تجربة Golf GTI 2007 بعد 90000 كم

ماشاء الله تبارك الرحمن ..

أول موضوع لك .. لكن عن 1000 موضوع ..

متكامل جميل أستمتعت بالقرآءة حرف حرف ..

الله يعطيك خيرها ويكفيك شرها ..

صدقني مثل السيارات هذي حرام تبيعها ..

خليها عندك وورثها لعيال عيالك .. لأنها بكل بساطة أسطورة ..

وهنا صعب تلقى الي يثمنها ويعرف قيمتها ويدفع قيمتها المستحقة ..

قبل فترة كنت مسافر وأستأجرت قولف العادية وليست GTI أعتقد كان موديلها 2007 أو 2008

جلست معي مدة أسبوع ..

النتيجة : كانت رضا تام وقيادة ممتعة لأبعد حد .. وأكثر ما شدني فيها قوة الفرامل ( البريك ) ماشاء الله ..

بعد ما رجعت وسقت التاهو حسيت أنه ملعوب علينا بالأمريكي والياباني .. لا متعة قيادة ولا غيره ..

أشكرك مرة أخرى على التقرير ويستحق التثبيت بجدارة ..

بالتوفيق للجميع ،،،

بالنسبه لل8000 الصيانه بأمريكا كانت كل 5000 ميل مثل ما قال سامي

^^^^^^

اعتقد انها يوم كان في امريكا او انه ايامها الصيانة كل 8 الاف

ماشاء الله تبارك الله

سيارتك روعه الله يحميها من العين خصوصا انها تو دورز ...

صياناتها سعرها جدا عادي لانها كل 15 الف بس ليه اول صيانه 8 الاف ؟؟

لي عوده بعد القراءه بتمعن < عجبتني تمعن هذه :D

ماشاء الله تبارك الله ,,

الصلاة عالنبي السيارة وردة ..

وحرام عليك تفرط فيها هذي السيارة حلمي ههههههه

وبصراحه انا سقت سيارة فلوكس فاجن موديل 2000 ومسكت خط بها ووقتها قلت لابوي الا نشتري فلوكس وجلست علا راسه الين ماحطيتها براسي لو اتوظفت ان شاء الله جي تي اي والله يرزقني .
والله يعطيك خيرها ويكفيك شرها .

تحياتي .

ذا قيم ..

والله زي ما انت شايف .. انا خوفوني العالم و رحت وشفت هالكلام كله مو صحيح ...

ماشاء الله تبارك الله
تجربه رائعه وموفقه
هذا ردا للي يشكي من ساماكو ويشتم فيها
وسيارتك ماشاء الله وارد امريكا
موفق باذن الله
تحياتي لك

سامي ..

من ناحيه المتعه .. ما تغير شي .. الجيل السادس غير الفيس لفت و زياده 10 احصنه و اللمتد سلب دفرنشال .. ما تغير شي ... وحتى الجيل الرابع كان مع واحد من العيال (ما باعه الا قبل سنتين يمكن .. روعه والله )

مو عشان الزواج .. هذاني متزوج من فتره و ما عندي اي مشاكل .. بس ودي اغير لشي اكبر ... و ما كان عندي اي مشكله اشتري القولف r او الشيروكو r لما تنزل ... بس خاطري بشي اكبر شوي ... بس المشكله مافيه خيارات كثير بالفولكس حاليا .. السي سي راح يتغير شكلها قريب (مع ان الشباب في الوكاله صرفوها لي ان الشكل بيثبت على الاقل ٦ سنين .. بس مو صحيح هالكلام ) الباسات العادي السنه الجايه بيتغير و السي سي بيلحقه بسنتين على الكثير ...

بخاطري الفيتون والله بس ما حصلت و صار لها فيس لفت جامد 2011 .. هذيك السيارة الخرافيه بس ما عندي تصور كم سعرها ..

وبالنسبه للبيع ... اذا كتب الله ونويت ابيع ... لو ما جابت السعر اللي ببالي مافيه امل ابيع .. اخليها عندي ابرك من يجيني احد ويرمي سعر يحسبها اكسنت ولا سيفيك !!


المزروعي ..

والله وانا اخوك انا كان معي مكسيما .. وسنترا ... حلوين السيارات ما اقول فيهم شي .. لكن فرق السما والارض بين القولف و بينهم ... والله يرزقك بوحده انشالله :)


محمد ..

والله وانا اخوك من ناحيه محافظه .. فاني محافظ .. تحت مظله دايم.. تأمين شامل سنوي .. ومظلل حراري من فكيت السياره .. و سنويا تلميع زيبارت ... والسياره زي ما قلت لك ما تطلب شي والله ... بنزين و كل سنتين انا اغير الكفرات من نفسي


اكسبلور ..

والله وانا اخوك انا مستحيل ابيع لو حسيت انها مبخوسه او بتروح لأحد ما يقدر السياره ايش ويعرف وش اللي تحت يده ..

انا بالريان في الرياض ..

بـــــــــــــسم الله مشاء الله
الله يخليلك ياها
والله أحلــى سيارة بحياتي هي والـ M3

بس عنجد بقلك اذا كانت الميزانية حلوة لاتبيعها لا تبيعها

تقبل تحياتي
بس ماعرف انت من وين الرياض ؟

اخخخخخخ عليك يا الجولف
والله انها روعه

وانت متأكد انها 2007 لانه ما شاء الله ما شاء الله
كأنها جديده انت محافظ عليها

الله يكفيك من شرها ويرزقك منها كل خير



والله ميولي راحت للفولكس واجن لاني اشعر اني سائق سيارة ممتعه


تحياتي لك

ماشاء الله تبارك اللهـ

سيارة قمة في الإبداع

اخ بس لو عندي قيمتها كان طلعتها بس وش تسوي مالنا الا الياباني


ان شااء الله اتوقع سيارتي القادمة راح تكون من فالكس واجن

الله يعطيك خيرها و يكفيك شرها بسم الله ما شاء الله GREAT CAR INDEED

قسم بالله القولف سيارة راح اعشقها طول



اما هذه صادق فيها بقوة بين كل السيارات الا جربتها مافي سيارة تركت ابتسامة على وجهي كل ما ركبت السيارة في الجي تي اي ( الجيل السادس ) انا ما جربت الاجيال الا قبلها و كل ما نزلت من السيارة ودي ارجع افرفر بها ثاني غير انها ملفته للانظاراكثر من ما اتوقعت

عموما اسعار القطع كلها معقولة لكن للاسف مين يسمع و مين يفهم كل شيء مبني على القيل و القال بدون تجارب

سيتم تثبيت الموضوع بعد ان ياخذ حقها من الردود



حرام عليك ليش عيب هو تركب كوبيه و انت متزوج بالعكس مافيها شيء خليها اكشخ انت و المدام او روح طلع جي تي اي 2010 اربع ابواب

نصيحة لا تبيع المزيونة صدقني راح تتحسف على بيعتها خليها على جنب و خذلك السيارة الثانية و القولف خليها لمن تخرج لوحدك و ما انصحك تخرج من الفولكسواجن و الالماني عموما لا تندم مثل ما انا ندمت

يلا طولت عليك

و قريبا راح انزل تقرير تجربة للجيل السادس 2010