يابحررق الكاابرس يا الااقي حل لمشكله الحراره

يا شباب عندي كابرس 2002 ltz للبيع استمارة والفحص جديدة ماشي 420000 والوحة مميزة ق د ي 0770 الون فضي مسيوم 25000

ما شاء الله .. تمام الله يعطيك من خيره ويكفيك شره

بلف الحرارة .. ميزته أنه يوزع الحرارة على المكينة بالكامل .. وهذا الشي يجنبها اضرار كثيره ( تمدد البساتم وتقلصها ـ تشقق جدران السلندر بسبب تفاوت درجه الحرارة بين مقدمه المكينة ومؤخرتها ).. وبما أن الشمال ما شاء الله بارد في أغلب السنة فالأفضل ما تشيله .. لكن لو كنت من سكان الرياض لنصحتك بعكس ذلك .. وبما أن الحرارة توصل على الثلث بعز الظهر يعتبر هذا شي طبيعي جدا وإن شاء الله كلها شهر ونص ويروح الصيف ويجي الشتاء ويعيش الكابرس كنق السيارات كلها .

أتمنى لك التوفيق والسعادة والبركه في الرزق

تحياتي لك

الكنق ،، الحمدلله الله يبشركـ بالخير ،،

وشكراً على نقلك بكل اللي صار معكـ عشان يستفيدون غيرنا ،،


تقبل مروري ،،

أخوكــ

يا رجال والله ما فيه احلى من تيوتا انا مثلك معاي امريكي كابرس

ناوي عليع ع نيه بقطه با الاحراج

وعيني على تيوتا

اول شئ اشكر من كل قلبي كل من رد وتعب علي بكتابه حرف وآحد عشآن مشكله حرآره موتري


آبشركمَ ياجماعه الكآبرسَ طلعَ زيَ العسل معآي تصدقونَ قمت احضنه كل صبحيهَ عقب مآحليتَ بلآ الحرآره عسى مآحرآرهَ


ورآح اقولكم وش اللي سويته بالتفصيل الممل


تذكرت واحد مكيآنيكي مضبوط وشغله دلع رحت لمه قلت اسمع ياطويل السالفه كذا وكذا وهذا الموتر عندك وشف علته وين ..


قال : وقف السياره عشاان تبرد ولآجاء الليل فحصنااه لك على خير ومن باكر تجيني تلاقي موترك جاهز ، قلت : حبيبي هالخشم تم ياذيبان


المهم جيته من باكر بعز الظهريه قال اركب معي خلن اوريك الفرق اللحين قلت طيب ها ركبناا ومادريت الا كبس بنص البنزين كله وصفق طبلون الكابرس كله مسافه تقريبا 10 كيلو الا ثبتت على الثلث قآل خلآص اللحينَ تشوف الحرآره على الثلث ثابته ان زادت تعآل كلمنيَ وابششرَ بآللي يغير لك اديتر على حسابيَ ان صآرت فيهآ شئ



قلت وش البلآ طلع ، قال : عندك ثلآث حاجات .

1 / الشفرات الداخليه تبع طرمبه الماء منعدمه وغيرتهاا لك

2 / ركبت لك بلف حراره عشان يوزع الحراره على المكينه بالشكل الصحيح عند دعس بنص البنزين ، عشآن المكينه تآخذ الحرآره وتوصلهآ بالشكل المطلوب

3 / وزنت لك الديلكو على الكمبيوتر


قلت وبس .. ؟؟ قال هذي علتهاا وصلحتهاا لك وعطيته حسابه 150 ريال


واللحين امسك عليه خط رحت عليه بعز الظهر امشي 140 / 160 والحرآره ترتفع توصل الثلث وتثبت ماتزود الا شئ بسيط وبحالاات نادره بعد مالااحضه الا مره بس



وهذي مشكله الحرآره حليناها على خير ، ونصيحه لكل وااحد تصير له مشكله بموتره لآ تهور وتوقف موترك عند محل ماتعرف شغله فر بالصناعيه ان شاء الله اسبوع لين تلقى لك ورشه محترمه يزين لك اللي تبي وتضمنه وقبل ماتوقفه تقوله على الشرط ماعطيك ريال الاا صالح الموتر وزاين بلآه



وتقبلو وافر تحياتي وامنياتي للجميع

علبة الدركسون و مروحة التبريد والاذرعة الداخلية والخارجية

يا اخوي طلع بلف الحرارة وارتاح

الكـنق ،، من خلال قراءتي لموضوعكـ ،، لمست إنكـ ودكـ تبدأ بأقل الحلول ،،

فيه حل وإن شاء الله يكون مـنه العله ،،

إنت تقريباً غيرتـ كل شي ،، باقي حاجتين برأي

1 ـ إنكـ تغير حساس الحرارة أو أمبير الحرارة << تصدق أحيان يطلع العله مـنه ،، أذكر مرهـ وآحـد قاعد اسولف معه نفس حالتكـ وتعذب مع الحرارة يقول بالأخير قالي واحد من المهندسين غير حساس الحرارة أو إمبير الحرارة ،، يقول غيرت القطعة ورآحت الحرارة وطلعت المشكله من هالشي ،، لأنه عطلان وما يعطيكـ الحرارة الحقيقه ،،

2 ـ أعتقد والله أعلم إنـه يكون مثل ما ذكروا الأخوان يمكن يكون من المراوح ما تؤدي عملها الصحيح أو مثل ما ذكر أخونا كابريس إحتمال من البكرات ما تدور مضبوط ،،

فإنت يالكنق لا تطلع من هالثلاث وإن شاء الله موضوعكـ ينحل وبسيط ،،


وعطـنا وش يطلع معكـ عشان نستفيد ويستفيدون غيرنا ،،

دمت بود ،،

أخوكــ ،،

كابرس 1994
جندي اول



اشكركمَ من كل قلبي على الآفادهَ رآح نعالج المشكله واول مانحلهآ رآح اقولكمَ وش عله الحرآره عنديَ

اخوي مدري
بس انا قد صارت مشكلة مع الحرارة والمشكلة ان احد بكرات المكينة ما تدور مظبوط

هلابك اخوي وياهلا بااهل الشمال والله انهم غالين علينا من كلامك ع الرد ان الطرمبه عندك ان شاء الله والخراطيش والرووس والكلتش تبع المروحه كلها تمام بس انت عندك مشكله وحده اذا تبي ترتاح روح لأقرب محل تسييخ واسأله عن الرديتر هل هو سعودي او اردني ولا الشد البلد حقه عشان اقنعك اكثر كان جار لنا معاه جمس يعاني من الحراره بدل الرديتر ركب اصلي جديد خذاه 1250 ريال والله انه راح عليه من الرياض ل قطر مع المكيف والممشى فوق ال 160 يقول والله انها ماتعدت الربع ماشاء الله وهذا الاصل انها ماتوصل الثلث الا بالظهر مع المكيف لان المشكله عندك من نفس الرديتر حتى لو سيخته 100 مره مافي فايد الحرارة هيه هيه هذا بالرديتر السعودي والاردني اذا توصل للثلث في 30 كم 100% الرديتر مو اصلي يااخوي رغم الجو بالشمال بارد المفروض ماتتعدى الربع مابالك بالرياض لان واحد من العيال معاه 88 وتوصل النص راح للتشاليح وطق له رديتر شد بلد ب350 ريال وسيخه ب 70 وماء 35ريال والحين وهو يمشي به 160الظهر مسافر عليه بالمكيف يقول توصل الثلث اذا مشيت اكثر من 100 كم وتثبث عليها واسف ع الاطاله ياخوووووووووووووووي وبالتوفيق للجميع......

هلابك اخوي اهم شي تكون رووس المكينه تمام ثاني حاجه اذا الرديتر سعودي اوردني اربع رصات مافيه فايده ابد لاتتعب نفسك الحراره فيك فيك وفوق هذا المبرد حقه يعطب القير عليك مايبرد صح اول شي تبداء فيه شوف كلتش المروحه حرك المروحه والسيارة طافيه اذا كان خفيف فهو خربان واذا كان ثقيل فهو تمام واحيان تحركه وتحصله ثقيل بس يكون ضعيف لازم تبدله ثاني شي اهم شي الخراطيش تكون تمام ثالث شي طرمبه الماء كيف تعرف انها تمام خل اي احد يدعس وانت امسك الخرطوش اذا حسيت انه يتحجر زياده مع الدعس الطرمبه تمام اذا الحرارة ترتفع مع المشاوير وتوصل النص بأقل من 30 كم ع ممشى 130وفيها عندك الرديتر تعبان شوف لك رديتر اصلي من التشاليح او رديتر نحاس امريكي 3 رصات وسييخه وحط ماء بترومين اخضر او ماء مرسيدس وانحش عن الباقي واذا فيه بلف شيله واذا بتقدر تركب مروحه ستيك بدي جمس افضل لانها تجي 7 ريش يصير دفع الهواء اكثر بينما الكابرس والجموس العاديه 5 ريش مراوحها وعادة الكابرس حرارته ماتوصل توقف فوق الثلث بشي بسيط ع الطريق بعز الظهر الا اذا كان قيره 3 تعشيقات غير الشد البلد حقه توصل النص وبالتوفيق للجميع.........

كل شئ سويته مثل شنو ؟