اكسبلورر........(للمستخدمين والمجربين فقط)!

السلام عليكم
انا أظن السنة هذي لأن أحد الأعضاء سأل الوكالة قالوا
يمكن برمضان ينزل
والله اعلم

تغير الشكل عندهم بيكون السنة الجاية 2011 بس عندنا بينزل 2012 كالعادة اي شكل جديد يفرقون عنا سنة

كل شئ فيه تماام

الا التنسيم :c0038:

8888

مو اكيد يتغير 2011

مثل الفكتوريا كل سنه نسمع الشكل بيتغير

ما شاء الله الاخوان كفو ووفوا وعلى رأسهم EX7


بالمناسبه الاكسبلورر راح يتغير شكله نهائياً الموديل القادم 2011
اذا كان هالشئ يهمك فلا تشتريه
وهذا ما يفسر كثرة بيعه هالايام لان بعض الناس يهمه ان شكل سيارته ما يتغير

من خلال بحث في النت لقيت هالصوره


وهذي وحده ثانيه بس قويييييييه شوي



والله الموفق

يحتاج إلى قطعة حديدة لحماية الإديتر من الأسفل لإنه لايوجد إلا قطعة بلاستيك تحت الإديتر
أعرف شخصين خرب معهم الإديتر بسبب عدم وجود حماية من الإسفل
السيارة مرحية جداً

عندي 2009 إكس ال تي المطور ماشي 55000:
عيوبه:
الرؤيا الخلفية صعبة جدا جدا اذا كانت رؤوس المقاعد الخلفية مرفوعة.
الرادياتور منخفض جدا .... انا ضربته في الطعوس اكثر من مرة.
الأبواب تطلع اصوات (يتفكك).
نظام التعليق قاسي شوية
الصيانة غالية نسبيا
ليس افضل اختيار كسيارة دفع رباعي (لعدم توفر قطع غيار للدفع الرباعي مثل الصدامات الحديد ومسطحات التصفيح لحماية الرادياتور وووووو ..)
مميزاته:
مستوى السلامة عالي .... 5 نجوم في الاصطدام الأمامي (وسائد هواء اماميو وجانبية + تراكشين كونترول)
نظام الدفع الرباعي ذكي جدا (بمساعدة التراكشين كونترول)
المواصفات مقارنة مع السعر ممتازة جدا جدا
اعتمادية السيارة فوق المعدل بكثير (مجلة jd power)

أنا شاريها استعمال اميركي
الحمد لله اليسارة نظيفة
طبعا بالوكالة مافي V8

السلام عليكم
V8 أنا شاريها استعمال اميركي
طبعاً مافي بالوكالة V8

بالتوفيق ان شاء الله

أخوي من وين شريت 8 سلندر لأن مافيه في الوكالة

الســلام عليكم
مشــاء الله عليك اخي E.X.7
كفيت ووفيت والله

يعني خلاص الموضوع كافي ووافي

السيارة بشكل عام .. ممتازه مقارنة بالبدائل المتاحه

لا من ناحية السعر .. ولا قطع الغيار .. كلها في متناول اليد

العزم جيدجدا وليس ضعيف .. وفي النفود اداء رائع جدا ومقنع .. ومثل ماذكر احد الاخوان

لما تنسم زياده السيارة تعطيك .. لكن انتبه من السرعات العالية وانت منسم كثير .. وانتبه ايضا للانعطافات المفاجاه

حتى ما يطلع الكفر عليك من الجنط

مره دخلت به نفود اغلبه رباضات وطبعا الرباضات ماحد يسلم منها ورباضات قوية صراحه

وتعلقت السيارة لكن بعد ماطلعتها نسمت الى 5 في كل كفر .. وهاتك ياطرب

للمعلومية ايضا .. في حالة تشغيل الدبل الثقيل او الخفيف .. يفضل يكون القير على نمره

2 او 3 ..

1 استخدمه فقط في حالة السحب او اذا حسيت انك بتتعلق

الـ D بناءا على تجربتي له .. مانصح فيه الا بالنفود الخفيف العادي اللي مامنه خوف

اما الرباضات وخلافه والنفود الناعم مره .. انصح بـ 2 او 3

وللعلم الكلام اللي جالس اذكره لك .. من واقع تجربتي وليس فلان قالي وفلان يقول وسمعت

انا شخص مقتني للسيارة وتحت يدي .. وبصراحه ماراح افرط فيها مهما كان

يعاب على الاكسبلورر شي بسيط .. نزول السيارة مقارنة بالسيارات الاخرى

لكن هالعيب مايقلل من اداء السيارة حتى وان كان ارتفاعها قليل بعض الشي

وطبعا ترجع للسواق ولحد ينط في حلقي .. السواق اولا واخيرا .. الهايلوكسات وبعض السيارات الصغيره اللي بدون دبل

تدخل النفود بتنسيم وتشوفه كأن مركب عليه دفع رباعي .. مثل ما قلت ترجع للسواق

المكيف جيدجدا ً وتبريده معقول جدا ً ..

اللي يبي يسأل عن القوه والقومة .. انا اقول اول شي السياره ماهي مخصصه للسباقات

ثانيا ً حط في بالك الوزن والحجم .. ورغم السيارة خفيفه بالنفود وهذا الحلو فيها

بمعنى اصح يعني السياره بالنفود تمشي ماهي من النوع اللي اذا طاح خلاص يعلق

صرفية الوقود ممتازة جدا ً ويعطي متوسط كيلومترات مابين 530 - 565 كيلومتر

وبعض الاحيان تصل الى اعلى من 565 كيلومتر

يرجع للدعسه ومقاومة الهواء وخلافه ..

في الخطوط راسية ومريحة .. والمساحة الداخلية ممتازة جدا في سعة التخزين

السيارة تفصل على سرعة 185 كيلومتر .. طبعا يبقى الامبير واقف على هالرقم ومايرجع

مثل الجموس القديمة اللي يتذكر كيف كان تفصل

السيارة نشيطة في العزم وتتجاوب معاك على طول ..

اعتقد عطيتك شرح كافي ووافي ..

لاتنسى الاستخاره .. واقولك شغله اضافيه .. شوف السيارة كيف منتشره بالشوارع

في اي منطقة .. السبب يرجع الى الافضلية مقارنة بالجيوب .. والسعر الاهم

انا اقتني 2007 .. وما شا الله تبارك الله مثل العسل وتمام التمام ..

تحياتي لك وارجوا اني افدتك واسف ع الاطاله .. اي معلومة اخرى حاضرين

موفق خير

والله أني ما بالغت و لا شي بس هذا الصدز والله دايم أتجاكر مع خويي معه VXR 2007 V8 و

دايم أطلع عليه قوم و خط حتى يفصل موتري و إذا تبي أجاكرك ترا ما عندي مشكله :tongue: .

*وللمعلوميه موتري يفصل على 180*

السلام عليكم
السيارة مشاء الله عليها تمام
بشكل عام رائعـــــــــــة

يلي معي V8 4600 يعني قوية وماعليها كلام
الله يوفقك ويخترلك الخير

ضعيف نوعاً ما ( العزم ) لكن مهب أضعف من الاند كروزر V8
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صعبة شوي كأنك بالغت شوي

مشكورين على الصراحة الرائعة

والله الموتر اعرف ناس شروه وما شتكوا منه


بالتوفيق

أنا معي أخوي الأكسبلورير وهو ميركوري ماونتنير 2007 ماشي 140 ألف و السياره على يدي من الوكاله و للمعلوميه الماونتنير والأكسبلورير الفرق بينهم الدبل و المظهر الخارجي فقط .

***العيوب***
1- السياره قاسيه شوي بالمطبات بس بعيون القطط رووووعه ما تحس فيه .
2- الهرن ( البوري ) مزعج .
3- ضعيف نوعاً ما ( العزم ) لكن مهب أضعف من الاند كروزر V8


*** المزايا***

1- راسيه بالخطوط و السرعات العاليه .
2- المكيف بارد جداً.
3-القطع الإستهلاكيه رخيصه مقارنه بمثيلاتها من الباث و البرادو...

و بالتوفيق إن شاء الله و لا تنسى الإستخاره..