فورد كراون فكتوريا

اذا تكرمتوا يافني سيارات ،، وباقي الشباب ،،

ودي اعرف عمل الكتاوت اللي تحت الطبلون ،، ووين مكانه ،، ووش وظيفته ،، وسبب أعطاله ؟؟؟

أذا تكرمتوا ،، لأن ودي أستفيد بصراحه ،،

بإنتظاركم ،،

ودمتوا بود ،،

أخوووكــم

الكتاوت الي تحت الطبلون يسولي هذا الامر وخاصة لو فيه صوت طرررر او طق طق طق

بدله وتوكل على الله

بس أخوي غيرت البطاريه قبل اربع شهور او خمسه تقريبا ... والسياره لما تطفي فجا ارجع اشغلها وتشتغل

انا صارتلي نفس المشكلة ولا ميكانيكي ولا كهربائي عرف وشي المشكلة اخر شيء طلعت البطارية غيرتها وضبطت معي شيك البطارية

طيب اخوي فني السيارات اليوم الصباح وانا رايح الدوام طفت علي السياره تقريبا أربع مرات وأنا ماشي وجيت أبي اشغله أول مره مااشتغلت جيت شغلت أنوار السياره أسمع صوت يطلع تق تق وانوار تشتغل وتطفي واحيانا وأنا ماشي تشتغل لمبة البنزين ولمبة الفرامل ولمبة الحراره والردايو يوشوش والسياره أحس انه بتطفي أرجوووك ساعدني أبي أعرف وش المشكله عشان اصلح وارتاح (انا احساسي يقول من الكتاوت الي تحت الطبلون)... ويجزاكم الله الف خير...

كل هذه الاعراض كهربائية يبدوا ان عندك التماس ممكن يكون من اللمبات الزنون الي مركبها

و الكتاوت الي قالك عنه لازم يتبدل

وباقي الانوار اليت طلع لك مع للمبة البنزين اعتقد انها مجرد التماس
افحص اصابع البطارية هل هي مشدوه بشكل جيد ام لا

بتوفيق ان شاء الله

أشـكـ إنه بوادر عطل في طرمبة البانزين ،،

أو عندكـ مشكلة كهربائية سببها أنوار الزينون وتشبيك أسلاكها ،،


وإن شاء الله الأخوان ما يقصرون معكـ ،،

وبعد نسيت مااقلكم اليوم وانا ماشي أشوف لمب البنزين والفرامل والحراره تتشتغل وتنطفي واحس سياره تثقل وثواني وتروح وش المشكله تكفووووون

معقوله مافي رد

شباب انا بقلكم المشكله من أولها... لما اشغل الانوار لأخير يعني مع الزنون تقعد نص ساعه وبعدين تطفي انوار الطبلون والمسجل وتطفي الأنوار الخارجيه للسياره تطفي وتشتغل اجي اسكر الانوار وبعد ثواني اشغله وتشتغل معي تمام بس بعد كل فتره تطفي وتشتغل هذي المشكله من زمان تقريبا له شهرين رحت عند مهندس قال المشكله من الكتاوت الي داخل الطبلون وراء الدركسون والمشكله الثانيه أحيانا لما امسك فرامل قوي احس سياره تطفي وتشتغل في نفس الوقت والمشكله الثالثه صارت معي أمس واليوم السياره تطفي وانا ماشي احيانا تكفون تكفون تكفون أبي أعرف وش المشكله وهل المشكله من الكتاوت مثل ماقال المهندس انتظر ردكم...

السلام عليكم...شباب المشكله رجعت السياره تطفي فجأ وأنا ماشي تكفون أبي أعرف وش المشكله أرجوكم انتظر ردكم...

السلام عليكم ورحمة الله وبركاته...الحمد الله رحت وصلحت السياره طلعت المشكله من منظم الهواء الي داخل وراء المكينه كان وسخ وجبت بخاخ اصلي ونظف المهندس وضبطه والحمد الله الى الحين السياره تمام انشاء الله دوووم واشكرك أخوي عالرد والله يجزاك الف خير...