أنقل لكم تجربتي وأتمنى أن تفيد أعضاء المنتدى الكرام
صادف أن خربت علي البطارية ( حجم 50 ) وسيارتي نيسان صني 2007
وذهب لمحل قريب من البيت حتى أركب جديدة المهم قالي اليماني بطارية بقوة 50 غير موجوة
ركب 55 أفضل لك وأقوى وما راح تفرق عن بطارية السيارة الخربانه
بعد ما ركبتها بفترة لا حظت ضغط السيارة يضعف بشكل غريب حتى إني اخاف من السيارة
تطفي لما ارفع رجلي عن البنزين وفترة يرتفع وينزل بلحظات
رحت بالسيارة لأكثر من ورشه واللي يقول بخاخات واللي يقول حساسات
وأنا بين نفسي أقول اصبر شوي يمكن يبي لها مسة خط وتضبط
ما لكم بالطويله ونا جالس أفكر بالمشكلة قلت ليش ما أجرب أشيل اصبع البطارية الموجب
وأسوق السيارة يمكن تكون من البطارية الجديدة لأن المشكلة ما ظهرت إلا بعد تغيير البطارية
سويت هالحركة ورجع الضغط طبيعي وشريت بطرية نفس اللي كانت خربانة بقوة 50 وركبتها
واختفت مشكلة ضعف ضغط المكينة وتغيره بشكل غريب شوي يرتفع وشوي ينزل
فالحذر يا اخوان من تغيير البطارية بواحدة مختلفة عن الوكالة لأنها قد تسبب مشاكل كثيرة
وربما يكون لها تبعات كثيرة ولو صادف أن صدقت أصحاب الورش كان لعبو بسيارتي
واستنزفوا مالي رغم إن المشكلة حدثت من شيء غير متوقع بالمره
ولم يكتشفه أحد من أصحاب الورش
