الوزنة الي تخص الريس مع المكيف غير عن الوزنة الاساسية
يعني ممكن تخليها لما تشغل المكيف ما تترتفع عن 1000 بدون ما تغير في وضعها بدون مكيف
الكمبرويسر حمل ثقيل على المكينة و لو فرضنا فصلت نظام الدعس مع المكيف راح ينخفض الريس بشكل كبير مع تشغيل المكيف يعني لو كان 800 مثلا راح يقل الى ربما 500 خصوصا انها 4 سلندر و يصبح المحرك يتردد و ربما يطفي
فحتى لو حبينا نحافظ على الريس عند 800 مع المكيف لازم نحتاج دعس
فكرة عمل نظام الدعس مع المكيف
فيه قربة ( ما ادري ايش اسمها الصحيح ) على الكربريتر موصولة بلي الى المنفولد ( مدخل هواء المحرك ) .... لكن هناك صمام كهربائي على هذا اللي يفتح و يقفل مع تشغيل المكيف
لما يفتح .... قوة شفط المحرك تصل للقربة و تسحبها للداخل .... القربة تحرك ذراع يدعس للكربريتر
و لما يقفل الصمام تتولى السست اعادة الذراع لمكانه و ايقاف الدعس
على هذا الذراع مسمار لوزن مقدار الدعسه مع تشغيل المكيف مختلف تماما عن وزن الدعسه الرئيسي
فقط تامل الكربريتر بنفسك ( ما يحتاج لها ميكانيكي و لا كهربائي ) و خلي واحد يشغل و يطفي المكيف و انت تراقب و راح تفهم الشغله و بساطتها و تضبط الوزن بنفسك
ممكن تخليه ما يدعس مرة و راح ينخفض الريس لما تشغل المكيف او تزود له حتى يثبت الريس مع تشغيل المكيف عند نفس المستوى او تزود اكثر شوي
صور للتوضيح
هذا كربريتر و واضح شكل القرب .... فيه ثنتين في الصورة وحدة يمين و حدة يسار
و حدة منهم بالدعس مع المكيف و راح تعرفها بالتامل مع تشغيل المكيف
صورة اخري تبين مسامير الوزن المختلفه
بالتوفيق
