يا أخوان أنا ناوي أشتري سيارة بداية السنة ولفيت الوكالات الفورد والجمس والشفر والتويوتا وتحيرت بين أربع سيارات تويوتا تاهو و فورد أكسبدشن والشفر تاهو والجي أم سي يوكن. :c0214:
السكويا عجيب جداً وواسع يصلح للسفر وكسيارة عائلية.:xyxthumbs: وهذا هو مقصدي بس ما سقته، سقت التاهو لأن الوكالة يخلونك تسوقه تجريبياً المهم الغرض من السيارة العائلة والسفر والأستعمال الشخصي ولكن السفر مرة أو مرتين بالسنة وبالكثير ثلاث طبعاً على هذا الأساس كنت أدور على السيارة الكبيرة والموفرة في صرف البنزين عشان داخل المدينة.
التاهو يقول مال الوكالة أنه مجهز للعمل أربع سلندر فقط وكل ما زادت السرعة أشتغلت بقية السلندرات تزامناً معها عني على سرعة 80 كيلو يمكن السيارة تشتغل أربعه سلندر وهكذا المهم أن الغرض من هذه التقنية تقليل صرفية البنزين وبما أن هذا هدفي وبقية السيارات الأخرى لا تملك مثل هذي التقنية أحترت قلت أسأل أهل الخبرة وإلي مجرب حتى أتوصل للقرار الصائب، لذا أرجو همتكم في التصويت حتى تساعدوني في أتخاذ القرار ومن شاور ما خاب.
الأكسبدشن يقولون يتعلل كثير والصراحة عندي فورد شحلاته ما يتعلل ولكن لا تجربة لي مع الأكبدشن حتى مال الوكالة نصحني بالأكسبلورل يقول مناسب للسفر وشوارع البحرين بس ما أقنعت بحجم السيارة ومدى الراحة فيه بالسفرات الطويلة. :c0038:
الجي أم سي مالي تجربة بس أخواني عندهم ويصيحون من الأكاديا كل أسبوع بالوكالة لغرض وما حاب أصف وياهم دور ومحتار
