نداء عاجل للاخ امير بكلمتي

المداوي 11 @user_66681 · 04-05-2010

السلام عليكم ....

اخي الكريم عندي كم من مشكلف في سيارتي الماركيز 2006

وودي اشغلك شوي معي وادخلك في معمعة الميركوري

باسرد لك المشكلات هنا وان شاء الله القى عندك حل

وانا والله ما حددت النداء لك الا اني احس انك من اكثر الناس الماما بمشاكل السيارات (الله لا يضرك)

ولا يهونون الشباب

المشاكل كالآتي:

1- عندي مشكله في جميع الدرايش او القزاز حق السياره ما يشتغل الا من جهة السواق بس
لايطلع ولا ينزل باستثناء الخلفي الايسر ينزل ولايطلع لكن كلها تنزل وتطلع من جهة السواق

2- تعطلت عندي البطاريه وغيرتها ومن بعد تغييرها صار عندي مشكله في العزم لما احط السياره في الدي والمكيف شغال احس السياره اشبه ما تكون بتطفى وصارت ثقيله

3-بالنسبه لزيت القير هل اقدر اغيره مع الطنجره يعني كرتون كامل مش 5 علب

4-زيت البريك هل يجب تغييره؟

5-بالنسبه للزر او الحبه حقت باب الراكب خربت عندي وصارت لما افتح بالريموت ما يفتح باب الراكب ولا يقفل وبعد شهرين رجع صلح لحاله

ارجو اني ما اكون طولت عليك ...

المداوي 11 @user_66681 صاحب الموضوع · 06-05-2010

ابشرك غيرت البواجي وراحت الحركه الي بتطفي السياره رغم اني ما وسوست لانها طفت فيني مرتين

لكن لازلت احس ان الموتر ثقيل مع تشغيل المكيف علما انه ماكان كذا

وصدقني انا ماني موسوس انا من جد متأكد من مراقبتي للسياره

وان شاء الله ابحث لين اجيب لك الحل

M~أمير بكلمتي~M @user_58367 · 05-05-2010

ا

المداوي 11

اخوي امير

لقيت نفس مشكلتي لما اشغل المكيف يقل العزم مع 2 من اخوياي عندهم فورد 2006

وماركيز 2007

هو معروف في اي سياره ان الدعسه تصير ثقيله والعزم يثقل والسبب ان الكمبرسر مرتبط بالماكينه

يسحب كهرب وايضا يصير ضغط على السيار ودوران الماكينه ,, ولكن انه يصير فيه لخبطه والسياره تبي تطفى هنا المشكله

اما انها فقط تصير ثقيله فكل السيارات كذا,, والحمد لله انك اعجبتني جربت اكثر من سياره حتى تقدر تشوف ان عندك مشكله بدون ما تسأل احد وتعرف الحل

وتعوذ من الشيطان وابعد عنك الوسواس ومادامك متوكل على الله ماراح يصيبك شئ الا بأذنه

الله يوفقك ويحفظك

أخوكـ

المداوي 11 @user_66681 صاحب الموضوع · 05-05-2010

اخوي امير

لقيت نفس مشكلتي لما اشغل المكيف يقل العزم مع 2 من اخوياي عندهم فورد 2006

وماركيز 2007

M~أمير بكلمتي~M @user_58367 · 05-05-2010

اذا البطارية موتر كرافت فهي كافيه ووافيه لأنها مخصصه للفورد فقط

ولكن العزم حاول تشوف اشياء ثانية طبعا بعد التأكد من سلامة تركيب اصابع البطارية

طبعا الأشياء الثانيه مثل الصيانه الدوريه :

كل 80 - 100 الف كيلو :
موية الرادتير - فحص بلف الحراره.

كل 60 الف كيلو :
بواجي - صفاية بانزين - "تنظيف حساسات الهواء اذا تحتاج تنظيف" .

التغييرات كل 40 الف كيلو او 6 شهور :
زيت القير - فلتر القير - قازقيت الكارتير - فحص الهوبات والاقمشه.
(( تأكد من نوعية زيت القير المستخدمه في سيارتك لانه انواع )).

كل 20 الف كيلو:
فلتر الهواء.20 ريال

كل 5 - 8 الاف كيلو او 6 شهور :
زيت الماكينه - فلتر الزيت ( السيفون ) مع كل تغيره لان سعره رخيص 10 ريال واصلي من القطع.

أخوكـ

المداوي 11 @user_66681 صاحب الموضوع · 05-05-2010

انا شيكت على البطاريه عشان اشوف كم امبير

طبعا نوعها موتر كرافت

مكتوب عليها 72 ah

هل يعني انها 72 امبير

وهل هي كافيه للفورد ولا لا ؟؟

M~أمير بكلمتي~M @user_58367 · 04-05-2010

وعليكم السلام ورحمة الله وبركاته

1/ هذه يالغالي لازم تشيك على نفس السويتش حق السواق تبع الامان للقزاز او الدرايش انه مو شغال لأنه يلغي عمل السويتشات الباقي ولا تقدر تطلعها وتنزلها الا من عند السواق اما اذا كان غير مقفل فلازم يالغالي تفحصها عند كهربائي فاهم يشوف لك السويتشات تبع الابواب كلها واصلها كهرب ,, اذا مو واصلها كهرب فمعناته فيه مشكله اما من نفس السويتش الرئيسي ( تبع السواق ) ويفحص التوصيلات للدينمو تبع القزاز اذا فيه كهرب او لا اذا مافيه معناته السويتش تبع الباب فيه مشكله اما اذا كان كل شئ فيه كهرب وكل شئ فللأسف قد يكون الدينمو خربان او فيه مشكله ولكن مادامك تتكلم انها تنزل وتطلع من السواق فمعناته السويتش تبع القزاز كلها تحتاج تغيير.

2/ بالنسبة للعزم قد يكون فيه علاقة نوعاً ما بينها وبين حجم البطاريه فحاول تتأكد انها نفس الحجم ونفس المقاس.

3/ زيت الطنرجه من المعروف من موديلات 2003 وطالع ماتقدر واصبح فيه نوع زيت خاص اسمه Mercon v ولكن تقدر اذا جيت تغير زيت القير تخليه يتأكد اذا فيه مسمار للطنجره او لا.

4/ زيت البريك بصراحه فيه ناس تقولك تغير ولكن بعد مايتغير لونه او يوجد فيه رواسب بسبب دخول اوساخ او ماء يتم تغييره طبعا الوكالات تغيره كل 30 - 40 الف كيلو او مرور عليه اكثر من 16 شهر.

5/ ممكن يالغالي نفس الاوتوماتيك تبع الزر او الدينمو تبعه كان معلق ورجع والحمد لله .

الله يكفيك الشر وجعلها الله لك دفع بلاء

وحياك الله في أي وقت

أخوكـ

المداوي 11 @user_66681 صاحب الموضوع · 04-05-2010

الله يعطيك العافيه بالنسبه للدررايش قال لي محل
ان المشكله فيش حق القزاز

بس باخذ بكلام واحد خبير او مجرب زي اخوي امير بكلمتي

يعطيك العافيه ومشكور على التفاعل والمشاركه

العاشق الحزين @user_21544 · 04-05-2010

هلا بك اخوي

اسف على المداخله

بالنسبه لاول مشكله عندك هذي

موجوده عندي علما سياراتي كراون فكتوريا 2006 امريكيه وكاله فل كامل

خربت عام 2007 الدرايش وقبلها كانت تمام والتحكم صاير من عندي الا احد الدرايش الخلفيه تشتغل

والى الان مستمره معي

بالنسبه للمشكله الخامسه حدثت معي ان باب الراكب لا حطيته بالـD او اذا قفلته بالريموت

تقفل جميع الابواب الا الراكب لكن لما اضغط الزر مره ثانيه يقفل احس فيه مشكله ولكن

مو دايم تصير بالاسبوعين مره ولا تطول يعني تصير والحل ما عندي خلفيه

نستنى الشباب ما يقصرون ان شاء الله

واسف على الازعاج

وبأذن الله مشكلتك بتنحل يارب

تحياتي لك عزيزي