السلام عليكم
مساء الخير
انا ناوي بإذن الله أشتري سيارة جديدة قريبا تبهذلت لين قدرت اخذ قرض من البنك وبصراحة ودي أشتري سيارة تخدمني وتريحني وماتطلب خصوصا ان السيارة بتكون قرض فصعبة أغيّر لسيارة ثانية لازم من اولها اشتري شي أكون مقتنع فيه و بما أنها سيارة العمر أنا محتار جدا بين سيارتين أنا يهمني في السيارة اللي ابشتريها تكون عملية واقتصادية وقطع غيارها رخيص وماتعرف الورش ومريحة ومايهمني الشكل والتكنولوجيا كثير و محتار بين الأفالون اكس ال اللي هو سياحي او فورد كراون فكتوريا وش رايكم ؟؟
بالنسبة للأافالون عاجبني فيها هداوتها ونعومتها وأحسها راسية واقتصادية
اما الفورد كراون فكتوريا مايخوّف ابدا صحيح شكله تقليدي لكن قوي ويتحمل وحق كرررف واقتصادي جدا ومريح وقطع غياره أرخص من الأفالون بس عيبه الوحيد صوت مكينته قوي مزعج يعني ماهو بهداوة الأفالون ونعومتها ثانيا عزل الصوت او الهواء الخارجي بالفورد أتوقع لك عليه
أتمنى منكم تنصحوني بالأحسن والدعاء لي بالبركة مقدما
الله يجزاكم خير ولكم مني الدعاء بالتوفيق والرزق ان شاء الله
