سأقوم بشراء الكانديزا نرجوا المساعدة...

اخوي الله يحفظك بتنزل فئة جديدة واظن الفئة الحالية مستمرة فلماذا انتظر....

وراح يكون السعر غالي للفئة الجديدة|||||

هلا اخوي :
اولا الله يكتب لك الخيره ويعينك على السداد :
دام فيه فئه جديده نازله انتظر نزول الدفعات الجديد لانه في صالحك تلافي العيوب باذن الله وانخفاض السعر لنزول فئه اعلى :

وانا معجب بالسياره لاكن الانتضار افضل باذن الله خصوصا ان السياره توها نازله فحيكون سعرها اعلى مايمكن :

اخوكـ أبوعـــابد

هلا والله اخوي
معليش توني آشوف الموضوع

السياااره ماعليها اي كلام
وماعليكم من إللي يقول حرام فيها 108
إللي مايطول العنب حامضً عنه يقول :bigggrin:

انا خذيتها وانا مغمض 108 على المواصفات شوي عليها
الناس ماتبيها عشانها كيا يعني لو انها تويوتا كان خلصت
يزعم تويوتا مايخرب مصنوع من ذهب

المهم

السياره الدفعه الاولى فيها مشكله
إللي هي الهزه اول ماتشغل السياره بس
ويحلون لك المشكله مجاناً لانه هذا خطأ مصنعي

وبس
السياره آكثر من روعه
آمشيء بالشارع كل العالم تطالع
لو سيارتي ابيض ومن داخل بيج
كنت ابغى اسود من داخل بس كان مخلص :smilie20:

وعلى البركه مقدماً

اخواني رحت اليوم للجبر وقال لي الموظف اذا ودك تتنتظر الدفعة الثانية بعد حوالي 3 اسابيع بيكون فيه فئة اعلى من الحالية:
جنط 18 وشبك يختلف و تحكم خلفي...
وكذلك السعر بيزيد....
وش رايكم اشتري احسن لي لاني اشوف ان المواصفات الحاليه طيبه....

لا شكر على واجب عزيزي

الواحد يوم يقرا ردود بعض الاخوان يشك انه داخل موضوع غلط وان عنوان الموضوع:"طلب نصيحة حول شراء سيارة"أو"متردد في شراء الكادينزا"
وأنا أشوف الحل للاشكالية يا اخوان ان صاحب الموضوع يعطيكم الدراهم وانتم تشترون له السيارة بما يناسب خياراتكم ورغباتكم
ونشووووفكم تاني:xyxwave:

108000 ريال ادفعها في كوري مو حرام خلال سنة او اقل يخسف سعرها

غريبه هالسعر والله .. يارجال استخير والصبر زين

والله يكتبلك الي فيه خير لك ان شاءالله بس وانا اخوك فكر مرة ومرتين

<< خذ النصيحة من هالشاايب شايب عمره في هالسيارات

مشكور اخويglorious على حسن تجاوبك....
........................
اما اخونا الذي يقول السيارة لا تستاهل بالعكس احس انها احسن من منافسيها.... وسعرها طيب والناس تشهد...
................................
واما الذي يقول الافلون اقوله فقط يكفيك ان مافيها شاشة :confused1: .! وسعرها 124 ّ سلامات يالطيب ليه ادفع المبلغ هذا في سيارة احس من وجهة نظري ماتستاهل....:c0214:

شكرا اعزائي

لو تشوف افالون احسن شوي

عفواً من وجهة نظري السيارة ما تستاهل المبلغ المطلوب , السيارة أول ما نزلت كانت بـ 65 ألف ريال , والآن زادت 20 ألف في فترة قصيرة !!

وما زال يستمر جشع الوكلاء , وحنا نقول تستاهل وتستاهل , وكأنهم يعطونا من نسبة الربح !:blue:

وعموماً إذا خيرت بينها وبين منافساتها من الشركات اليابانية , لأخترت أقل وحده منهم ولا أخترت (( كيا )) مع إحترامي وتقديري لـ ملاكها !! :smile:

أنصحك بالأستخارة , قبل كل شيء والله يكتب لك ما فيه الخير ..

:xyxwave:

هلابك اخوي
1- كم سعر الفل بانوراما (وهل تكون مؤمنة تامين شامل) علما انني اريدها كاش
السعر 108ألف+رسوم اللوحة والاستمارة(من600الى700ريال) ويكون عليها تأمين ضد أخطاء الغير اللي ب350 ريال
2- ماهو افضل لون داخلي و خارجي
الألوان حسب ذوقك لكن أشوف العودي من الخارج+أبيض حليبي أو أسود من الداخل
3- هل تحتاج لتضليل
نعم تحتاج هو مكتوب في الكتلوج ان الزجاج عازل وبالرغم من كذا أنا قلت أركب تظليل لأن سيارتي داخليتها لون أسود وركبته من شركة غير مشهورة عن طريق مندوب المبيعات حق الجبر واحس مافيه فرق كبير عن سيارتي الأولى اللي كنت مظللها من جونسون
4- نصائح اخرى
سلامتك

شكرا اخوي بكرة بشوف لهم

اخوي سعر الفل بانوراما حسب اخر تسعيرة اخذتها من هم قبل ثلاثة اسابيع

اذا كااش 108 الف و التقسيط لا ادري

احلى لون فضي أو ابيض لؤلؤي من الخارج و من الداخل بيج

انا اشتريت من هم الاستاندارد بـ 65 الف ريال ابيض لؤلؤي و من الداخل بيج

شكرا اخواني على تعاونكم....

طيب اخوي ومتى رح تكون الدفعة الثانية <<<<

نعم الإختيار ..

لكن لو كنت مكانك لإنتظرت الدفعة الثانية منها .. لأن الدفعة الأولى تكون فيها بعض المشكلات التي تحل في الدفعات التي تأتي بعدها ..

بالتوفيق ,,

اصبر اخوي قليل الي يملكون السيارة ويقدرون يفيدونك
بالنسبة لي انا ماعمري شفتها .. تمشي في الشارع ولا شفت غير اللون الابيض وعاجبني

الصبر مفتاح الفرج

وراح يردون ان شاء الله