اخاف من الطرق السريعه قلولي وش الحل ؟؟!!

أنا أختبرت الصيفية الي راحت

السيارة كانت قير عادي وجبت العيد طبعاً

قالي العسكري منت طالع من هنا الا ومعك رخصة ان شاء الله وفي أسوأ الظروف بيكون فيها قيد يعني تكون أوتوماتيك فقط

الحمد لله مشيت بالسيارة بعد تشغيلها ( طفت علي كذا مرة طبعاً ) وهي اصعب خطوة في العادي تحريك السيارة أول مرة بعد التشغيل

ومن هنا وهناك قعدت أقنع العسكري يخلي الرخصة بدون قيود مالها داعي وفي الأخير قالي أبشر وأخذت ولله الحمد رخصة بدون أي قيود.

لا يا خوي أنا يوم اختبرت أصلاً ما أعرف شي بالعادي و تعلمت العادي بعد 6 شهور تقريبًا

لالا مولازم يختبر عاايدي في سيارات تماتيك في الميدان الي عندهم انا شخصيا رحت واخذت رخصه من عندهم وكان من نفس المجموعه الي انا فيها 3 اشخاص مايسوقون الى تماتيك واختبروهم تماتيك ........

بس على ما اعتقد يا خوي ان لازم الي بياخذ رخصه يكون يعرف العايدي !!!

طيب أخوي الرخصة روح اختبر بالأتوماتيك " اختبر بسيارتك "

يعطيكم العافيه على المرور

اما بالنسبه لرخصه للاسف ما اعرف عايدي

وبصراحه الى الان ان متردد اروح واتهور ولا اصبر

شف بالطرق السريعة بالرياض فيه حاجه مهمة لازم تاخذها بالحسبان

وهي إنك تحاول تشوف السيارات اللي قداااااام ( يعني السيارات البعيده )
والسبب غنه ممكن الطريق يوقف فجئة قدامك ولا راح يمديك تدق فرامل إلا إذا كنت حاسب حسابك من بدري
ويعد فيه حركة يستخدمونها الألمان وهي إنك تخلي بينك وبين السيارة اللي أمامك مسافة ثلاثة اعداد ( يعني مثلاً تلاحظ السيارة اللي أمامك عند مكان معين وتعد للثلاثة بتصير تعطيك مسافة مقبولة ) فايدتها إنك تقدر تحسب حساب أي طاريء يصير قدامك

وبالتوفيق , وبعدين يستحسن تصدر لك رخصة عشان يخف إرتباكك من ناحية المرور

وعليكم السلام ورحمة الله وبركاته

الشغلة اخوي يبيلها تدريج لا تشطح الحين وتخش الدائري على طول ولا تقعد بعيد عنه على طول

اخوك في الله, نفس وضعك مالي 6 شهور اسوق سيارة مع انه المفروض لي سنتين على الأقل

يعني تخيل كنت والله ما اعرف اطلع السيارة من الحوش, كان اكثر شي اكرهه وأخاف منه بالحياة اسمه سواقة, والحين شف كيف صايرة كل سواليفي سيارات وصاير افر عالوكالات كل كم يوم

الحمد لله مع الوقت والتعود وصرت اخذ اهلي معي في اول كم مشوار عشان يونسوني

ولا تنسى تشغل القرآن أهم شيء وتوكل على الله

صدقني وضعك طبيعي جداً يبيله تعود فقط

انت بس اذا نزلت الدائري امسك المسار اليسار وبتشوف كيف الوضع.

سلااام
مالك الا انك تتهور وتمسك الخط لحالك عشان لا احد يربشك وكلنا كنا كذا واردى بس اهم شي لا ترتبك
ومن ناحية الفرمله خل مسافة بينك وبين اللي قداامك وما عليك من اللي يلحم >> ووين في الشفا انت لا تكووون جارنا :bigggrin:

يعطيكم الف الف عافيه على مروركم وتفاعلكم معاي

ويجزاكم الف خير

وانشالله راح اتعلم في الفجريه

لكن المشكله اني مصر على ان اخوي الكبير يروح معاي ولكن للاسف كل ما قلت ميده اخوي رح معاي يقول انا ماني فاضي ولا مشغول ووو

وبصراحه ما املك الجرأه اروح بالحالي وانا توني اسوق في طرق سريعه

فما ادري وش السوات

شي عااااااااااااااااااااااادي بس انت راعي الأكورد موديل 2000 اللي بطريق الملك فهد قاعد ترجع ريوس وانا اعميتك بالعالي تكبيس >>مسوي يعرفه :bigggrin:
وانا ترى ما معي رخصة وصرت اغلط على الناس وهيط اللين ما صرت زبون عند الشرطة >>ما كسبت الدوله الا من مخالفاته:smilie16:

شي طبيعي ان الواحد يخاف ويرتبك اذا ساق السيارة اول مرة
الانسان لازم يتعلم كل شي في الحياة

انا اقلك اركب السيارة وسم بالله وشغل وتوكل على الله وإن شاء الله بكرة تصير سواق بس خل عنك السرعة ولا تسمع كلام مراهقين

والله ما امزح >> انا اول سواقه لي اخوي راح لما السوق < وكان عيد ونزل وقالي يله سووق .. يبيني اتعلم غصب وتعلمت الححمد لله

انا مثلك قبل
شف هالحين وقت اجازة .. الفجر او اخر الليل امسك الطرق السريعة تلقاها فاااضية يمديك تتعلم وتتعود عليهااا

آإخوي آنـآ كنت مثلك بالظبط وآلحمد لله صآر لي سنه من سقتُ وآلحمد للهُ على كل حـآل
آإهم شي في آلدآيري لآتنآظر كل شوي في آلمرآيآتُ لأنهآ بتخليك ترتبك لآشفت آحد منشب صدآمه بصدآمه ويكبس لكُ خلك آيزيُ وعطه غمزتين ههههههه
وفي حآلتك هذي آنصحك تطلع يوم مع آمك وتمسك دآيري معهُآ وخلك مآسك آلنص وآلآ آليمينُ وخلكك هآدي جدآ ولآترتبك ولآجيت تهدي فجأه آضغط هذيك حقت آحذر ومآدري آيش آلي علآمتهآ مثلث آحمر هههههه وآلي ورآك بيفهمهآ على طول وبيهدي
آلله يووفقك

الطيب الصبح اوقات دوام على ما اعتقد ؟؟

زحمه جدا

الصباح زين

وبعدين اخرج خارج المدينه
في المخططات الفاضيه
وسوق واتخيل انه امامك سياره وحاول تمسك فرامل
بتتدريج

مسأله وقت بس (6 اشهر تقريبا)
وتصير السواقه تافهه لك

مثل ما قلت لكـ أطلع الصبآح وحآول تسوق لحآلك وحاول تتغلب على خوفكـ في المنعطفات وغيرها < الصبآح ما رآح يكون زحمة بالوقت هذا ~

وحآول تسوق الليل لكن لا تتعمق في الطرق السريعة < لانه يخوف :bigggrin: