دوج تشالنجر رايكم يهمني

MOHAMED KHALED @user_230229 · 24-08-2010

السلام عليكم ورحمة الله
حاب اخذ نصيحتكم لأني محتار مره
اول شي انا داخل على اول سنه جامعه عمري 19
محتاج سياره تجلس معي 7 سنوات >> داخل كلية الطب :a1120(82):
ومحتار بين السيارات كثير عشان تكونون بالصوره المبلغ اللي معي 180 الف
وبصراحه خاق مع التشالنجر خصوصا الأحمر والوكاله بعد مسوين عرض بـ170 الف
بس السؤال بيجلس معي 7 سنوات تتوقعون بتحمل ولا بمل منه من اول سنتين او بيتعبني خرابات بعدين
وعندي استفسار بخصوص 2011 هل الكلام صحيح انهم بيزيدون قوته واذا صحيح بينزل بالسعوديه عندنا وسعره كم بيكون تقريبا ؟؟
واذا عندكم اراء ثانيه او اقتراحات سيارات ثانيه خذوا راحتكم

كابريس2005 @user_17244 · 25-08-2010

فورد تورس او كادينزا فل او انفنتي ، ابعد عن تشارجر بس

أبو عقارب @user_52217 · 25-08-2010

والله اختيـار موفق ..

التشـالي رااائـعـة :)

الله يكتبلك اللي فيه الخير

..

سري للغاية > @user_223368 · 25-08-2010

اخوي اختارك للشالنجر يدل انك راعي قومات

اذا تبى سيارة قوة وشكل خارجي وسيدان بس بدون فخامة

لوميـــــــــــــــ CR8ـــــــــنا

قوة وفخامة وشكل خارجي

كابرس اس اس

اذا تبى سيارة فخامة ورزه ارى اللكزس والانفتني افضل خيار لك

تحياتي :ch19:

crezy_me @user_207834 · 25-08-2010

للg37 :xyxthumbs: بس ترا رياضي ويتحمل معك 7 سنين اذا واضبطت ع الصيانه

A L R A J H I @user_20228 · 25-08-2010

شوف أخوي عندك الأودي Q5 .. ممتاز ولا تخاف مكينته حلوهـ .. لانه كوارتر ..

جيب + كشخة + عملية + سعر معقول = Q5

مــوفــق ،،

MOHAMED KHALED @user_230229 صاحب الموضوع · 25-08-2010

يعطيكم العافيه بانتظار بقية الأعضاء

lumi2008na @user_137989 · 24-08-2010

اشوف G37 أفضل الخيارات الي طارحها

The_Game @user_133527 · 24-08-2010

اشوف الانفنتي خيار جيد
وعندك الباسات سي سي جدا حلوه
موفق
تحياتي

MOHAMED KHALED @user_230229 صاحب الموضوع · 24-08-2010

يعطيكم العافيه يالغالين ماقصرتوا
بصراحه انا فكرت فيها وفعلا صعبه اشتري كوبيه خصوصا بالبيت مافي الاسيارتين
وصعبه كثير علي 7 سنوات على كوبيه
ابغى رايكم بسياره سعرها 180 الف ونازل وتكون قوة محرك وفخامه واعتماديه
كاديلاك cts او انفينتي g37 او لكزس gs460 بس يعيبها الماكينه ضعيفه او كرايسلر srt8 او شيروكي srt8 او اودي q5 بس عيبه الكبير محركه الضعيف
تحياتي لكم وشكرا لكل من رد

عشق هوندا @user_152452 · 24-08-2010

أنفنتــي G37
قوه واعتمــاديه وقليله أعطـــال
وأفضـل من اللكــزس بمرآآحل

وبالتوفيق قي درآآستكـ

A L R A J H I @user_20228 · 24-08-2010

شوف سيارات لكزس .. راح تعجبك .. اعتمادية وكشخة ،، وقد الميزانية ،،

فورد تورس ممتاز .. وحلوهـ ..

التشالنجر .. راح يزيدون قوته ٢٠١١ .. وراح ينزل قريب في أمريكا ..

الوكيل راح يأخرهـ .. والسبب يصرف الكميات الي عنده ،، ولا ليش يبيعها الحين ١٧١ بعد ما كانت ١٩٥!!!! ..

لكن أي سيارة سبورت كوبيه راح تمل منه بعد سنتين اذا ما عندك سيارة غيرها تستخدمها ..

نصيحة لوجه الله اذا السيارة بتطول أكثر من ٣ سنوات .. لا تشتري كوبيه ..

موفق ..

ZEMAN @user_206506 · 24-08-2010

وعليكم السلام ورحمة الله وبركاته

سمعت من بعض الإخوان ان التشالينجر 2011 راح تتأخر شوي وعلى بال ما يجيبها الوكيل ووو

وانت تقول انك داخل على طب فأنصحك تاخذ سيارة اعتمادية وتكون وكالتها وصيانتها كويسة وسريعة

لأن دوام الطب طويل جداً ومتعب فلو حصل عطل في السيارة لا سمح الله او اي ملاحظة لك عليها ما راح يكون فيه وقت كافي تروح الوكالة وتضاربهم ومتى تخلصون السيارة

بصراحة ما اقدر اعطيك مثال معين على سيارة إعتمادية, لكن شوف الفورد توروس ليمتد فل اوبشن ممكن تعجبك أو اللكزس IS فل اوبشن.

نافعكم كلكم @user_39749 · 24-08-2010

شوف اخوي

متى راح تزهق منه

لا جاك راعي كامارو ولا موستنق وقام عليك وراح بعيد

ذاك الوقت بتحقد وبتعلن سيارتك لأنه معروف ان المنافسين اقوى منها بنفس السعر

هذا اللي عندي