مطلوب ورشة فيها سمكري ممتاز بالشرقيه

الاخ دينالي ممكن توصف لنا موقع ورشة فيراري بالضبط وين بالخضرية انا ابي ورشة تصلح لي شمخ بالسيارة مع شوية تنقيط لبعض الاماكن بالبدي

عليك بورشه فيراري بخضرية الدمام فيها سمكري يتحدى الوكاله ان اكتشفت ان مكان السمكرة مسمكر ويعطيك ضمان سنه ع البوية

أغلب الورش راح يقولو لك أن لازم رش ما في حد راح يقول لك أنه بيلقطها لك

بس شوف أنت راح أي ورشه مو لازم ممتازة وأهم شيء تكون عنده نفس درجة الصبغ

وإذا تبي نصيحه مني في ورشة في الأحساء أسمها الموسى في الصناعية أنا ما أصبغ الا عندهم
و أسمكر عندهم ممتاز والله أنه أحسن من الوكالة هو يستخدم صبغ الماني يعني أصلي مثل الوكالة أنا صار لي حادث بل كبوت والكبت أنعكف ربع بدايتة يعني دخل على الجسر ورجعه لي كأنه جديد والهيكل الداخلي أيضا صلحه لدرجت أنه ما تحس أن السيارة مصدومة هو ممتاز جدا أنت رح عنده وقلة إذا قال لك أنه لازم صبغ قله ما أبغا قله أبيك تنلقط لي وخل السيار يومين الى ثلاثة بعدين أرجع له وقلة يلمع لك مكان التلقيط قله يصنفر أشوي حتا يتساوي الملقط بل أصلي وراح ترجع كأنها مو ملقطة ويلمعها لك وخلص

أن شاء الله أكون أفدتك

في محل في الثقبة
انزل مع كبري الاسكان و اتجه يسار
اول ما يجيك محل الخضار على اليمين
شوف المحل جنبية على اليمين

متخصصين في الشفط



دعواتك لي

رحت اغلب الورش المعروفه في الاحساء

كلهم قالو لازم صبغ .... مع ان بالامكان

اذا كان سمكري ممتاز ممكن يسويها بدون صبغ

وتلقيط مجرد دقه خفيفه جدا باحتراف ويرجع البدي

زي ماهو .. مع ان هي اساساً مو باينه ومو واضحه

الدقه ولكن انا تزعجني الحركه هذي في السيارات

اذا احد يعرف سمكري ممتاز بالدمام يقولي