السلام عليكم ورحمة الله وبركاته
هلا يارجال
ومساكم او صبحكم الله بالخير
يقولون ما خاب من استشار
وانا بحط الموضوع بين يدينكم وعطوني الشور الزين
انا لقيت لي سيارة وقارنتها مع سيارات ثانيه من نفس النوع
السيارة كابرس موديل 2008 6 سلندر LTZ
ماشي: 13000 ثلاثة عشر الف فقط ..
الموتر نظيف وكأنه وكاله ما شاء الله تبارك الله
ما يخليني اتردد عنه إلا انه 6 سلندر
مع اني مجرب لومينا 6 سلندر والحمد الله ماشيه معي تمام بحكم ان قيادتي لسيارة معتدله
لاني راعي قومات ولا سرعه ولا فزات مثل ما يقولون الشباب :bigggrin:
ودورت نفس الموديل بس 8 سلندر ولقيت
بس ممشاهم فوق الـ 60 الف
ويحلفون ان مافيهم شيء ووو لكن ما ادري ليش مو مرتاح لهم
غير ان براسي بإذن الله اخلي الموتر عندي فترة طويله بحدود 5 سنوات
ولما احسب المسافات المقطوعه
وبنسبة 20 الف كل سنه
اشوف ان اللي ماشي 60 الف على خمس سنوات يبي يطق المئه الف واكثر
غير صيانته وزيته وصرفيته وانا على قد حالي :wavey:
قالوا .. وركزوا في هاللي يقولون
ان الكابرس 2007 و 2008 و 2009 .. 6 سلندر
فيه مشكلة بالكمبيوتر ويخرب دائما وتصليحه مو هين
هل هالكلام صحيح .؟؟
سعر الكابرس 6 سلندر = 67.000 ريال سعودي
هل السعر مناسب او لا ؟
وسعر الكابرس 8 سلندر نفسه
يا يزيد الفين او ينقص .. بس المسافة المقطوعة اكثر من ستين ألف !!
الشيء الأخير ان صاحب الكابرس [COLOR=green]( الـ 6 سلندر ) شاريه من وكيل شفرولية في الإمارات[/COLOR]
ولا زال تحت الكفاله
هل يقبل وكيل مثلا بالسعودية او الكويت السيارة واعتبارها تحت الكفاله .؟؟
او لازم ارجع لوكيل الامارات اسوي عنده صيانه !!
شوركم يارجال لا تخلوني
[COLOR=blue]ترى ما جيتكم إلا ظني فيكم كبير :wink:[/COLOR]
