اخوكم احمد من قطر يرجو المساعده من الخبره في جير كابرس 96

بروجهام 96 @user_224997 · 29-05-2010

السلام عليكم ورحمة الله وبركاته ..

كيف حالكم عساكم طيبين .. بدخل بالموضوع على طووول ..

انا عندي كابرس 96 ال اس وفيه مشكله قديمه بالجير اذا عشقت دي يتأخر شوي بعدين تمشي السياره .. اكثر من واحد شار علي ان اتركه مثل ماهو بشرط ان انتظر لين يعشق وامشي ولا ادعس ريس قبل مايعشق وراح يمشي 3 سنوات قدام ...

والحمد لله مشى معاي تمام .. لكن واحد من الربع خذ الموتر لمشوار ورجع ..
طلعت في الجير عله جديده ان يعلق في التبديل الثالث ويتاخر كثير بعدين يمشي رابع تمام ..
وعلى كلام البعض قالوا كلجات ..
الحين هل اغير كلج واحد ام جميع الكلجات ؟
وهل هذا العله مرتبطة بمشكلة التأخير الاولى ؟؟
ام اغير الجير كامل وقالوا لي اشتر قير من السعودية
وحبيت اعرف سعر الجير الجديد والمستعمل من عندكم ..

اخوكم احمد من قطر ..

فني سيارات @user_8460 · 01-06-2010

حياك الله يا ولد قطر
:xyxwave:

الجير بدل كلتشاته وتنتهي السالفة

و الجير طبعا وتوماتيك
يعني اذا فتحت الجير الكلتشات كلها تتبدل مش كلتش واحد وموضوعه بسيط ان شاء الله

بروجهام 96 @user_224997 صاحب الموضوع · 01-06-2010

يعطيكم الف عافيه ..

{{ طاره شفر }} @user_225117 · 30-05-2010

انا كان عندي كابرس 1991 كان يعشق تعشيقتين ويتأخر في الثالث
هذا يدل على ان الجروكس ))خبط)) نصيحتي انك توضب
لا تغير الجربوكس ابدا حتى لو عطالك عرض
انا غيرت حربوكس جديد 700 بـ 2500 ضمان شهرين
والله الموفق .........

الوكع @user_166685 · 30-05-2010

انا رحت فى الصناعيه فى جده عند محل توضيب قيور قير 200 4r مجدد بي 1900

انا وضبت قيري كابر يس اس اس 96 بي 2200 ضمان سنه بس انا انصحك توضب قيرك

تراه رخيص مو غالي بالتوفيق

anas2912 @user_47197 · 29-05-2010

وعليكم السلام ورحمة الله وبركاته ---- والله يحييك

التوضيب أفضل
والسعر مستعمل ومعاد التوضيب أعتقد لايتجاوز 1200 ريال
والشباب بيفيدوك أكثر لأني زمان عن الأمريكي