إستدعاء نيسان باترول 2010 في الآمارات

اخوي وضح النقاء ..
التسرع اللي اتكلم عنه انك دخلت خط قوي عالحمراني وليش انه مااستدعى السيارة ..
مو يا عزيزي يمكنه راح يستدعي قريب .. فلا يعقل اننا نصدر الحكم على الحمراني او غيره بهالسرعة ..
غير انه بالنهاية الحمراني مجرد وكيل و الاستدعاء يجي من الشركة الام مو الوكيل .. الوكيل ماراح يستدعي السيارات ويصلحها على حسابه ..

اما استدعاء لكزس .. فانا مصدقك وما يحتاج تجيب لي ادلة ولا روابط .. انت واحد من افضل الاعضاء في هذا المنتدى .. وانا عمدا ما اقتبست الا ردك لاني اعرف انك شخص فاهم ومنطقي .. ولا يهونون بقية الشباب ..
بس لكزس وتويوتا استدعت كثير سيارات بالسعودية فما كان اختيار عبداللطيف جميل موفق لانه هو الافضل من هالناحية ..




فعلا اخوي نيساني الاستدعاء امر طبيعي ..
وكل شركة عدد استدعائاتها يكون بعدد السيارات اللي تبيعها وعدد الموديلات اللي تصنعها ..

اما ليش الشباب زعلانين على استدعاء الباترول .. لاننا صراحة ما تعودنا عليه مثل هذا الشي .. يعني لو سيارة من سيارات نيسان الكورية ولا الامريكية كان الامر طبيعي ..

وعندك اللاند كروزر محرك الثمانية سلندر 4.7 اكمل دورة حياته كاملة من 98 الى 2010 بدون اي استدعاء رغم انه كان اول محرك ثمانية سلندر للشركة ..[/CENTER]

حقا المشكلة هي السكوت وبعد ما يخافون من العقوبة يستدعون لموديل صار له فترة واحتمال يكون بعض الناس صلح السيارة على حسابه

واللي يقول دافع مدري كم شوف ايهم اغلى باترول ام لكزس

^
^
^
عيوب ؟؟؟ من قال انها عيوب يا ابوي ؟؟

السالفة و ما فيها هو وحدة التحكم بالمحرك فيها عيب تصنيعي و في الدفعات الأولى من الباترول LE فقط ، الباترول SE ما فيه أي مشكلة

الإستدعاء مو عيب ، لكن العيب هو السكوت عن العيب المصنعي لسنوات طويلة ثم الكشف عن سلسلة من الاستدعاءات المتلاحقة لعدد من السيارات

أجل اللاند هو الوحيد اللي ما فيه عيوب هههههههههههههه :D ، و كل سيارات العالم فيها عيوب مصنعية ما عدا اللاند :D

يا شين التعصب الأعمى اللي ماله سنع

والله ياناس ترا الباترول الجديد ليس فقط هالعيب فيه دشوا عدة منتديات وراح تشوفون بعينكم كيف اصحابه يشتكون منه

لاحول ولا قوة الا بالله

سياره موديل السنه وقيمتهاا فوق الـ120 الف

واخرتها تتعطل فيك !!!!

مهما كان

يبقى الباترول واللاند من افضل السيارات بفئتهما

ومايهزهم ريح

ولو كانو الوكلاء حريصين ماكان صار مشكلة تستاهل استدعاء

وماسمعنا شي من ملاكه!!

لا هنتم أخواني على الردود ..





اللكزس راح يستدعوا : في بداية شهر أغسطس 8 ميلادي !!

وتقدر تتصل وتتأكد من الوكيل بـ نفسك !!

وللعلم : الإستدعاء لا يشمل السيارات كلها : بل أرقام شاصية معينة !!

النيسان من حفره لدحديره
ولا فيه حماية مستهلك يا سلاااااام
عز الله زين الواحد ما يجيه ضغط

اخوي عمر

وين التسرع في التعاطي مع الخبر

من ناحية الباترول فاستدعوه في الامارات بسبب انه باعوه فقط في الخليج ولذلك صار الاستدعاء في الامارات

ثم ان الخبر طلع في الجرايد يعني ليس تسرعا مني كما تفضلت

واما لكزس فانا ذكرتها كقرينة لان المشكلة الان عند الحمراني وصارت عند ابو جميل ومع ذلك كل الاثنين لم يستدعوا السيارة

وقد وجدت رابط لارقام سيارات لكزس المستدعاة والتي الى الان لم يستدعى عبدللطيف اي سيارة
هل تريدني ان ازودك به لانفي تهمة التسرع التي ذكرتها في كم موضع ...

انا ناقم على الاثنين وعلى اي وكيل يحفظ مصالحه ويضيع مصالح ملاك السيارة

الله يهديك بس

وعليكم السلام ورحمة الله وبركاته

شي طبيعي الأخطاء المصنعية
لكن الأهم هو الإعلان عنها
فكثير من السيارات فيها مشاكل وتستمر سنوات بدون الإعلان
والأهم أن يقتع البعض أن كل السيارات فيها أخطاء مصنعية
والشركات ذات المصداقية العالية هي التي تعلن عنها
تحياتي

وش حادني ع الباترول وفيه الفكسار عطي الله

لا تتسرعون يا شباب في اصدار الاحكام..!!
الاستدعاء اذا بيجي بيجي من الشركة الام مهوب من الوكيل .. يعني ما يصير يستدعون سيارة بالامارات والوكيل يدفعها من جيبه ..
وبعدين يا اخي الفاضل لكزس تم استدعاء كثير من سياراتها السنة الاخيرة .. ارى انك تسرعت وانتقدت الوكالة الغلط .. لان تويوتا هي تقريبا الوحيدة اللي تمد استدعائاتها عندنا ..

الكلام على الشركات الامريكية .. اللي كل يوم عندها استدعاء في امريكا ولا مرة سمعناهم يستدعون سياراتهم عندنا ..

اخوي
السوق السعودي لاتحكمه القوانين
لانه ليس هناك نظام اصلا
طبعا الحمراني نايم لانه امن العقوبة
هل هو لوحدة لا للاسف لا بل اغلب الوكلاء
في الامارات استدعوا الباترول لقوة النظام
واستدعوا اللكزس الكبيرة لنفس السبب تقريبا
هل استدعى ابو جميل ... ايضا لا
متى يضمن المواطن حقه
تجد بعض الوكلاء يبيعك سيارة مصدومة او مغشوشة ولاتجد من يحميك...
متى يتعدل الحال
هذا غير مشاكل الضمان وتعطيل مصالح الناس بسبب تاخر الصيانة
وقضايا التامين التي لن تنتهي الا بنظام صارم يحمي الطرفين
والحمدلله

والوكيل السعودي ليش ما يعلن والا الارقام هاذي ما تخص السوق السعودي كالعادة وحماية المستهلك نايمة

ارجو من اي شخص سيارته سفاري 2010 ورقم الشاص بين الارقام هاذي يطالب بحقة في اول صيانة جاية واذا رفضو ما يسكت ويقدم شكوا لانه دافع فلوس ومن حقة والشركة معترفة بالشي هذا بس الوكيل المحلي يتهرب لان محد يطالب بحقة وماعلية رقابة

^^^^^^^^^^^^^^^^^^^^^^^^^^

ايه شفت و شلون سيارة جديدة و أعطال !!!؟؟

لكن لا مشكلة ما دام الاعتراف بالخطأ موجود و الاصلاح مجاني مع التبعات..

لاحول ولاقوة الا بالله
يعني الواحد يدفع مبلغ وقدرة ____
عشــان ياخذ سيارة فيها عطل؟؟؟؟؟؟؟؟؟؟؟


مشــكور على النقل

الاستدعاء يشمل أيضاً الانفينيتي QX ..وربما يمتد ليشمل دول الخليج ..

يسلموووووووووووووووو على النقل