الصيانة الدورية للكراون فيكتوريا - تكلفة عالية !!

شباب ابي اغير زيت الجربكس والبواجي وصافية البنزين والفلاتر وتنظيف بخاخات
وكل شئ تقريبا غير الزيت والتشييك الكامل
بس السعر 1500 في الوكالة
وش رايكم

يا رجال اقرب بنشري وغير الزيت بـ 70 ريال وثلاثين بنزين اذا كان تحت الربع



والقير 95 ريال مع الفلتر


بلاش وين 320 ريال يالغالي




اغير زييت مكينه وقير بالفلاتر ومعها تظيف للرديتر


اسحب عليهم

وش قصدك ضمان المصنع ولا ضمان الوكيل ( او اذا ودك سمه ضمان السرقه ) :D
شركة جنرال ما يلزمونك بالصيانه <انا مصلح يوكون عند اخوي وهو عمره ما دخله الوكاله
شركة فورد << سيارتي خير مثال
شركة تويوتا << سيارتي السابقه

كلامي هذا عن تجربه شخصيه يعني انا بنفسي يعني شخصيا وديت السيارات
ولا فيه برضو هونداي وكيا <<كيا الضمان المفتوح كيلو مترات يلزمونك بالصيانه
عندك ماركيز <مع انها تعتبرت تابعه لفورد
تحب اكمل لك اكمل

هذي الشركات تعتبر جزء بسيط من الواحد بالميه لكن السؤال
عطني الشركات الي تقول تسعه وتسعين بالميه

يا رجل زيت المكينة روح لبنشري و يغيرلك اياه بس انتبه انو يقفل الصرة و يكون احسن لو شفطلك الزيت شفط زي الالماني اما زيت القير روح لميكانيكي و تكون غلطان اذا غيرتو عند بنشري

--------

99 بالميه من وكلاتنا السيارت تصير خارج الضمان اذا لم يتم صيانتها الدوريه لدى الوكيل لازم يتسجل كل صغير وكبيره بكمبيوتر الشركة بحكم كنت شغال بشركة توكيلات العالميه عام 2003 :smile:

والعيب من وكلائنا وهذا الي اقصده :)

مبارك عليكم الشهر

هالموضوع صار لي تعقيب عليه في احد المرات و بتكلم عن تجربتي في الماركيز .

انا عندي ماركيز من 2002 وكان عندهم برنامج للصيانه كل 20000 كيلو تطلع تكلفتها بحدود 800 ريال و طبعا راح تمشيني سنه هال 20000 كيلو اعتقد معقوله كل سنه تدفع هالمبلغ .

لما شريت 2008 لقيتهم ممسوين برنامج كل 5000 كيلو و بصراحه ما دخلت عقلي كل 5000 رح للوكاله وحط السياره و يمكن تقعد يومين بدون سياره يعني حوسه ، قلت لاتوديها إلا كل 25000 كيلو وبس ، و من قبل يومين خرب علي الدينمو و ديتها لهم و صلحوها على الضمان و ما سألوني عن الصيانه الدوريه كل 5000 .

و لعلمك الفورد ماشاء الله عليه خرابه قليل يعني مثل ماقلت لك من 2002 ماقد تعطل علي إلا اللهم البطاريه انتهت ، الشي الثاني الموديلات الجديده من الفورد صار تجي البواجي فيها طويله الأمد يعني ما تتغير كل 20000 او 30000 كيلو لا ممكن تقعد 100000 كيلو لان راس البوجي صار يصنع من البلاتين فما يخرب بسرعه يعني يطول معك .

كلام الأخ الوجيه هو الصحيح و بعدين ممكن تسوي الصيانه في ورش غير الوكاله ، وتغيير الزيت ما يبي له وكاله عند أي بنشري مافيه مشكله .

موفق إن شاء الله

يا حبيبي من قال ان الضمان له علاقه بالصيانه
انا ما عمري دخلت سيارتي للصيانه << كراون 2009
ومع ذالك توني مطلعها منهم مغيرين لي اشياء واجد على الضمان
فيه لعبه تمشي على البعض
الا وهي
ضمان الشركة الأم وضمان نفس الوكيل
ضمان المصنع يضمن لك السياره بدون شروط وكامل السياره لمدة ستين الف وميه الف على اجهزة الحركه << يعني مكينه وقير ودفرنس <<هالكلام بالنسبه لفورد
توكيلات الجزيره <<و اغلب الوكالات عشان يكسبون وش يسوون
يسوون ضمان ممدد واذا جيت تشتري السياره قال لك لازم تسوي صيانه عشان الضمان << هو يقصد الممدد الي هو ميتين الف
واصلا اول ميه الف مضمونه والميه الثانيه يطلعون لك ميه عله وعله عشان يصرفونك فضلا انه ما يشمل الا اشياء محدده فضلا ان السياره اصلا لو فيه مشاكل قد حلت في الميه الف الأولى الي على حساب الشركه الام فضلا ان قيمه الصيانه تغير لك مكينه وقير ودفرنس
وافلقني اذا صلحو لك شي في الميه الف الثانيه << الميه الف الاولى اصلا انت المتفضل عليهم انك تصلح سيارتك لانهم يكسبون من وراك ان الشركه الأم تدفع لهم قيمه الأصلاحات وبأسعار مبالغ فيها
وعندي فواتير محمله على الشركه الأم بأسعار خرافيه << مثال ذراع الدركسون الداخلي مصلحينه بمبلغ ثلاث الاف وسبع ميه ريال << طبعا ما دفعت شي بس اخذت نسخه من الفاتوره كذا

هناك البعض العاملين في الوكالات يسوي حركات عشان يلخم الزبون
مثلا انا وديت سيارتي لوكاله فورد فرع البديعه في الرياض
كشف عليها قال من نصلحها لك لان فيه دقشه في الصدام
قلت له دقشه ما لها علاقه في المشكله << ذراع الدركسون
قال لا قلت اوكي سوي اوردر واكتب فيه سبب الرفض قال لا لحضه اصلا انت ما دخلت السياره للصيانه ولا مره ما يشملك الضمان قلت كيف وين مديرك ونروح مديره قال الرجال ما سوا صيانه ولا مره وعنده مشكله قال لي المدير ما يشملك الضمان خذ سيارتك قلت له وبكل برود سيارتي ما بعد تعدت الستين الف وانتم ما تدفعون من جيبكم الي تدفع شركه فورد عشان كذا عطني فاتوره فيها رفض انه ما يشملها الضمان عشان ارسلها دبي << على طول انقلب مليون درجه وقال سيارتك ما كملت ستين الف معليش انا اسف ويهزا العامل انت ليش ما تقول لي ان السياره ما كملت ستين الف


هالكلام ينطبق على اغلب الوكالات


اسف على الإطاله بس والله بعض الناس يقهرني انه ما يعرف حقوقه ولازم نوعيه

وخذوها قاعده لا تاخذون اي شي شفوي من الوكاله دايما خلو التعامل بالفواتير والأوامر واحفضوها في ملف

يعني سيارة فكتوريا الواحد يشتريها عشان اعتماديتها يعني ماتحتاج صيانةإلا بعد فترات طويلة فوق 40 ألف . اللوم عليك أخي الكريم الوكالة لاتودي السيارة إلا كل 40 ألف أو 30 ألف كيلو وإلا إيش الميزة إنك مشتري فكتوريا .
وآسف على الرد إذا كان قاسي

احــمــد ربك على هالاسعـار !

الوكالات الاخرى كـل 5 الاف التشييك واغلى من هالاسعار !

عموما الفكتوريا موتر حق كرف وسواء سويت التشيك بالوكاله او بالورشه عادي جدا مايضرها بأذن الله .

بالتوفيق

دام السياره ماشي 24 الف ولم تتعرض لعيب مصنعي ولله الحمد روح ورش خارجيه مثل ون ستوب ورد كاب

لكن حط ببالك الصيانه الدوريه (( تحافظ على ضمان السياره)) نظام الوكلات عندنا عقييم جداا السياره اذا لم يتم تغير زيوتها وتشيكها او باول بالوكيل راح تصير خارج الضمان

لكن اكون صريح معاك تجربني سنوات مع فوررد بحياتي ماستفد من ضمانهم