[السلام عليكم ورحمة الله وبركاتة ..
من زمان على الغالين ... يتمصلح
عساكم بخير ياربع ... يارب تدوم ابتسامتكم :wink:
موضوعي اليوم عن الكموره 2003 .. كامــرــي ..
خلونا ندخل في زبدة الموضوع :
انا اول ماشريت الكامري طبعاً كنت مثل واحد على نيته يفتح خشته ومايدري وين الله حاطه :
في الاسبوع الاول قاعد امدح وووو الخ ..........
في الاسبوع الثاني قلت خلني اروح ونا الاهل لمنتزه عنيزه .. عند المواقفه ... المهم مسكت خط المنتزه .. مشيت على سرعة 80 ... والا اسمع صوت تقل بس يتعذب داخل المكينه ... صوت واضح جداً يجي ويرجع ... كل شوي على هالحال ... تركنا ذا الصوت .. بس مع مرور الوقت اصبح مزعج جداً بانسبه لي قلت ياربي انا وش اسوي باصوت ذا ... رحت غيرت عكوس و فحمات و قماشات وهوبات وكفرات وكل شيئ .. برضه الصووت فيه ... قلت وش اسوي تركت الصوت .. بعدين جى يوم الله لايعيده ... الكفره الي ورا يسار انفجرت لأسباب مجهوله المهم يوم انفجرت الكفره السياره قامت تنطل .. راح يمين يوم راحن يمين انا قلت جبت العيد ... بس اشوى كسرة الطاره كله لليسار .. ومن شدة الذكاء الي فيني مادريت والا وجنبي رصيف ابن كلب .. .. ونا اصقعه صقعه محترمه:.. طبعاً كنت ماشيئ 40 او 60 الله اعلم .. صدمت السياره الرصيف من عند الصدام يسار بس اشوى مب كسر ولا انعواج الا حكه شوية مطلعه البوية ... بس يوم صدمت الرصيف سمعت صوت الكفر الي قدام يسار انفجر مادري ليه ممكن عشان الصدمه والله ... يوم وقفت وانتهت رحلة الموت .. الله يكفينا شرها ولايعيدها ويجوني الناس متجمعه .. حسيت نفسي منقذ العالم : وكل ماجى واحد يقول الحديد بداله حديد .... الخ .. الا ويوم راحت الناس ودقيت على الوالد وعلمت به السالفة .. ووو ... جيت عبث ابي اناضر الكفر كيف تقطع ووو ... بس شفت الجنوط ... جتني صدمه بنت كلب .. لقيت الجنط مكسر ملعون ابو شكله .. ولا بعد الي ورا يمين مادري وش سالفته .. لقيته مكسر تكسير مابقى الا علامة تويوتا !! , واعتقد هذا بسبب خروجي من الزفلت ... وان الكفر احتك بين التراب ونص الزفلت ... عند الخط الاصفر .. الغريب في هذا الشيئ ان الكفر ممتاز .. والحمد لله .. والحمد لله ... والحمد الله انه ماجاني شيئ الحمد لله , رحت بعت الجنوط بــ 100 ريال .. ثنتين سليمات وثنتين انتقلت الى رحمة الله , وفي ذاك الوقت قاعد اقول الله ياخذ الساعه الي شريت السياره فيها :c0038: , المهم غيرت الجنوط حطيتها سود ... حديد ... يوم حطيتها قاعد اشوف شكل السياره وهيا عليها .. يوم شفتها قلت كني .. مجرم :, المهم مشيت ومسكت خط بريده ابي اروح حي الضبط بعنيزه ... مشيت 80 ووو حصل شيئ خلاني اموت من الفرح الصوت الي فيها راح !! , تفاجئت بهاشيئ وبديت اشكر ربي ان الصوت راح ..... وبعد مدة طلع علي بخاخات البنزين فيه تهريب وقامت تهرب عى المكينه ووو .. والحمد لله ان المكينه ماطعلت شراره والا صرت دجاجه على الفحم , والحمد صلحته .... وبعد مدة قصيرة .. مسكت خط مزروع عنيزه ... كنت ماشي بسرعة 100 وبعض الاحيان 120 الا واسمع صوت كني مركب تيربو ): , رحت عند احد المحلات وصقعني يقول العمود حق المكينه خربان ويبيله خرط والخرط بــ 3 الاف غير شغل العامل ... , بس ماش ماصدقته قاعد اشوف وجه كنه يغمز لواحد:.. قلت ذا به بلا .. خلنا ندور ناس تعرف , ورحت لورشه كلها فلبينيين قالو ادعس على البنزين عند 2 ... حق المكينه .. سمعو الصوت وقامو يلفون وناضر العمود ومنا ومنا ومنا اخذو ممكن 3 دقايق .. قالو لازم توضيب كامل للمكينه !!! , من شدة الصدمه قلت كف كفك .. كنت قاصد اقول كيف؟ قلت خلاص وضبوها ,
راعي المحل سعودي يقولي ... انكانك بتستخدم وضبها اذ كانك تبي تبيعها اشتر مكينه جديده ..
وشرايكم اوضبها او ابيعها ؟ . . وترا لاطلعتها راح تطلع كنها من الوكاله لأن التوضيب معروف ... بس لو كان واحد منكم محلي يبيعها او يصلحها ؟
ومعلش طولت معكم :
وبعض الناس يقولون ماخرب المكينه الا بنزين 91 الي عندنا فايض اما الزين ...هذا بنضام اليابان . يقولون عب ابو 95 !! ... وشرايكم:c0214: ؟
انتضر ردودكم الي تبيض الوجه ]
