من يريد تركيب عازل (تظليلة 3M ) ؟ - ملحوظة بخصوص الخصم -

في فرع اخر في طريق المدينة كبير ..
على فكرة في كول اقدم شركة عزل حراري ..

مو قصدي انها افضل .. والله لا دعايه ولا شي
روح بنفسك لفي كول وروح بنفسك لثري ام
وقل لفي كول شغر اللمبه الحاره وحط القزاز العازل وحط يدك وشوف العزل
وروح لثري ام خليه يحط اللمبه الحاره ويحط العزل وحط يدك ..

انا شفت ان الفي كول لما حطيت يدي ولع اللمبه وطفى اللمبه والله ما فرقت ولعت ولا طفت بالعزل وراني قزازه بدون عزل ولع اللمبه على طول سخنت القزازه طفاها بردت .. العزل مره عالي لاحظت لدرجة لو غمضت يدك وولع اللمه او طفاها ما يدك ما تحر نهائياً اذا في حراره شي بسيط جداً ما تشعر فيه اليد .. طبعا العزل هذا الملكي إلى سعره 2700 ريال مدري يمكن الانواع الثانيه اخف

رحت لثري ام خاصه ان 3M شركة كبيرة جداً وما تطلع شي إلا جودته عاليه جداً شركة مشهود لها بالجودة للزق والشغلات تبعهم .. جربت اللمبه وطفاها بصراحة العزل ما كان مثل ما توقعت ضعيف جداً ..

روح بنفسك وشوف وإنت احكم ..

يعني قصدك تقول إنو في كوول أفضل من ٣ إم ؟؟؟؟؟

وانا كمـــــــــــــــــان [EMAIL="[email protected]"][email protected][/EMAIL]

اخوي وين محل الفي كول فيه لهم محل في شارع فلسطين بس صغير واعتقد ما عندهم كل الامكانيات؟؟

رحت لنفس الفرع وعطاني نفس السعر
وجربت اللمبه عنده لكشف قوة العزل باقوى مادى عزل عنده إلى هي بالنانو بصراحة شفت انه في حراره مع انها خفت كثير مع العزل وشفت في كول بصراحة يولع اللمبه ويطفيها ما فرقت الحرارة فلاحظت الفي كول افضل وسعرهم 2700 ريال صحيح اغلى لكن العزل اقوى

على فكرة سألته على كلمة 3m المكتوبه على الفلم قالي هذا يبين انها اصلي الفلم وممكن تزيلها بالكلونيا اللهم طبعة تقدر تشيلها بس يبين ان الفلم اصلي

الفرع إلى عند الفلك برضو نفس الشي الفلم تبعو فيه 3m اتوقع انهم اثنينهم اصلي بس يمكن إلى بالفلك 3m اخذها كذا ويوزع ويبيع اما إلى بالتحلية وطريق المدينة ما خذ الوكالة رسميه .. اتوقع كذا وإلا كلو اصلي هو شركة 3m والفلم مكتوب عليه 3m

إلى يميز ثري ام على الفي كول ان الثري ام من النانو ما يأثر على الملاحة بعكس الفي كول يقولو يأثر على الملاحة بس مدري احس الفي كول عزله اقوى .. وربي مع اللمبه مافي اي حراره نهائياً تحس انه جدار مو عزل ..

3m يقولو العزل 98% وهي نسبه غير معقوله بعكس الفي كول يقولك 55 نسبة العزل وهي نسبة منطقية .. والله واعلم ايت الافضل مع اني اشك انهم افضل الموجود في السوق هالشركتين ..

اعملوا حركه فنيه ياشباب استيطر مميز للمنتدى ويتلزق على العربيات وتبقى رابطه ليكم كلكم وشباب المنتدى يعرفوا بعضهم وتروحوا بيه عادى هناك وتعملوا خصم عن طريقه

^^^^^^^^^


هذا كلااااام خطييييييييييير


يعطيك العافيه اخو قلبي

اليوم رحت الى شركة 3m اللي في التحلية عند الدانوب قريب من شركة الناغي اللي يعرفها .
المهم عندي سيارة جديدة وبغيت اسوي عازل للقزاز وتكلمت مع الموظف سعودي
وشرح لي عن اللي عندهم وعطاني سعر نهائي 2500 ريال مع ضمان مدى الحياة على نوع جديد عندهم , طبعا قلت له سالفة المنتدى والخصم و قلت له انا رحت لفرعكم في صاري عند الفلك وعطاني سعر افضل , قال اول شي هذا الفرع غير تابع لنا الان بسبب مشاكل حيث انهم يغشون في بعض المنتجات ويركبون نوع رخيص كوري ويتحايل على الشركة وسبب لنا مشاكل .
واحنا الوكيل والان عندنا فرعين فقط في جدة الاول التحليه والثاني على طريق المدينة .
وبالنسبة لفرع صاري خلال شهر بالكثير راح يشيل الاسم من المحل لان معهم شكوى وراحت تنتهي القضية خلال كم يوم .
والله العظيم هذا اللي صار ولا اعرف احد منهم كل هم كان تركيب عازل للسيارة وبس .
واللي ما يصدق يروح لهذا الفرع ويتاكد من كلامي .
شارع التحلية تتجه داخل الى الدانوب مقابل الرمال وبجانب روتانا موقعهم على اليسار وانت متجه غرب .
المهم ترا اللي في شارع صاري فلسطين او سوري .
والله من ورا القصد

وانا بعد من جده ياليت تقولي كيف نقدر نركب لسياراتنا

للفائدة:::
بالنسبه لأهل جده
في محل جديد في طريق المدينه قبل توكيلات الجزيره
عند مخرج قريش

؟؟؟ طيب ممكن كوبونات ؟؟؟

موجود كوبونات

هلا أخوي عندك كوبونات ولا لأ؟؟
أبغا وحده ع جده
ولا فيه العرض حق الشهرين ؟؟؟

مدري ما سألتهم على الفلم بس هم عندم فلن

محلهم تجي من شارع الستين من من الجنوب للشمال متجه
يجي لك دوار الفلك
خذ يسار كانك رايح لطريق المدينه طبعا بتكون انت بشارع صاري
على طول في البدايه على اليمن مكتوب بالكبير بالاحمر 3M واضحة اللوحة اصلا من لحظة ما تكون بالدوار واقف بالاشارة بتشوف 3M شغلهم طيب وتعاملهم حلو
الفلم حسب الوصف بالمنتدى يقولو كويس بس مدري حسيت ان في كول افضل منهم
ياخي اقنعني في كول لما جاب لي لمبه حاره ووراني قزازه شفت حراره وجاب قزازه ثانيه مع العزل وربي ولا شويه حراره طفى اللمبه وولعها ما فرقت نهائياً المرايه سواء مطفيه اللمبه ولا مولعه يعني حراراتها ما اثرت نهائياً فبصراحة اقتنعت ان العزل قوي جداً .. بس مدري حكاية التشويش على الراديو والملاحه سمعت ناس يقولو يأثر

انا رحت لهم على امل يكون السعر شويه اقل .. يعني 1200 ولا 1000 عشان اوفر شويه قريشات
لكن طلع السعر 2500 ريال وفي كول بنفس السعر لكن في كول اضمن ومعروف
وثري ام شركة كبيرة ومعروفه لكن ياخي حكاية الدعايه المكتوبه على فلهم مزعجه مره ..

بحرق فين محلهم في جدة؟؟
وكيف فيلم حماية الوجهية مقنع ولا لومار احسن؟؟

بصراحة رحت لـ 3M بجدة
ما عجبني

ياخي الفلم حقهم في بصمه 3M مزعجة مو معقول اقعد اطالع بالقزاز احصل كم حبه ثري ام قدامي .. قلت له كيف كذا مو حلوه قالي هو الفلم كذا عشانو اصلي

حتى لو اصلي بس مزعجة بالشكل ..

ابشروا بسعدكم وياريت اللي استخدم الكوبون يخبرنا وش حصل معاه

وياريت وهذا الأهم : ارسال الايميلات على الخاص عشان :

1- قوانين المنتدى.
2- يأتيني تنبيه على ايميلي وبالتالي ادخل المنتدى.