

لونهـآ آبيض ومآشيــه كثير جدآآ بشكل مآآتتوقعه والمسجل مغير

ماقصرو الاخوان تجارب شخصيه افادوك فيها , وبالنسبه للشكل الجديد عمليه + مريحه + هادئه + رائعه + كويسه :bigggrin: + جميع ماسبق :wink:

اخوي انا عندي نفس الشكل اللي تدور عليه 2005 1.6 والسيارة لها معي خمس سنوات وشيء وماشية 228 الف كيلو وللامانة السيارة ممتازة وماتصرف بنزين وخراباتها قليلة جدا وصبورة وسافرت عليها كثير عندك الفحمات والسيور تحتاج تغيرها بين فترة وفترة لكن عمر الفحمات طويل وقطع غيارها تجي نوعين تجاري درجة اولى واصلي والاصلي والتجاري مابينهم ذاك الفرق بالسعر والقطع التجاري ممتازة والاصلي ماهي غالية اخر مرة غيرت فيها قطع قبل 60 الف كيلو
والحين في كم شغلة يبيلهم تغير مثل ركب ومساعدات لكن السيارة تمام وماشية زي العسل وماتوقف والبيت كله عليها اضافة للازيرا هيونداي تخدم ولكن نصيحة مني اذا جيت تشتري دور على مكينة 2.0 2000 سي سي اكبر وافضل نوعا ما
وبالتوفيق والله يكتبلك الموتر الطيب :smile:

خذ مني الكلام الصحيح
وتقدر تراسلني على الخاص

انا معاي انترا 1,6- 2005
خمس سنوات وماشيه 190000

الايجابيات :
عمليه جداً - استهلاك الوقود منخفض جدا (ماتحتاج ميزانيه) اعبيها 20 ريال بنزين 91 وتكفيني اسبوع كامل - خفيفه داخل المدينه - صيانتها رخيصه جدا

السلبيات:
غير مريحه في السفر الطويل بسبب قساوه المراتب وهذي ميزه كل السيارات من فئتها يعني طبيعي ما اشوفها سلبيه لان السيارة لم تصنع كي تكون سياره فارهه
يكون العزم ضعيف اذا كانت ما كينتها 1,6 اوتوماتيك- ينصح بالماكينه 2000
تغيير الجنزير (timing belt) كل 80,000 كم والا راح ينقطع ويخرب عليك راس المكينه

بشكل عام السياره اثبتت وجودها كسياره عمليه ورخيصه

وشكرا

انصحك ابعد عنها ابعد عنها نصيحه وانا خوك يمدحون الجديد ولكن لا ازكيهم اسئل راعي القديم وشوف رده والله يشتكون منها ولكن الجديد اضن تغير كليا والكل يمدح فيه

عند واحد من اخوياي النترا 2006 وكارفها وماشيه معاه تمام وماشية اكثر 160000
بس مرة واحدة غير كرسي المكينة من الحفر الي كان ياكلها والسيارة الى الأن معاه ولا شكى منها

اي صح شوووف موضوووعه وشوف ردود الاعضاء ياخي الله يوفقك باللي تبيه
وانت تشوووف الموديل هذا خصوصا 2006 مع التكاسي ولا يقووول لا واذا ودك بموتر ثاني الله يوفقك وييسر امرك
والاعضاء يفيدونك اكثر مني