الفورتشنر 6 سلندر

مرسيدس مراتبها قاسية واسأل مجرب...خصوصا من بعد موديلات 96 في الشبح وحتى الموديلات الجديدة

توقعت ممكن يكون مماطله سواء من المعرض ولا الوكيل

وماقلت هالكلام

الا خبرك القصيم والهليات عندنا :bigggrin: فـ اغلب اللي اعرفهم معهم هليات

يطلعونها بـ بالكثير بـ اسبوع .. مع ان الطلب عليها كثير جدا جدا جدا بشكل ماتتصوره

والدليل ادخل بريده بـ كل اشاره تلقى لازم اقل شي 2 هلي و 1 ربع :smilie16:





:blue:

لا ياخي لاتفهم غلط , ولا اتهم ولا شي

فقط استغربت , واستغرب من ردودك بعض الاحيان

ومن كلامه عشان تفهمني قال , انا اعرف هذا واعرف وواحد معه هالجيب وقريب لي معهم هالجيب

جيت انت وقلت كلامك في محله , ولا اشوفه قال شي يستحق عشان تقول كلامه في محله وخبرك

هون استغربت فقط ! قلت شكلك تعرفه بس

واهم شي لاتزعل علينا .. والنقاش لازم خلاف ولايفسد في الود قضيه ولا توصلها للامور هيك عاد انت :xyxwave:





عاد الالماني احسها قويه والله , والقرد بعين امه غزال مع احترامي :smilie16:

بس كل شي جايز ولا اقدر افتي ماتسد جربت هالمرسيدس اللي تقول

وبجد انتشاره قليل جدا عندنا .. اول ماطلع كان لابآس فيه انتشاره بس حاليآ قل واجد ..

وممكن سبب انتشاره بالجنوب والمناطق الجبيله لـ عمليته الاكثر هناك

وتصدق نسيتها .. شكل فيك عرق قصمان :bigggrin: وتم التعديل

وموتري الخاص سوبربان .. مقاس 2500 موديل 2006 ( ماوصل 40 الف )

[COLOR=black]وكان معي 2005 مقاس 1500 بس حاليا موقف وكان للعائله ولي قليلا قبل شراء 2500 :rolleyes1:[/COLOR]

وتم توقيفه لـ سبب شراء يوكن اكس ال 2009 فل كامل وكسر سوقه ومـ احتاجه حاليا :bigggrin:

اوامر ثانيه :a1120(86):

أخوي أنا ودي أعرف وش سيارتك. ليش كاتب خاص؟

أنا ما عرفت قيمة راحة مقعد سيارتي إلا لما سقت مرسيدس ML320 موديل 2002، إللي هي معي الآن منذ أسبوع، وظهري تكسر منها، المقعد مسطح وقاسي وليس في دعم في الجوانب.

الفورتشنر من أكثر السيارات إنتشاراً ولا أحد يستطيع إنكار هذا الشيء. إذا غير منتشر في القصيم فهو منتشر في كل المناطق الأخرى. وخصوصاً المناطق الجنوبية الجبلية وجدت لها إنتشار عجيب.



واضح سعة إطلاعك في السيارات ما شاء الله عليك.

لكن يعيبها صوت الهواء اثناء السرعة وهذه ذكر البعض ان حلها تضبيط الربلات للأبواب
واتوقع كثير من السيارات فيها نفس الوضع ،لكني لا اراه عيباً..
والله اعلم

ويكفي انتشارها دليل جودتها

أنا راح أشرح لك :

لما تروح تشتري سيارة معينة , ويقولك راعي المعرض :

نفس السيارة اللي أنت تبغاها , أنتهت , لأن عليها طلب كثير..

أنتظر : 15 يوم إلى أن تجي سيارتك , من الدفعة الثانية ..

مع العلم : أن في الوكالة : الإنتظار أكثر ..

هذا وش يدل عليه ؟؟



لما يكون راييء مماثل لـ رأي شخص آخر ..

هذا يعني أني أعرفه ؟؟

الله يهديك بس ..

وعموماً : أنا أنسحب من النقاش معك , دامك بديت بـ الإتهامات هذي اللي لا تمت للموضوع بـ صلة , وحتى ما يخرج الموضوع عن غرضه الأساسي ..

تحياتي للجميع ~ :xyxwave:

خذ لك هايلوكس نفس الشكل و المواصفات و أرخص بالسعر

شكرا

والحمد لله اعرف اقرآ

ع العموم شكله تعرفه ,

وبالنسبه للانتشار , عندنا ببريده ماتلقى كثير عشان هيك قلت هالكلام

فلذلك لاتقول كلامك غير صحيح بلا سبب الناس مهو مثلك للعلم

في شي اسمه اخالفك بـ الكلام :smile:

بس سالفه جلست 15 يوم , على ماظن كثير جدا صارت معهم سواء بهالجيب ولاسياره غيرها وفيه ناس جلست 4 شهور !

ماظن يكون هذا سبب لان عليه طلب كثير

مجرد توقع :wavey:

تويوتا الافضل رغم المشاكل التي تمر بها الشركة

انصحك به

تحياتي اليك

ما تعرف تقرأ أنت ؟؟

هذا هو المقصود :







معليش اخوي ..

لكن كلامك غير صحيح ..

الفورتشنر سيارة منتشرة كثير جداً و وعليها طلب ..

حتى وقت ما أشتريت سيارتي , قعدت تقريباً 15 يوم لين وصلت السيارة , بسبب كثرة الطلب عليها ..

أما في الشوارع : فـ منتشر وبكثرة : سواء مع العائلات أو الأفراد و غيرهم ..

تحياتي ~ :xyxwave:





عفواً أخوي سعيد ..

على أي أساس تقول : ما يمشي نهائياً ؟؟ :confused1:

أنا معاي : فورتشنر 4 سلندر توماتيك ..

وإستخدامي : له للعائلة وللأغراض وغيرها ..

وما شاء الله عزمه جداً ممتاز سواء على الخط أو المرتفعات وغيرها ..

أنت ممكن لو جربته : تغير نظرتك له ..

لكن : إذا قلت : الـ 6 سلندر أفضل عزم في المناطق الوعرة وإلى ذلك , هذه أنا معك :smile: ..

أفضل من قولك : ما يمشي نهائياً ..

تحياتي لك ~ :xyxwave:

كلامه في محله

من ناحيه ايش لو سمحت ؟



وياصاحب الموضوع

يكفي انه هالموتر مانتشر كثير

وراح يفيدك بشي , ويتعبك بآشياء

وقالوا لي اصحابه , مريح بالخط لكنه متعب جدا .. وتلاحظ هالشي لانزلت من السياره وانت منهك وبحاجه للراحه

ونصيحه : تشوف الاكسبلور

مواصفات وفخامه وراحه

وفورد معروف بوكيله سمعه رائعه

وقطع غيار لابآس بها وكذلك عملي وبسعر رائع



:c0038:

فيه اشياء كثيره جدا جدا :rolleyes1:

ماتدري وش يحصلك بالخط من عواقب و و و الخ

والكثير جدا

الا موترك قير عادي ولا اتو ؟



ع حسب الشخص يابعدي

حسيتك كبير بالسن مع احترامي :bigggrin:

أخي يا ليت تتأكد من معلوماتك قبل ما تذم أي سيارة.

الفورتشنر 4 سلندر قير أوتوماتيك نسب دفرنساته 4.5:1 من المصنع مباشرة. صحيح القير أربع سرعات، لكن بهذه النسبة السيارة فيها نسبة جر عالية تعطيها فزة رائعة. قليل جداً من السيارات يكون فيها نسبة تصل إلى 4:1 في الدفرنسات، أغلب السيارات تكون في حدود 3 إلى 3.5:1.

لكن الصحيح أن القير الأوتوماتيك في الأربع سلندر ما يعطيك سرعات عالية، الحد الأقصى للسرعة 160 كلم/س فقط، لكنها أكثر من كافية على سيارة من هذه الفئة وبهذا الإرتفاع.

أما قولك أنه يقارن بالهايلكس من الداخل والخارج، فكثير من السيارات بهذه الطريقة والفورتشنر ليست أول من فعل ذلك. الباث فايندر نسخة طبق الأصل من النفارا تايلندي الصنع، خارجياً وداخلياً، ومع ذلك ماحد قال عليه شيء. وغيرها كثير من السيارات بهذه الطريقة. أما شغلة عدم وجود نظام الثبات والتراكشن، فصحيح أن هذا عيب في السيارة، لكن هذا العيب موجود أيضاً في الباث فايندر إللي سعره يصل إلى 140 ألف ريال، وليس 110 ألف ريال.

أما إقتراحك بالسورنتو الجديد بدلاً منه، فهو إقتراح مناسب، لو كان الواحد ما يبغى سيارة تمشي في البر. لأن السورنتو الجديد مبني على قاعدة الهيونداي سانتا في، وهتين السيارتين تعتبران سيارات كروس أوفر ليس بها قدرات في المناطق الوعرة، محركها وضعه عرضي وليس طولي، وليس به دبل ثقيل. السورنتو الجديد لم يعد مثل القديم، ولم يعد يشترك مع القديم في أي شيء إطلاقاً.

أما كلامك عنه في الخطوط، فقد قلت رأيي عنه في الخطوط في ردي السابق.

وبعدين السيارة تايلندية وليست أسترالية.

أتعجب من إللي يقول فيه أصوات؛ الحمد لله 200 ألف كيلو ولا أصوات ولا شيء. يمكن هذا الفرق بين التايلندي والأندنوسي، إللي معي تايلندي 2006.

كذلك في الخطوط ما يقل بأي حال من الأحوال عن السيارات الأخرى في الراحة، مريح جداً وأعتبر مقاعدة أكثر من رائعة، تدعم الظهر وتساعده على الانتصاب بشكل صحي طوال الطريق. وفي الخطوط ضغط المكينة على 2000 عند سرعة 120 كلم/س، قليل من السيارات من هذه الفئة يكون ضغطها 2000 على 120 كلم/س، وعند هذا الدوران المكينة تكون هادئة جداً ولا تحس في الخط. عندي الفورتشنر مريح جداً في الخطوط.

لكن صحيح أن العزل الصوتي فيه ضعيف جداً، صوت المكينة ينسمع بشكل واضع جداً من داخل السيارة عند الدعسة.

كذلك صحيح أنها تنقص في الرساوة مقارنة بباقي السيارات من نفس الفئة، لكن ما أدري وش دخل الرساوة في الخطوط! الرساوة تكون في المنعطفات، أما الخط، ما شي سيدة خط مستقيم وش دخل الرساوة فيها.

للأسف أكثر من يحكم على السيارة يحكم عليها من غير ما يجربها، بل مجرد تناقل الكلام والقيل والقال.

4 سلندر وقير اوتوماتيك ما يشمي نهائيا

6 سلندر مكينته ممتازة وقويه بالبر

وجودته ممتازة

وبصراحه يتقارن بالهايلوكس من جميع النواحي بأستثناء مكينة 4.0

يعني فيه تشابه واضح بين الهايلكس والفورتشنر بالداخليه

لاكن بالراحه اكيد الجيب اريح

السلبيات :

بالخط لا توجد اي راحه تذكر

تمل منه بسرعه لقلة المواصفات فيه والداخليه جدا متواضعه

مرتفع بزيادة

تصميمه الخارجي اقرب للهايلكس

عدم توفره بنظام الثابت الالكتروني حتى بفئة الفل كامل

استرالي الصنع يعني مو ياباني المنشأ


نصيحه لك ترى قيمته فل كامل حدود 110 الف

فيه غيره جيوب كثيرة بالقيمه الي معك بس فرق كبير بالمواصفات

شوف الكيا سورينتو الجديد وقيمته فل كامل 100 الف

لاكن شوف فرق المواصفات الهائل جدا..

ما بين شاشة + تراكشن كنترول + مكينة 6 سلندر قويه وقير 6 سرعات + اريح بالخط وارسى + بصمة + سقف بانوراما + شكل خارجي وداخلي افخم وغيرها

ايضا لاتنسى السورينتو يتوفر به 8 ايرباق للفل كامل اما الفورتشنر 2 ايرباق فقط

الفورتشنر ممتاز بالبر10 على 10 وداخل المدن 8 من 10اما في الخطوط راح يتعبك 5 من 10لأن الراساوه مهب ذاك الزود لكن عندك فورد الاكسبلور إذا كانت رجلك بارده منافس جيد للفورتشنر من حيث الراحة والرساوة والفخامة

^

كلامك في محله ..

ـــــــــــــــــــــــــــــــــــــــ

أخوي أنا معاي فورتشنر دبل توماتيك , لكن 4 سلندر ..

الحمد لله الموتر توفقت فيه ..

وماشي عليه لحد الآن 15 ألف كم , ولا فيه أصوات ولا غيره ..

سلبياته :

للأربع سلندر : صوت المكينة مرتفع قليلاً , عند الدعس فقط ..

الـ 6 سلندر : ما قد جربته ..

أنصحك تجربه , وتستخير , والله يكتب لك اللي فيه الخير ~ :xyxwave:

اخوي السيارة ممتازة وانا معي 4 اشخاص يملكونهااا,..
عمي 2 ثنتين وانا وحدة واحد اعرفة وحدة والسيارة توب التوب..
واذا كنت تبي تجرب وتركب معي لا تخجل وقلي...

صراااحه السياره الوحيده الي ماجربتها لحد الان لكن على حسب ماسمعت من مالكي هاذه السياره يقولون للسفر الراحه 70% جيده والبر ماعليه كلام لـ 6 سلندر فقط والدوام راحت تتعبك السياره في الاصوات الي تطلع لك من اركان السياره بعد المشااوير الكثيرره

بس جيده من ناحيه المكينه والقير ..هاذا على حسب كلام مجربينها ..
والله اعلم........