رابطه عشاق ملاك شفروليه ماليبو (( Malibu ))

وعليكم السلام ،، تغيير الزيت في الوكالة على مسؤوليتك والوكالة توقعك اخلاء مسؤولية
بالنسبة لـ Acdelco ،، قد شيكت معاهم مره وافادوني ان ما عندهم تغيير لزيت القير
بالتوفيق ان شاء الله

السلام عليكم
السيارة 2012 6 سلندر
ممشى 130 الف

بخصوص زيت القير ، كيف أفحصه أو أعرف إن يبيله تغيير ؟

هل أتصل على الوكالة وأسالهم لان صاحبه الاولى قال غيرها بالوكالة ؟!

وش الفرق بين وكالة الجميح وبين ACDelco الجودة ؟ أو شغل نظيف ، أو سعر أرخص ؟

تكفوووووون هيلب مي ؟

السلام عليكم اخوي ،، هل وجدت الحل لسيارتك ،، لان عندي مشكلة مشابهة لمشكلتك ،، شكرا مقدما

.

السلام عليكم اخواني عندي ماليبو 2013 6سلندر فل كامل قبل اسبوعين سويت صيانه شامله للسياره من مساعدات واذرعه وهوبات ..الخ وطلعت من احسن مايكون الحمد لله امس شغلتها ومشيت فيها وطلعلي صوت ونه من جهة المكينه والدعسه صارت ثقيله وال RPM اذا شلت رجلي عن الدعسه مو طبيعي السياره ماشيه 170 القير الحمد لله يبدل بشكل طبيعي ماادري اذا احد مرت عليه اىمشكله هذي ياليت يساعدني رايح الصناعيه بمره بشيك عليها وودي يكون عندي خلفيه عن اللي ممكن يكون فيها

.
يعطيك الف عافيه ،، كنت مضطر اغير لاني مسافر غيرت عند ورشة بالخضريه متخصص زنون وعدسات ب800 شمعتين

زيت القير يتغير لكن على مسؤوليتك .. انا سبق وغيرت القير مرتين مره على ممشى 60 الف كم (الوكاله بنفسها غيرته) والمره الثانيه ممشى 120 ألف كم (بطلب مني ومع اصرارهم بعدم تغيير زيت القير) ولكن بامكانك تغيير زيت القير على مسؤوليتك .. الوكاله ما تبغى تتحمل اي تلفيات قد يسببه التغيير ،، الحمدلله تم التغيير وان شاء الله بغير مع ممشى 180 الف (كل 60 ألف كم ) ،، تمنياتي لك بالتوفيق

صارت معي و بعد فتره ما صارت تشتغل نهائي و طلعت الشمعه محترقه ، رحت للوكاله و لقيت سعر الشمعه 816 ريال و تركتهم و طلبتها من ebay شمعتين فيليبس D3S (عشان ما تختلف الوان الشمعات عن بعض) و اقوى من شمعة الوكاله و طلعت سعر الشمعتين بحدود 520 ريال

هلا و الله شباب،
موضوعي عن زيت القير للماليبو 2014 6 سلندر،

سيارتي ماشيه بالضبط 86 الف كيلو ، و الى الان ما غيرت زيت القير، على العموم انا شريت زيت القير من زمان من الوكالة علشان اغيره، و جا وقت تغييره، سالتهم احتاج اغير زيت القير ؟ قالوا لا ما يحتاج لأنه ما يتغير و على حسب رغبتك اذا بغيت و لا لا، و قالوا انه بس نغير الزيت و الفلتر ما نغيره لأنه يقول اساساً السيارة مالها فلتر قير ؟؟ صحيح الكلام ذا و لا ؟

و كويس اغير الزيت على هالممشى 86 الف؟ عطوني العلم بالله.

انا كذالك غيرتها 3 مرات ...في اول سنه بسبب البطاريات المخزنه ..

طبعا عشان انها على الضمان تكون مجانا ولا كان شريت لي بطاريه تاريخها جديد :)
.

يعطيك العافيه بالنسبه للبطاريه غيرتها يمكن حول اربع مرات والمشكله للحين موجوده مدري وش علتها

.حياك الله ..

الاسعار ما ادري والله كم تكلف لكن غالبا في حدود 2000-1500

الحساسات و النقط العمياء غالبا اذا كانت كذا فهذا يدل على تخريف البطاريه ..صارت لي في بنت عمها الامبالا :) مع ان السياره جديده لكن البطاريه قديمه ..

البلوف غيرها عادي لكن راح تجلس مولعه اللمبه ...و في كل الاحوال هي راح تخرب الحساسات مع الوقت ..يعني تحتاج تغيرها ..
افضل حل هو تركيب بلف عادي ..او اطلب لك بلوف من مواقع الانترنت اذا تبي الحساسات ..


موفق خير.

السلام عليكم

يالربع معي ماليبو 2014 6 سلندر ماشيه 120 الف وبشوارعنا اللطيفه تقدر تقول شبه تفجرت المساعدات اسمع صوت صفق من المساعد وهنا سؤالي لو بانفض باطنيه الموتر كم تتوقعون يكلف

والمشكله الثانيه الحساسات زي النقطه العمياء \وحساس الطاره تثقل ويطلع يجب صيانه عجلة القياده والنقطه العمياء وفحصتها قبل فتره وطلع مافيه مشكله بس يقولون برمجه ولازم بالوكاله ماتخبرون لي ورشه يبرمجونها او احد مرت له نفس المشكله يعرف لها حل

والمشكله الكبرى والعويصه اللي اعتقد كل ملاك ماليبو مرو فيها وخصوصا الفل اللي هي البلف الحساس حق الكفر 24 ساعه منسم لازم تغير البلف كل شهر فيه حل لها غير اني اركب بلف عادي ولا لا

حتى في حالتك هذي ما تقدر تجزم انها شمعه ..لازم تتاكد .
و في كل الاحوال انت فاكها يعني تأكد قبل ما تغير ..

شمعات فلبس ممتازه ..

.
النور مايشتغل من نفسه ,,لازم انا اطفي من السويش واشغل و اغلب الي شافوها قالو شمعه
و فك الشمعه سالفه لازم تفك الصدام عشان الشمعه


تخبر شمعات سعرها زين و كويسه ؟

وعليكم السلام ورحمه الله وبركاته ...

تقدر تفصل الشمعه و تشبكها بالمحول الجهه الاخرى عشان تحدد اي واحد فيهم عطلان ..

و غالبا يكون محول..لان في بعض سيارات لكزس كان يشتغل و ترتفع حراره المحول و يطفي ...و تشتغل بعد مده و على هالموال ...


موفق خير

السلام عليكم

عندي استفسار ,, عندي ماليبو 2013 الدفعه الثانيه ال تي زد

قبل كم يوم طفت شمعت الزنون ومادري هي من الشمعه ولا المحول .. بس الغريب اذا طفيت الانوار وشغلتها تشتغل ابو خمس دقايق وتطفى مره ثانيه و الشمعه لونها يختلف عن الثانيه بشي بسيط

اليوم وديتها الوكاله
قالوا الصوت عادي !!

عندي ماليبو LT 2016
وديتها تشييك الـ 20 ألف
إذا جيت أطفي السيارة يطلع صوت طر طر
من جهة الخرطوش اللي قدام المكينة لأنهم مغيرين الفلتر هل فيها شيء أرجعها الوكالة أو شيء عادي

.غريبه !..