مشكله في تاهو 2008

صارت معي المشكلة في يوكن عداد الزيت يوصل الى النص ولاحظت كل ماله ينقص ولا وقفت عند اشاره اسمع صوت طقطقه بداخل الكبوت ولا مشيت يروح الصوت ويزود عداد الزيت طبيعي ورحت شريت طرمبة زيت بـ 399 ريال والتركيب بـ 400 ريال واغلب الورشات ملاحظ لاجيتهم قالوا الموتر حقك فيه دبل لازم نفك المكينة حتئ رحت للبيان وقالوا كذا واحترت ورحت يم هندي قال بدون فك مكينه عادي اضبطها لك وضبط ورجع عداد الزيت طبيعي

^^^^^^^
هذا كمبيوتر السيارة يرجعه زي اول ويقول لك : انت على كيفك ترفع ضغط الRPM
هههههههههههه ويقول لك لا تعودها مرة ثانية ههههههه
ورفع الRPM عن طريق برمجة كمبيوتر السيارة
تحياتي

شوف وانا اخوك هذه مشكلة او حتى ظاهره الكل يتكلم عنها
وان اعاني منها بالبليزر منذ اكثر من سنه ومريت على الورش اللي قال كرمبة واللي قال وضب واللي قال حساس زيت واللي قال عداد
على العموم افيدك بالتالي
لو يذكر لابالكتالوج ولا كتيب السيارة ولا اي موقع بأنه الضغط البيعي هو على النص
هذه الحاله شبه شاملة لكل هذه الموديلات من السيارات الأمريكية التي تشتهر بانخفاض الريس اثناء الوقوف
انا عن نفسي سجلت في منتدى أمريكي مختص بالبليزر وعرضت عليهم المشكلة وجاي الرد بأنه الوضع طبيعي وأهم شئ يكون المؤشر على النص تقريبا في حال وصل عداد الأر بي ام الى 1200 دورة تقريبا سواء اثناء الوقوف او المشي وهو الوضع الآمن

وسؤال للأخ مركز جوانا انا الحين رفعت الريس بنفسي بسيارتي بواسطة البرغي السداسي الموجود بجانب سلك البنزين ومثبت السرعه وارتفع الريس وارتفع معه ضغط الزيت ولكن بمجرد ما امشي واطفي السيارة وأرجع اشغلها ما اشوف الا الريس رجع للوضع الطبيعي ؟
ايش الهرجه

أخي الكريم انا مثلك وقالي راعي الورشه المكنيكي يحتاج تغيير صوفة المكينه لإن عندي صوت طقطقه خفيف وسيارتي ما شيه 12000الف .
وقال يحتاج فك الكمر وتغييرها يكلف تقريباً 700ريال
ما أدري هل إنت مثلي ام لا؟
أرجو الرد

انا اشوف كذا انه طبيعي صحيح انه ممكن فيه عيب مصنعي من 2007 تقريبا ولكن نصيحتي اذا نزل الى النص راجع الوكاله واتوقع السياره على الضمان واذا بتعرف ان الطرمبه خربانه اول شيء تجيك كتابه في الكمبيوتر حق السياره تقريبا افحص ضغط الزيت او زي كذا وبعدين تسمع صوت المكينه قرقرقرقرقر بصوت عالي شويه والمؤشر تحصله نازل كثير .

اخوي توكل على الله ولا تخاف من شي
انا سيارتي تاهو 2008 مثلكْ و الزيت نفس كذا الامبير و احياناً بالوسط
والحمدالله لها سنتين تقريباً و مافيه اي مشاكل ولا تروح لـ المهندسين لانهم حراميه

رحت لـ مُهندس قلت له سو فحص كمبيوتر صدمني ياشيخ
حسيت معاي سياره ماتسـوى 35 ريال ( لاحظ ريال مو الف ) !
قال تهريب زيت و قال راس المكينه و قال و قال وقال و قال
وبالاخير طلع ماعنده سالفه بس يبي يترزق علينا !

يامرحبا يا أخوي

طيب أنا موتري من العيسى وش الزيت اللي يوصي فيه

وإذا كان ناقص عن 275 يعني طبيعي ما يحتاج لا طرنبه ولا خرابيط ولا 1300

وبعدين RPM ذا وش حقه

وتصفية المنضم هل هي لازمه