مشكله في كابرس صابونة 1991

سيارتي كابرس صابونه 91 المشكله ركبت بوري جديد وجلس اسبوع ولا صار يشتغل وبعض الفيوزات تقص كل فتره علماً ان عندي مداخل الفيوزات وسيعه يعني الفيوز يتحرك وهو محله اتمنى الرد والافاده يا حبايبي

اضافة معلومه
شباب زيت الجربكس اذا نقص ما تتحرك السياره ولا تمسك نمره زيت الفرامل اذا حسيت فيها ثقل وقت تدعس نسم الهواء اللي فيها
المعلومه كل اللي ذكرتها اسويها بنفسي في البيت ولا احتاج لاي عامل الا اذا عكسة شغله معي يعني ضروريه ونادر ما تعكس معي شغله
واحاول فيها بس اطلع بنتيجه ولله الحمد والشكر ..
والسبب يرجع لله ثم العامل اول ما يفك شغله اشوفها بسيطه اطبقها في البيت يعني اول ما شريت السياره اكثر من عشر سنوات
صار الامر عادي هو الامر اللي عقدني حساس البخاخ الماصوره الخلفيه يتركب فيها لي ويوصل للحساس اذا انفصل والسياره شغاله تطفي على طول
خرجة سديت الماصوره رفضة تشتغل ابعرف مصيبة البليه الصغيره هذي ويش فايدتها بس هو منضم هو قياس هواء البخاخ هو بليته ويش هي مدري

السلام عليكم ورحمة الله
انا من عشاق كابرس 1991 والسياره تستاهل بس يبيلها اهتمام وموضوع التفتفه هذا الحساس اللي قدام الراكب يبيله تغيير
وعلى طاري طرمبة البنزيم ليش تتغير وهي شغاله اذا السياره طفت اكثر من مره وما اشتغلة روح تحت التانكي وبخشبه دقه
والبواجي واسلاكها تقطع الكهربه وزن الديلكو سويه انت في البيت مسمار واحد في الخلف وتوزنه على الصوت اللي تبيه
على طاري الاقمشه رخيصه وتقدر تفكها في البيت وتركبها والبواجي واسلاك البواجي وتنظيف البخاخ ووزن البخاخ وفك الدينمو
والاديتر والافيوزات تقدر تسويها في البيت لانها امور بسيطه حتى الهوبات تبي تغير الرمان حق الهوب في البيت ترا من كثر حبي في هالسياره ما قدرة افرط فيها ولا راح افرط فيها واللي معه كابرس يتحمد الله عادي خذلك سياره ثانيه حقة مشاوير طويله والا الكابرس خلها داخل المدينه

اخوي انا عندي صابونه 91 تقريبا قبل سنه انفجرت البطيخه وطار الزيت على الاقزوز

والحمد لله على كل حال ورحت عندي ميكانيكي وقالي اوضب الجربوكس

ولا اركبلك واحد نظيف حق صابونه 91 فخليته يركب جربوكس جديد

ومشاء الله تبارك الله يوم تعشقه في الدي ينقز نقز مشاء الله

لكن طلعتلي مشكله اذا جيت ادعسله دعسه شوي جامده الجربوكس احسخ يفر والسياره ما تتحرك والله اني خفت يروح علي الجربوكس فايش المشكله الله يجزاك خير

تسلم ياغالي أحرجتني :a1120(86):

كلامك عين العقل 100/100
وقد صارلي يوم اطفي السياره ماتدق سلف لازم تشركها والبلى من لااصباع فيه كربون

تصدقون ياشباب أن سلك البطاريه الموجب اذا ماكان مربوط أو فيه كربون ماده تطلع فيه غريبه هذا اللي يصير بالسياره:
1-ضعف بتشغيل السياره
2-البطاريه تنسحب بسرعه
3- يوم تدق بوري تحس أن الدينموو مايعبي ولا هو يعبي بس مايسحب من البطاريه زي الناس
4- الحراره ترتفع
5- تطفي السياره اذا أستهلكت كهرباا زياده زي تشغيل المكيف أو أطفائه

الربع ما قصروا
لكن من تجربة شخصية انا قد صادفت مشكلة التفتفه وحلها كان عندما غيرت أسلاك البواجي ونظفت البخاخات وهذا اول شي لازم تسويه لما يضعف عزم السيارة

اوكي أجرب هالطريقه ان شاء الله بتزبط

وتصدق عاد سلك البطاريه الموجب من كثر مايفكونه هالكهربائيه حالته يرثى عليها يبله تزبيط

لي عوده

ايه نسيت
فك أصباع البطاريه لاتستغرب فك اصباع البطاريه ونضفه بمويا حاره وفرشه أسنان الله يعينك بتروح عليك الفرشه اشترها تراها بريال وغسل فيه الاصباع الاثنين الموجب والسالب الكلام اللي فوق كنسله وجرب هالطريقه اذا زبطت المشكله كويس واذا مازبطت حزززززززززبططططططككككككككك

سلام عليكم أنا ياغالي مشغول حاليا والحل أنشاء الله اعرفه وحله بسيط جدا ومرت علي
بس في سؤال
حطيت الدي أي السي >خير
اذا كانت بالفاضي الـ p وبعدها حطيت الـ دي عشان تحرك تحس السياره شوي وتطفي
اذا المشكله طولت معك على هذا الحال بصور لك القطعه والله ماعرف أسمها تركبها بنفسك تجيب زراديه وتفك المسمار تفك القطعه وتركبها وتشبك سلك البخاخ فيها وأنتي الموضوع بأذن ألله راح أصورها لك أبشر

احم احم بااااااك

ياجماعه غيرت اسلاك البواجي والحمد لله العزم زاد والسيارة صارت اهدا بكثير ويقول البواجي مافيها شي والاسلاك صارت جديدة والبخاخات يقول سليمه

بس فيه مشكله اذا شغلت المكييف احس رجه بالسيارة اذا كانت واقفه واذا مشيت تخف الرجه بس احس فيها

واللي زاد الطين بله اول ما وقفت السيارة وطفيت المكييف طفت السيارة معاه خخخخخخ

مادري فيه شي بعد ماسويته

علما بأن

البواجي واسلاك البواجي والبخاخات مافيها شي سليمه

وش شوركم

الله يكون بعونك والله يوفقك وأتمني أنك تدعيلي وقسم بالله محتاج الدعاء انت شيك مجرد تشييك لاتغير البواجي وهي مافيها شي وشيك تشييك كامل على أسلاك البواجي مو تخسر نفسك وتشتري على طوول لا فحص كامل تروح للعامل كنك بتركبها الحين وافصحها كلها وقله الحين أجيلك واشتر القطه اذا العطل منها واذا ماطلع منها قله وش الحل وأيش سبب القلقلق اللي بالسياره

الله يعطيكم العافيه ياجماعه الخير

انا راح امشي على كلام قديمك نديمك وان شاء الله تنحل المشكله





لا تخاف ان شاء الله مامن خساير البواجي جديدة بس يمكن المشكله من اسلاك البواجي ما غيرتهن
بالوقت الحالي ماني فاضي عندي اختبار يوم الاحد :smilie20: بعد ما اختبر على طول من الجامعه للورشه تغيير اسلاك بواجي

وان شاء الله تنحل المشكله وراجع للموضوع بعد التغيير واقولكم وش حصل معي

تحياتي

أول شي شيك ع الاشياء البديهيه اللي تسبب التقطيع غير البواجي وشيك على اسلاك البواج اذا كلها سليمه ولا لا وبأذن الله راح تنحل مشكلتك هي اللي تسبب تفتفه وترقص بالسياره فوق تحت يمين يسار >>حس أنه بغنوه
بعدين رد على لاتتهور وتخسر نفسك

الاخوان ما قصرو معك واذا ما فادت التصفية واستمر التقطيع
فعليك بوزن الديلكو 0 موفق اخوي

صفاية البانزين = من 30 الى 35 ريال على حسب المحل
فلتر القير= 40 ريال + زيت القير= 10 وخمس علب = 50 ريال
البواجي اس ديلكو الحبة بي 5 ريال او 6 ريال = 40 ريال او 48 ريال
اسلاك البواجي = 120 ريال
المجموع القطع الغير
290 او 300 ريال

اما الشغل اليد
تغير البواجي والاسلاك البواجي >> 70 ريال
تغير الصفاية البانزين = 20 ريال
تغير فلتر القير= 50 ريال او 40 ريال على حسب الورشة

مجموع شغل اليد تقربين
140 ريال او 150 ريال

مجموع الكلى
450 ريال

الله يعطيكم العافيه يا اخوان وانا شاك من اسلاك البواجي لاني شاك انهن انتهن

عندي سؤال صفايه البانزين + فلتر القير + تغيير اسلاك البواجي

كم راح يطلع علي