مساكم الله بالخير
يا طويلين العمر معي كابرس 2006 و فيه رجه كل مالها تزيد و انا خايف يوم من الايام يطير كفر و لا تطيح المكينه او شي زي كذا :bigggrin:
الرجه هذي تبدا من 65 و تنتهي عند 55
مثلاً لو كنت ماشي 100 ودعست على الفرامل كل شي جداً طبيعي الى ان توصل السرعه للـ 65
فتبدا ترج الطاره و تحس ان كأن السياره بتتفكفك
طبعاً فيه ناس بتقولي الهوبات
لكن غيرت اقمشه وخرطت هوبات تقريباً قبل شهرين ونص و لكن الصدق اني سويتها عند واحد ما أدري كيف شغله
وغير كذا اشتريت طقم الاقمشه من نوع اسي ديلكو و هو اللي بعد الاصلي على طول بعد الـ (GM)
وجا اسبوع كان يطلع صوت مزعج اذا جيت اوقف فهل يمكن لهدرجه ماهوب اصلي ؟ :confused1:
المهم نرجع للمشكله اللي جايبت لي المرض
سألت اكثر من واحد وكل واحد يفتي لي فواحد قال وزن اذرعه وواحد قال شيك على الكفرات و واحد قال سو ترصيص و واحد قال من علبة الفرامل << اخر واحد بغيت اتوطى فبطنه : \
وغيرت كذا عندي سؤال جداً خارج الموضوع : هل الكوابس من 2004 ال 2006 فيها نظام مانع انزلاق ولا لا ؟ واذا كان فيه ففي اي نوع منها ؟ : )
فاللي عنده العلم الوكاد يفيدني جعله ما يذوق النار :smile:
