سعر BMW الفئة 5 يقارب سعر أودي Q7 فل أوبشن السيارتين ( أي واحد تنصحوني فيه )

والله اخوي المفاضلة بين السيارتين صعبة

كل وحدة احسن من الثانية لكن..

انت ما حددت من وين انت؟ انت من السعودية ولا من وين

اذاك من السعودية خذ جيب الأودي وانت مغمض

زي ما تعرف شوارعنا كلها حفر, والله امس اشوف واحد قدامي معه الفئة السابعة ماشاء الله تبارك الله مشى في طريق كله حفر ودق الصدام في وحدة من الحفر

وانا معي الفئة الخامسة لكن موديل 2008 سيارة ماعليها كلام ممتاااازة

لكن بعد تجرببتها في شوارع الرياض اقتنعت ان السعودية كلها ما ينفع لها الا سيارات جيب

وفي النهاية ترى كل السيارتين ممتاااااازة وماعليهم خلاف, الله يوفقك في اختيارك مهما كان

سامحني على المداخلة الطويلة.

لو مكانك بحتار صراحه
صل الاستخاره وخل اهلك يشوفون السيارتين والله يكتب لك اللي فيه الخير

الله يوفقك للي لك فيه خير ومنفعه

ليش ما تفكر في جيوب بي أم دبليو x5 x6 وخصوصاً الأكس 6 شي خرافي من جميع النواحي حتى الست سلندر فيه جبار وكفايه الشكل الإستثنائي والجمال الخارق والجودة الفائقة مر معرض بي أم ومعرض أودي وقارن الإبداع بنفسك والفئة الخامسه أبداً ما يستهان فيها إبداع من بي أم دبليو فوق الوصف من جميع النواحي انا رحت معرض بي أم وشفتها بصراحه أجمل ألف مره من جيب أودي لكن ما تصح مقارنة جيب بسيدان لذالك لك الخيار ونصحيتي دام انك تبي جيب فكر في جيوب بي أم

خذلك الأودي افضلك موتر عائلي وانت معك اسره
فكر فيها مستقبلاً الله يرزقك بعيال اكثر راح تحتاج لموتر مثل Q7
موفق أخوي

الاستخاره زينه لا تنساها
كل الاثنين و لا اروع

اخوي خذ الاودي و انت مغمض مريحه في كل شي حتى في الصيانه من يوم ما مسكها الشربتلي صارت غير و الحق ينقال و البي ام حلوه بس الاودي جيب و دفع رباعي فأفضل لك الاودي و الصيانه مريحه و كل شي مجاني لمدة خمسة سنوات انت بس عليك الكفرات و البانزين

.
.

اي نعم اخوي صح كلامك ..
بس اللي تغير الاسطب الامامي و الخلفي + انوار الضباب ..
مو مثل تغير البي ام 180 درجه .. ويعطيك العافيه على الافاده انه الميزه موجوده بالسيارتين ..
الف شكر لك حبيبي ..

.
.

شكل الاودي تحسنت في 2009 من الامام و من الخلف و زاد فيها الفخامة بخصوص الميزة الا انت تتكلم عنها موجودة في البي ام و الاودي معا

اخوي اذا ممكن تخبرنا شنو مواصفات البي ام الاضافية عن الستندر بهذا السعر هل فيها مثبت سرعة ذكي، رؤيا ليلية، ابواب شفط ... الخ اذا فيها هذه المواصفات فانا افضلها على الأودي خصوصا مثل ماقالوا الاخوان موديل جديد واعتقد يسجل 2011

الانفينيتي عبارة عن باترول مفخم بدل ماكان أرمادا مفخم زي فكرة اللكزس واللاندكروزر. خلك على الألماني واذا ماعندك عائلة فالبي إم الفئة 535 رائعة جدا جدا!

نصيحتي لك بلـ Q7
والله سيارة ماعليها كلام ماشاءالله .. ( ولا تنسى صيناتها مجانية لمدة 5 سنين )
السيارة جدا رائعة والوكيل اتحسن عن اول ( عن تجربة)

تقبل مروري

وغير كذا ( يمكن أنتظر تنزل الإنفنيتي الجيب شفت شكلها بالإنترنت بصراحة شكلها تجنن ومواصفات تهوس ) بس ما أدري على الطبيعة إيشلون بتكون ويمكن سعرها يقارب سعر الأودي )
أرجوكم يا شباب أنصحوني

السيارتين حلوين و لو تاخذ اي وحده منهم ما بتكون خسران ..

من ناحيتي ارشح البي ام .. محرك قوي + مميـزات اكثر اتوقع + شكل جديد ..

و الله يعطيك اللي فيه الخير

أشكر كل من رد علي وأفادني بنصايحه ( بس على فكرة نسيت أقول إن الأودي بركب لها كل الإكسسوارات الأصلية إللي تحلي شكل السيارة من الخارج + من الداخل لونين يعني بأطلبها طلبية خاصة وعشان كذا سعرها يفوق سعر البي أم دبليو بأشوي ، بس بتكون لي سيارة العمر ( هي سعرها بدون الأكسسوارات تقريباً 230 الف مع الزوائد يمكن تطلع 290000 الف ) وأنا محتر بين السيارتين وحتى البي أم دبليو 535 يعنى التوب ÷

الأخوآن فوق كفّو ووفّو .. رأيي الـ Q7 بـ كل تأكيد رغم حبي الشديد لـ BMW .. لكن في هالخيآرين رآح أميل للـ أودي والـ Q7 سيآرة رآئعة بـ كل مآ تعنيه الكلمة شكل وجودة وأوبشن ووكيل ممتآز ..

الله يلهمك الصوآب في إختيآرك .. ويجعل مآ أخترته خيرا ً لك ..

تحيآتي ..

والله اذا اردت فخامة عاليه وشكل احلى وسيارة سيدان متوسطة الحجم اختار البي ام
ولا تنسى البي ام شكل جديد واكثر تطور
الاودي اريح واواسع بمثير ومريحه جدا
وايضا فخمة ولكن بمستوى اقل من البي ام
ولا تنسى ان الاودي دفع ربعاي
لذلك خياري لك هي الاودي بدون تردد
والله الموفق

.
.


اهلين اخوي ..
اول شي الله يعطيك خيرها ويكفيك شرها ..
بس انا ما افضل اي سياره من الثنتين ..
بس افضل البي ام عن الاودي ..

اول شي الاودي الشكل هذا اتوقع من 2005 .. يعني شكل قديم
وتعودو عليه الناس ومنتشر .. + انه الصيانه سماكو , وهذا شي يمنعك من شرائها ..
لانهم شركة ماعندهم اي خدمه .. لا من صيانه ولا توفر قطع .. الخ ,,

ثاني شي .. انت تقول انه الاودي سته سلندر .. ماراح يكون بالقوه المطلوبه ..
يعني جيب كبير اذا مو ثمانيه سلندر مايكون جامد وقوي ويفرق معك صح ..


اما البي ام .. افضلها من ناحية شكل جديد 2010 ..
يعني راح يطول معاك نفس الشكل , وبي ام صيانه محترمه . وخدمه كويسه ..
بس للامانه السعر مبالغ فيه شوي 280 كثير ..


اقتراح ,, ليش ماتاخذ مرسيدس E300 عليه بدي كت AMG ..
فل ابشن سقف بنوراما نفقيشن جلد وعندك ميزه خرافيه فيها ..
انه الزاويه الصفريه بالمرايه تنبهك انه فيه سياره ( ما اعرف اذا موجوده بالبي ام )
ومع كل هذا انا ااخوي كان ناوي يطقها والا الحين ان شاء الله قيمتها 244 ..
الكلام هذا قبل شهرين تقريبا او شهر ونص ..
وسياره رائعه و 2010 بعد بس بالنهايه يرجع الاختيار لك ,
اسف على الاطاله ..

دامت انها جيب اكيد كيو 7 افضل سيارة دفع رباعي لعام 2009