كيف الوكيل يصير مليادير بمجرد انه فقط اسمه ( الوكيل ) .!!!

:a120(30):

كلامك صح و الله .

رزق الهبل على المجانين

لو مقاطعينهم كانو منزلين الاسعار
بس فيه ناس ماعليهم من الفلوس يعني لو يحصل كامري بـ 500 الف ياخذها ماعنده مشكله

معاك :xyxthumbs: اخوي في كل كلمه قلتها

اخوي Made for ksa مشكور على الرد و صح كلامك ما لنا حل ثاني الا نمسك ايدنا عن شراء السيارات الفارهه او اننا اندور على افضل السيارات من ناحية النوع و القيمة ( و هذا سبب اختياري للهيونداي و انا الحين اتجه للكيا لانه سعره معقول اكثر من هيونداي ايضا )
و ان شاء الله لو الله فتح لنا باب الرزق راح اشوف موضوع الاستيراد من الخارج لانه الحل الوحيد عندنا .



والله اخوي هذا احد اسباب الغلاء عندنا يعني هو ما كان راح يبيع لو ما كان في فئه كبيره من الناس تشتري بهذه الاسعار دون النظر او التفكير في سعرها الاصلي .!!!
نفس ما قلنا قلت ثقافه .



انا لو بدالك بسوي نفسك و انت ادرى بالفرق انا صاحبي كان يبغي يشتري CL500 عليه كت S63 في الدوله سعرها فوق 400 الف اما في لو يبتها في امريكا راح يكون سعرها 300 تقريبا مع كافت مصاريفها .
و قيمته في الوكاله 700 الف .
انا اتكلم عن موديل 2008 يعني الفرق واضح .



كلامك صح اخوي يوم الوكيل يشوف ان بدت الناس تشتري السيارة لمجرد اسمها و بغد النظر عن مواصفات و مقارنتها بفئلتها المتوفره في الدوله .
يوم يشوف المشتري يعرف انه سعرها في الدوله 50 مثلا و برع الدوله 100 و ما يهتم و يسير بريوله الى الوكاله و يقول ابغي هاي السيارة اكيد راح اتشوف حتى ال شاري (QQ) السيارة الصينيه تباع ب 3 اضعاف قيمتها .



كلامك زي السكر اخوي و الاحتكار اهم سبب من اسباب غلاء المعيشه .
ومشكور على الشرح الكافي و الوافي .



اسمحلي اخوي انا اشتغل في الجمارك و اعرف هذه المواضيع تقريبا .
يعني انت اتجيب فاتوره من المصنع بقيمة السيارة المراد ادخالها الى الدوله و هو راح ياخذون 5% من قيمتها كجمارك .
يعني لو اشتريت سيارة ب 70 الف راح ياخذون عليك 3500 درهم جمارك و هكذا .
و ايضا اسعار السيارات بجميع فئاتها في العالم موجوده في سيستم الجمارك يعني ما تقدر تتلاعب و اتقول انه سعرها 100 الف او اي شيء .
و اخيرا لا تنسى انه الوكاله لها سعر خاص لما تشتري السيارة من المصنع و في النهاية كلها كم من قظعة حديد موصوله في بعضها البعض .
و لا تتوقع انه المصنع يبيع السيارة على الوكيل ب 100 الف و الوكيل يدفع 30 الف رسوم جمارك و شحن و غيرها و يكتفي ب 20 او 50 الف درهم كربح له .
و خصوصا انه مثل ما قلت انها سيارة مطلوبه و عددها محدود في العالم .

-----------------------------

مشكور على ردودكم اخواني و انتظر المزيد من المشاركات منكم :xyxthumbs:

اما و لي كلمه انه يوم اشوف اسعار سيارات الهيونداي في الخارج اشوفها اغلى من سعر الدوله يعني لو كانت عندنا ب 50 اتكون عندهم ب 60 طبعا لو تبغي اتجيب السيارة الى دبي تحتاج الى رسوم شحن و جمارك يعني راح يوصل قيمة السيارة قرابت 72 الف درهم او يزيد بشوي .
يعني صار عندنا فرق 22 الف درهم .
بينما معض السيارات الاخرى بامكانك انك اتجيبها يا بنفس السعر او اقل ب 10 آلاف على البراد مع انك شاريها من الوكاله في الخارج
هذا يعني انه هامش ربح شركة هيونداي معقوله جدا بالنسبه الى الشركات الاخرى
و اتمنى انه الفكره وصلت .

سعر الجمارك ماا هو مقياس هو مجرد سعر للجمرك فقط

يعني يحسبون جمركها على اساس هذا السعر

ادخل على مواقع السيارات المستعمله في امريكا او المانيه( بلد المنشاء) وشف سعرها

سياره مصنعه يدويا وسياره تنزل بعدد محدود

وسياره له طابع خاص في التصميم وفعلا سياره اف رود حقيقية وهي موجهة لفئه معينه ولا عاجبك سعرها 550 الف ريال جديد ومعدله تعديل amg ولا تنسى انها مرسيدس مو لاند نصفه ياباني ونصفه في جده وملفق وسعره فوق 200 الف ريال ولا فيه ربع مواصفات المرسيدس

الحين اللي اعرفه المملكه منظمه لمنظمة التجاره العالميه يعني المفروض ما في احتكار
يعني شفنا موبايلي شركة اتصالات اماراتيه كيف لما دخلت السوق سوت منافسه وحركة السوق وبعدها زين شركه كويتيه وغير شركات التأمين بوبا الهنديه وغيره من الشركات
إلا وكالات السيارات ليه ما جاء احد وينافس الشركات النصابه اللي هنا وكلنا نعرف ان عبداللطيف جميل عنده وكاله لتويوتا في تركيا بعدين الأسعار عندنا متناقضه تماما عند باقي الدول الكامري عندنا جي ال ب70000 طيب شرايك لو اقولك بأمريكا كامري سته سلندر يعني زي مكينة وقير الأوريون ودخول بدون مفتاح وتشغيل بزر و8ايرباقات وجلد وبشاشه ملاحه يعني من جوا كأنك قاعد بأويون فل بشاشه اللي ب113000 ومن الخارج بدي كامري وب75000 وصراحه ما استغربت ان السياره صار لها سنوات وتاخذ مراكز اولى بالمبيعت حول العالم وكنت اقول شفيهم العالم يشترونها بذا السعر بدون مواصفات ولكن لما شفت مواصفاتها اقتنعت ودريت انا ملعوب علينا وليس بالكامري بكل السيارات مواصفات اقل وسعر دبل هذا الواقع صراحه السيارات الوحيده المقنعه اسعارها بالنسبه للي مايملك حلول ماديه السيارات الكوريه وممتازه وشكلها حلو

والله شوف هيونداي كيف اسعارها معقوله ومحد يجيها

هم يسيرون على الاسم

لكن الزمن بينقلب وبيصير هيونداي كبيره بين الشركات والكل ينصح بها وبتشوف اصبر 5 سنين قدام اذا الله احيانا وبتشوف الفرق

تقبل شكر وتقدير اخوكم { mr.nawaf }

بالنسبة لي لن أشتري من الوكلاء أي سيارة جديدة لو يموتون ... ما في إلا إستيراد

الحين أنا بطور إستيراد مرسيدس S63 AMG موديل 2006 إن شاء الله ولكن لحد الآن ما وجدت اللي يناسبني

واقول للوكلاء دوما .. خلوها تصدي وموديلها يعدي

المشكله حتى الشعب صاير حرامي

لقيت واحد عارض موستنج شيلبي 2010 كشف

طالب فيها 320 الف ريال

مع انها مستعمله

وسعرها في امريكا 220 الف ريال نقول الشحن والضرايب والجمارك ماتكلف 250 الف هذا وهيا جديده

والحرامي هذا طالب فيها 320 عشان مافي زيها هنا!


ولا الكامارو لقيت وحده 6 سلندر طالب 140 تقريبا مع انها مستعمله وامريكيه

في امريكا سعرها 90 الف جديد!!

ويقول هذا سعر السوق!

شوف أخوي

فية عدة أمور وعلى فكرة مو موجودة الا عند اهل الخليج

بسبب الطفرة اللي صارت لنا من السبعينات ..

أول شي ماعندنا ثقافة المفاوضة على السعر ..

ثاني شي .. دائما نبحث عن الاغلى و المتميز , بغض النظر عن الامور الاخرى

ثالث شي ما نعرف نسوي مقارنة عادلة , ودائما نجرف للاغلبية + الاعلانات التجارية .

رابع شي .. الاحتكااااااااااااااااااااااار الرهيب , والمواطن ما يعرف حقوقة
ويجدر على وزارة التجارة تعديل قوانيها بما يرعى مصالح المستهلك مو التجار
يعني مقبول جداً لو صار أحتكار على المواد غير الضرورية لحياه الانسان ..

مثلا سنكرزس محتكر لتاجر من مصر ,, وكل السنكرز اللي بالخليج يجي من مصر
وهالامر مقبول لانة شي موب ضروري لنا , والقانون الدولي لما سمح لهل التجار بالاحتكار واثق تماماً ان التجار ما راح يتلاعبون بالاسعار ويسببون خسائر لهم في منتجات يمكن للمستهلك الاستغناء عنها ( انا جبت هالمثال لاني متأكد ان الكل ما يعرف هالمعلومة , شوفو أغلب المنتجات الغير ضرورية لحياهـ الانسان تحصلونها محتكرة عالمياً )

لكن السيارات في دول ماعندها بنية تحتية سليمة لوسائل المواصلات العامة , على الاقل يجب على الدولة أعطاء فرصة للشركات الام تسويق منتجاتها عندنا .

مو تكون الماركات محتكرة لوكلاء محددين ,, وحتى لما سمحت وزارهـ التجارة لأكثر من وكيل بيع نفس الماركة ماكانت هناك رقابة حقيقية , صرنا نشوف أتفاق بينهم ,

وهالشي تأكدت منة شخصياً

لما قلت لأحد موظفين المبيعات سعر الشركة الفلانية أقل منكم قالي بالحرف الواحد ( طيب ما تشتري منهم ليش ؟! )
وكانة على أتفاق مسبق معهم بخصوص الاسعار !!


وقبل كم اسبوع وانا اتفاوض مع موظف تسويق بخصوص الماركة اللي يعمل لصالحها و الماركة المنافسهم لهم , تفاجئت بقولة انه ما يعرف اي شي عن الماركة الثانية

رغم ان السوق السعودي مافية الا الماركتين , والمعرضين مقابلين لبعض

قلت لة انا درست في مادة التسويق , ان التاجر لازم يعرف مواصفات المنتج المنافس و اسعارهـ حتى يقدر يوازن منتجات المصنع معاهـ + خدمات البيع و ما بعد البيع ,, قالي انا ما احب أحسد احد على بيعة والله يوفقهم , روح أشتري منهم

ولو بنعدد صدقني راح نتعب .

على فكرة انا تخصصي درست فية أغلب انواع البزنس , من تسويق و محاسبة و مبيعات الخ ...

المعذرة لم أقصد أن أتهمك بالحسد أو شيء من ذلك .. أرجو أن ما تفهمني خطأ وشاكر لك طرحك لهذا الموضوع اللي الأكيد أنك ما وضعته إلا ليستفيد منه الجميع
بالنسبة للبحث عن البدائل فكرة جيدة .. لكن منطقة الخليج منطقة إحتكار .. كل شي فيها محتكر:c0038:
السيارات بجميع أنواعها محتكره من وكلاء لا يتجاوز عددهم عدد أصابع اليدين جميعا
لكن السؤال المهم .. كيف نكسر إحتكارهم ؟
إحدى الطرق وهي الشائعه والمقدور عليها ..طبعا كما ذكرت أنت هي طريقه الإستيراد من الخارج .. لكن فيها خطورة وغير آمنة ( يعني المشتري معرض للخداع والنصب )

ولأنني لا أملك الإجابة أترك السؤال لكم .

كلامك صحيح اخوي بالنسبه للسب و الشتم ما راح يحرك فيهم و لا راح ينزل اسعار السيارات ابدا ..

و الحل ايضا المقاطعه ما راح يجدي لانه في النهاية راح تحتاج سياره و راح اتكون متطر انك تشتري من عندهم ..

الحل هو
1- عدم التعصب لماركه معينه او موديل معين .يعني اتروح تشتري هيونداي حتى لو كان غالي بس لانك اتحبه ؟؟!!
2- المقارنه بين السيارات و اختيار الاحسن جوده و عدم غض النظر بخصوص السعر .
يعني التويوتا معروفه بالجوده و قطع غيار سياراتها الرخيصه و لكنه موب على حساب سوء الصيانه و عدم المبالاة و ايضا سعر السياره غاليا جدا بالنسبه لنفس فئاتها ؟؟!!!
3- احد اهم اسباب ارتفاع سعر السيارة هو الثقافه العامه عند الناس .
نفس الرنج اتذكر ايام زمان الرنج ما كان له وجود في السوق و لكن الحين بسبب الاقبال الشديد من طرف الشباب على هذا النوع من بالذات اتشوف انه سعر مبالغ فيه جدا جدا و المشترين لهذا النوع من السيارات اتشوفهم يركبون على ظهورهم مئات الآلاف من الدراهم بس علشان الناس يشوفون انه راكب رنج !!!! الحمد لله على نعمة العقل .

بعطيك مثال شخصي .
انا كنت ناوي على ياريس بس يوم شفت سعر المبالغ فيه هونت .
و اتجهت الى السيفيك ( هوندا ) و لكنه 72 الف درهم هوندا سفك استاندر ؟؟؟ انا اتذكؤ كانت في 60 ؟؟؟
يعني حرام ادفع فوق قيمة السيارة ب 10 او 15 الف ؟؟!!!

انا اقترح افضل حل هو المقاطعة افضل من التذمر ومواقف سلبية والسب والشتم

نفس ما كتبت اخوي انا ما في سبب واضح لكتابتي لهذا الموضوع
و موب حاسد الناس على ارزاقهم و الحمد لله ما اتغيرني اموال الدنيا .
و لكنه موضوع و خطر على بالي و ايضا تبادل معلومات لا اكثر و لا اقل .

و ايضا تنبيه للاعضاء لاسعار السيارات الحقيقة و التي من الممكن انك اتجيب السيارة من برع الدوله و اتحصل عليها بارخص من الوكيل بسعر خرافي ..
بعطيك مثال .

صاحبي كان ناوي على كومارو 2010 و هو عند الوكيل ب 190 الف تقريبا .
لقينا واحد قال لنا انه راح يجيبها من امريكا + العموله والشحن و الجمارك لحد باب البيت ب 140 الف ..

يعني ال 50 الف درهم مبلغ محترم
تقدر اتجيب سيارة ثانية او تتصدق فيه احسن لك من انه يروح لوكيل موب سائل عنك و ما يعطيك ابسط حقوقك في السيارة من صيانه و خدمه ما بعد البيع .:c0214:

مثل هذه المواضيع ما تزيد إلا الضغط والهموم بشي ما لك يد فيه ولا تقدر تغير شي

المعذرة على ردي لكن الواحد فيه اللي مكفيه وما يحتاج على قلبه العلل

أيضا لا أحد ينسى أن الحسد ليأكل الحسنات كما تأكل النار الحطب

تحياتي لك

ضغف القيمة يعني ...

و اللي قاهرني ما ينزلون سعر السيارة حتى لو خلصت السنه و يابوا سييايير موديل السنه اتشوفهم امسوون عروض بو الف او الفين درهم اونه تخفيضات الموسم ؟!!!