لمجربي التشارجر2010

كوكو واليخاندروا شكرا لكم على ردودكم

والله يجزاكم خير

اما لون ازرق لاااااااااااااااااا مستحيييييييييييل اكره شي عندي اللون الازرق

انا انشالله باخذ المعدني

توكل على الله وخذ تشارجر وان شاءالله ماراح تندم ووفر 30 الف .

ان معي وحده ماشاء الله روعه من كل النواحي.
وانا انصحك باللون الازرق او الاسود او المعدني.

موتر جبار وقوي ورااائع انا كنت مثلك واستخرت ولكن الحمدلله اللحين ماشيه معي مثل اللوز ولله الحمد

بس عندي ملاحظة بسيطه

ليش اكثر الناس تسب داخليتها يعني بالله شوفتو كورفت مخشب

ولا موستنق مخشب ولا همر اصلا مخشب سلامات سيااراات رياضيه ومتوحشه تجي تخشيب

حلاتها بالداخليه الرياضيه تحسسك راكب موووتر

ملك الرمل

يعطيك الف عافيه والله يجزاك خير يارب
وانا الحمدلله استخرت واحس اني ارتحت للسياره وربي ييسر الامور ان شالله

ومن ناحية مواقف الله يستر من جد معاناة بس ان شالله بنتعود:) والصيانه اسمع كثيرين يمدحون قسم الصيانه عندنا بالشرقيه الحمدلله

بعطيك تجربتي للتشارجر فول أوبشن 2008 ..

المميزات :

1. مطب مريح جداً + مراتب مريحه .

2. أعطال ومشاكل مصنعية لم تواجهني .

3. ديكور داخلي (كلاسيكي) وجميل في الفول أوبشن .

4. مكينة نشيطه وفي الخط متوحشه + أنوار قوية تكشف الخط.

5. وسع داخلي + شنطه كبيره تحط أغراض العائلة كلها .

6. التصميم الخارجي ملفت ويعجب الكثير .. والأهم أن تعجب فيه أنت .

العيوب :

1 . قسم الصيانة والأستقبال في الشركة متخلف (الرياض) .

2. العزل في السرعات العالية غير مقبول ( لي أنـا ) .

3 . السيارة طويله .. وفي المواقف تعاني منها شوي .. وواجهتها بلحالها يبيلها موقف خاص .

4 . النظام الصوتي لـ(الفول أوبشن) أقل من المستوى المطلوب .. التاهو الي معاي افضل منه .



والماكسيما لم أجربها .. ولكنها بالتأكيد هي فئة مختلفه عن التشارجر .. وآدائها رياضي متقدم .

والتشارجر سيارة لن تندم بشرائها لأنها بإختصار (حلوه) .. مقارنة بالسعر .. تحياتي .

الله يجزاكم خير جميعا

وانا اكييد راح استخير

لكن ماخاب من استشار ومانستغني عن تجاربكم وارائكم
والى الان اشوف اكثر من واحد نصحني فيها من ناحية الكرف وشكلها يعتبر نوعا ما رزه من الخارج لكن الداخليه لكم عليها شوي وهي اللي مرددني :(

ليش ما تروح الوكالة و تجربها
و المكسيما مرا تمام بس عيبها قطع غيار النيسان غالية
ليش ما تفكر في الاوريون اوالافالون او السوناتا شكلها الجديد حلو
و قبل ما تاخذ اي شي استخير

وفقك الله ......................

تشارجر بالراحهــ

سيارة لها هيبة بالشارع !!

انا انصحك فيها
التشارجر حقت كرف
وذا تبي سياره
احسن منها الكرايسلر 300C
الحين مسوين عليها عرض 8V 5.7L
من احسن ما يكون وترا التشارجر والكرايسلر نفس الشي
وانا انصحك فيهم ثنتينهم
وذا عن الون انا انصحك بالاسود و تظلل اسود
تطلع رووووووووووعه
:xyxthumbs:

شف أخي

شف أخي --- أنا ماراح أقولك خذها أو لا تاخذها

سيارتي توها ماشية تقريبا 2300 كيلو

وللحين لا مشاكل تذكر بس -

1:- عزل الهوا لك عليه على السرعات العالية

2:- الدرج ومكان الأقدام مافيه لمبات

3:- قبل يومين سمعت صوت مثل التصفير على سرعة عالية وللحين ما رجع {أظن ليه علاقة بعزل الهوا لأنه كأنه الصوت كان القزاز أو فوق من الفتحة}

4:- داخليتها تقدر تشوفها واحكم عليها بنفسك

5:- اللون ما أشوفه تفرق في الحرارة --- السيارات البيضاء والسوداء تذبح لما توقفها في الشمس على حد سواء

6:- نظام الخرايط أحسه قديم لأنه في أشياء كثيرة أماكنها فراغ {لو صور قوقل إيرث أصرف} وتحديثه لازم عن طريق الوكالة

هذا ملخص تجربتي لها للحين

وأنا ما أقدر أحكم عليها بالنظر لأنه توني ماشي ألفين

لو جا على بالي شي لاحظته بعطيك خبر

تحياتي

sh4dei

السيارة ممتازة عيبها في الوكيل رحت شفت صيانته يالدوب تشيل 10 سيارات (أتكلم عن مدينتي ) وفي ميزة لها نادرة في الوقت الحالي إنها دفع خلفي
شوف التورس يمكن تعجبك نفس السعر وأقل كمان إلا إذا كنت تفضل الدفع الخلفي

مشكووورين اخواني ع الردود والله يجزاكم خيير ونستنى ردود وتجارب اكثر من الاخوان الباقيين ان شالله مابيقصرون:)

وانا باخذ ال6 سلند اما 8 ماتوقع بعدين جايك ساهر ماراح تستفيد من ال8:(

والداخليه وش رايكم ماتحسون انها اقل من العاديه

اخوي يحيى الله يجزاك خير ع النصيحه

شف اخوي التشارجر مع ولد عمتي مشاء الله هي اقل نوع لكن والله روعة دام انك راعي كرف خذ التشارجر
من ناحية اولى والله اعلم الان تشوفها بتنتشر في امريكا بشكل خيالي خصوصا في الشرطة

والشي الثاني شكلها حلو المكسيما روووعة وجبارة ودلع وكل شي لكن باقولك شي اذا انت تبي 30 الف بجيبك خلها اصرف من انك تحطها بفارق بسيط

وال30 الي في جيبك حط على البودي التجليد والله انا شفتها اوكي وضمان خمس سنوات على انه ما ينفك

واهم شي في الموضوع من ناحية السيارة زيت الجير بوكس والمكينة والدفرنس شيك علها في اي شيارة عندك صدقني ان راح تعيش دامها انك انت اللي تسوقها ودي

:a1120(121):

السياراه رهيبه وانصحك ب الفل 6 سلندر تحصله ب 100 الف كاش
اما اذا الله انعم عليك خذ 8 سلندر بس قطعها لك عليها شوي يعني سعره مو غالي مره بس غالي:smilie16: