واي سؤال او استفسار انا حاظر .. ولحد الحين سياره معاي من سبوع تقريبا وانشالله كل فتره راح اقولكم انطبعاتي عن السياره وانشالله بشكل يومي راح اقولكم عيوب السياره ومميزاتها ..
صور سريعه للسياره :
من الداخل مثل الي بالصوره بالضبط ...
الحمدالله ستلمت ماليبو الي اقل فئة طبعا احنى شوارعنا بالبحرين صغيره وكله اشارات خخخ يعني مايصلح لنا الا اربعه سلندر .. وخذتها بسعر 69000 ريال من وكاله الوطنية بالبحرين
الصراحه السياره عجبتني ولحد الحين مابين عيوبها لان جديده ..
ولكن كانطباع اول اجوف السياره قويه جدا ووزنها ثقيل وهاي يدل على قوه السياره .. حتى البادي مالها قوي مو مثل سيارات اليابانية البادي مالهم خفيف ..
السياره ثابته بشكل ممتاز وخصوصا على المنعطفات ..
ولكن سياره شوي ثقيله في سياقه وخصوصا في ستارت فقط .. وشوي ثقيله على المطبات ..
البريك تبع سياره مريح جدا وقوي ..
العزل الصوتي جيد جدا واعطيه 8 - 10
صوت المحرك من الخارج شوي عالي وانشالله راح انزل لكم فيديو يبين لكم صوت المحرك من الخارج ولكن داخل السياره ماتسمع شي وكانه المحرك مطفي ..
الكراسي مشالله مريحين وخامه ديكور جودتها عاليه ..
....
طبعا السياره انصح فيها سياره مايعلى عليها سعر + جوده + اداء
ولكن الي يستخدمون سياره لمسافات بعيده وطويله انصحهم بسته سلندر افضل لهم للمسافات البعيده ..
واي اسفستار او سؤال انا حاظر
