اغرب استفتاء اودي a8l 2009 او bmw 523i فل اوبشن

يا ناس وين الردود حرام عليكم المشاهدات ذب كلها وبس عشر ردود ونصها انا
بليز ابي اشوف ردودكم والاخوان اللي ردوا علي ابي اسئلكم عن الخرابات لانكم خوفتوني صراحه وقريت كثير عنها ان اسعارها نااار يعني عن اي قطع انتو تتكلمون
ولو زي ما يقولون عنها خربات اجل ليش الناس تشتريها وتحط فيها مبالغ كبيره

هلا بك والله الكايين بطل بس داخليته مش ولا بد والاودي q7 كبير عليه 3 صفوف للاسيات ترا
وبعدين الكايين بورش والبورش انت عارف قصتها مع الاسعار قطعها ناااااار والوكاله حاطين الضمان بس سنتين بدون صبانه حتى يعني لو صارلك خراب بعد سنتين الله يعينك والمشكله انه بورش يعني راحت عليك وانا عموما مااهتم من هذي الناحيه بس السياره نفسها ما خشت مزاجي من الداخل
وكمان فيه حاجه مررره مهمه انه تغير وانت عارف الكايين انه زي الرنج موضات حتى مع الفيس لفت يصير موضه والمشكله الشكل الجديد نزل يعني بتشوفه ف الشوارع ف كل مكان بس الاودي نادر تشوفها ف التغيير مااثر علي مره في اختيارها ومشكوووور ع الرد

شوف حبيب قلبي تبغى سياره اعتماديه وافضل سياره من ناحية الاعتماديه وقلة الاعطال وماخذه في التصنيف العالي في قلة الاعطال الاول عالميا هي البورش << خاااق مع الكايين

حاول تشوف لك كايين نظظظيف ومستعمل استعمال بسيط من موديل ٢٠٠٨ الى ٢٠١٠ اللي هو قبل الشكل الجديد واخر فيس ليفت صار عليه ،، ترااه مررره بطل وعملي مشاء الله

وخذ لك وحده من الفئتين هذي يا تاخذ S او GTS وابعععععد وانححش كل البعد عن فئات التيربو ...

او خذ لك Audi q7 2011 وكاله على الزيروو قيمته ٢٢٩ الف ريال فقط عليه تخفيض الان وعليه ضمان ٣ سنوات والعداد مفتوح ، وعليه عقد صيانه مجاني ٥ سنوات او عداد ١٠٥ الاف .. والصيانه تسويها كل ١٥ الف كيلو .. واذا انه عااجبك الكت حق الاودي الي اسمه S LINE ادفع زياده ١٥ الف ويسووونه لك .. بس شئ شئ مررره بطل مشاء الله .. وانا ترا نااوي الفتره الجايه على وحده من هالسيارتين ... قلت افيدك يمكن يعجبك شئ منهم ...

تحياتي

مشكور medocash ع الرد بس صراحه 220 احس سعرها فيه السياره ماشيه 3 الاف بس وبديتو تخوفوني من الهيدروليك وقطع الغيار والقطع الاستهلاكيه لان الوكاله قالولي تقدر تجدد ضماناتك والقطع الاستهلاكيه لما كنت ف وكالة بي ام قالولي تغيرها كل 15 الف يعني كل ست شهور تقريبا قلتلهم كم قالوا المجموع يطلع حول 1500 ريال واشوفها بما انها كل ست شهور انه اسعار عاديه والاودي ما بتكون بعيده منها بس مدري والله احترت زياده

مشااء الله السياره ما تتفوووت بس لو ينزل لك بالسعر شووي يكون احسن مثلا تاخذها ب 180 الف

وعلى فكره بالنسبه للهيدروليك في الاودي فئة A8 يجي ستاندر من الشركه !! لجميع الانواع ..

وقيمة المساعد الواحد الهيدروليك في الاودي A8 هي 7800 ريال !! بس حبيت اقولك عشان يكون عندك فكره قبل ما تشتريها عن اسعار قطع غيارها ، وخذ لك فره في ساماكو مركز الصيانه عشان يكون عندك فكره عن اسعار القطع الاستهلاكيه واللي تتغير باستمرار عشان ما تنصدم مستقبلا لو انتهى عقد الصيانه او الضمان ...

والسياره مشاء الله لقطه

بالتوفيق

الا قلتلكم فوق سته سلندر بس المقاس لارج وانا ما تفرق معاي القوة وكم من واحد قالولي السته احسن لانك بستخدمها ب شكل يومي وترا السياره فل فل اوبشن اللون الحاله سوا له طلبيه من المانيا قبل تجي ب 8 الاف ريال والهيدروليك كمان استغربت انا انه موجود فيها وهي سته سلندر

ارشح لك تاخذ الاودي a8 وترا ضمان الوكاله ٣ سنوات مفتوح العداد لمدة ٣ سنوات وعقد الصيانه ٥ سنوات او ١٠٥ الاف كيلو ايهما يسبق اولا ..

والسياره بطله ، بس ما ذكرت لنا هي سته سلندر ولا ٨ سلندر ؟؟؟

بالتوفيق

مشكورين كلكم الله يسعدكم ومن ناحية اللي رشح لي الاودي بغيت اقولك السياره ما بخاف منها لان عليها ضمان واقدر امدده وقطع الغيار ان شالله بسوي تأمين للحوادث مبلغه بسيط والقطع الاستهلاكيه مجانا اظن بقي لها سنه ونص صيانه مجانيه وهم بعد اقدر امدد لها واللي رشحوا لي البي ام والله انها حلوه مره بس صغيره مره مقارنه ب السفن سيريس وال اي 8

انصحك بالبي ام دبليو اولا شكل جديد
احسن كااستخدام وعليها ضمان شامل تريح جيبك ونفسيتك
وفيها شبه من اختها الكبيره السفن سيريس
انا لو مكانك اخذ البي ام دبليو دون تردد

موفق اخوي

وعليكم السلام ورحمة الله وبركاته

حياك الله بين اخوانك في الموقع

ارشح لك البي ام دبليو

وانصحك تجربها قبل تاخذها وتاخذ لفه على قسم الصيانة وتشوف الشباب هناك الي يصلحون سياراتهم

الله يوفقك اخوي الغالي ولاتنسى صلاة الاستخارة

اخوك محمد الحربي
VIP 111