تردّي جودة التاهو واليوكون ... ماذا حصل لجنرال موتورز ؟

بحكم تجربتي لسيارة التاهو 2010
صارت معي 7 شهور وقطعت مسافه اكثر من 20 الف كيلو متر
ولله الحمد لم آرى اي عيب او خلل او مشكله بالسياره
سوى ردائة جودة كفرات القوديير فقط
حتى وكيل العيسى خدمته فوق الممتازه لاهتمامهم الكبير اثناء انفجار الكفر لسيارتي واصلاح جميع الاضرار
يعني سياره ممتازه ووكيلها ممتاز = رضى تاااام
بختصار السياره فوق الممتازه بحكم ((تــجــربــتــي)) يااخي العزيز وأحد ملاكها
يعني لست من قوم قالوا او سمعوا ,, بالتوفيق

اكثر السيارات الحديثة سواء اليابانية او الامريكية صارت جودتها اقل (على حد علمي بسبب الخسائر التي عانت منها شركات السيارات من الازمة المالية) و الموضوع هذا مع كل احترامي لصاحب الموضوع فيه ضرر و مشاحنة اكثر من الاستفادة ( قريت بعض الردود و كانها ملاطشة و ليشت مناقشة) لان لا تصدق شخص يشتري او يبيع سيارة بناءا على اراء اهل المنتدى فقط. مع احترامي للكل.

تعقيبا على الجودة... ممكن أعرف فييين الجودة في الإكسبيدشن؟؟؟

يعني أنا يوم كان المندوب يحاول يحشرها بأنفي حاولت أقنع نفسي إن الداخلية "مقبولة" بس أول ما شوف البلاستك المطلي كروم كأنه مصنوع في روسيا أو بنغلاديش ولا التابلو البلاستيك اللي مايفرق عن باقي السيارات الأخرى كنت أتراجع فورا خصوصا إذا شفت الشبك الأمامي اللي مغطس بالكروم (كروم من الكرم في الطلي) واللي الشي الوحيد إللي أعجبني فيه هو شعار فورد (شكله هو الشي الوحيد المصنوع بأمريكا). أما التابلو ومسكة القير... فحدث ولا حرج...

أرجوك أن تزور أي وكالة سيارات أخرى وتقارن سياراتها باليوكن والتاهو لكن رجاء حكم ضميرك وإذا حسيت إن كلنا غلطانين خبرنا عشان نقنعك "إن أمكن".

وسامحني إن أخطأت بحقك في أي من ما قلته..

المشكله أنه راعي سيارة من أقبح السيارات شكلا و أخطرها على الطرقات و لا تستحق ربع قيمتها و خصوصا أنها تصنع في تايلند و الفلبين و اندونوسيا و الهند و جنوب أفريقيا. سيارته لم تعرض في الأسواق المعتبره انما فقط في الدول التي تصنعها و للأسف عندنا.

معلييييييييش يالغالي

والله كلامك مدري من وين جايبه !!!

من قال ان الناس تشتكي من اليوكن والتاهو ؟؟

بالعكس وحوش وتكد وتكرف ومن تجربه كبيييره

وبعدين دام على قولتك الدوج والفورد متفوق عليهم ليه ماانتشر مثلهم ؟؟؟؟؟؟؟

يعني هذا شي مايبي له كلام اثبات ولا شهاده














بس لحظه

اذا تعتبر اصوات الديكورات الخفيفه + طقه خفيفه في تعشيق القير عيب كبير وتردي بالجوده
فاانا معاك ..


تحياتي

والله انه مووووووتر مايسوى سعره ..!!

من زمان يالله المستعان

ردائة الجودة الداخلية ( الديكورات) أنا معك و بكل قوة فيها ...
لأنه على قد ما تدفع على قد ما تحصل جوده .. عندك الأسكاليد تقريباً نفس اليوكن و التاهو .. لكن جودته الداخليه ما عليها غبار .. و لكن بسعره (270 ألف ريال ) تشتريلك 2 يوكن نص فل !!

أما من ناحية ميكانيكية فجودة الأمريكي معروفه ولا تحتاج للنقاش ..
....,,

إخواني رجاء لا أحد يجيب سيرة الأمريكي ولا الأسترالي.. مثل ماقالوا الأغلبية إذا ما جربت لا تتكلم وإذا كان الموضوع بيقلب ديني فالأولى أن نتذكر أن "لا تبخسوا الناس أشياءهم" فهناك ملاك لهذه السيارات التي يقال إنها "قلت الجودة فيها" وهذا الكلام ينطبق على الفورد.

أنا كان عندي لومينا ٢٠٠٥ وما اشتكت من شئ ميكانيكي أبدا.. خمع خطين حمر تحت (أبدا) رغم كل الفلسفة اللي سمعتها ومحاولات بخس قيمتها والكلام اللي ما يفيد.

من حوالي شهرين زرت كل وكالات السيارات رغبة مني إني اشتري سيارة عائلية كبيرة وكنت أرغب بالفورد لكن عند المقارنة بين (فورد إكسبيدشن - شفروليه تاهو - يوكون دينالي - كيا موهافي - مازدا اكس ٩ - شفروليه ترافرس - جمس أكاديا - تويوتا سيكويا - نيسان أرمادا - لنكولن نافيقيتر) فشل الجميع في الجودة الداخلية ما عدا الكيا موهافي والجمس أكاديا بس السيارة الوحيدة التي ربحت من حيث الشكل والسعر والمواصفات هي....... التــــــــــاهـــــــــــو

أرجو أن لا يزعل أحد من هذا التقييم لأني متعود بصراحة إني أقارن وأنتظر لشهور قبل ما أشتري وبصراحة وجدت أن الفورد من أسوأ الشركات من ناحية جودة المواد الداخلية أما الشكل الخارجي فلا تعليق لأني أستغرب من الذين يجدون أن شكل الإكسبيدشن مقبول على الأقل ولو كان اللي مصممها موظف عندي لطردته بدون صرف أي قرش كتعويضات بل كنت طالبته بتعويض عطل وضرر على هالـــ (تصميم).

بالمناسبة صارلي أكثر من ٦ شهور أحاول أشتري تاهو لكن في كل مرة تقل الخيارات بسبب نفاذ المخزون وهو دليل على أن الكامري صارت من الماضى وعيب علينا نذكرها بعد اليوم كسيارة لها شعبية.

عندي يوكون 2005 ولله الحمد ماشتكى من شيء الا حاجات استهلاكيه بسم الله ماشاء الله تبارك الله.
وكورولا 2008 ماشيه حول 90 الف التوضيب منتظرها الموعد يوم الاثنين .
اليوم اليوكون مغطي على كل شيء .
لا تحاولون تعيبونه .

بصراحه جودة التاهو واليوكون قبل ان اشتريه عند الزملاء والاقارب لامجال للتشكيك فيها
ولكن كما قال بعض الاخوة مبيعات اليوكون والتاهو 2010 قد تكون اوجعت البعض

يعني تظن التويوتا تجي نفس الجمس والشفر

والله من سمعت سالفة الدعسة وانا ودي اوقف اي واحد معه سيارة تويوتا واضحك عليه

ادفع 100,000 واكثر على سيارة هي تتحكم بالدعسة وتزود السرعة على كيفها

ادرونجو عاد ههههه هذي السياره الرديئه تقرنوها مع اليوكن والتاهو حرام والله الدرونجو من الوكاله ب 80 الف يقرن باليوكن والتاهو مايصير هالكلام

صح لسانك اخوي aq9933 :xyxthumbs: والله لو انها كيا وصاحبها محافظ تعيش معه اطول وقت ممكن :ch19:

وبالمقابل شخص اخر معاه مرسيدس s500 مثلا" ويسوقها كانها ونيت :smilie16: فكم تتخيل انها بتعيش

معاه .


تحياتي ...

ياخوي متعب نفسك وقاعد تبحث عن عيوب سيارات موب عندك ويمكن ماجربتها بس عشان تثبت ان سياراتك ممتازة ومافيها عيوب الرجال يقول كل السيارات الجديدة يعني ياباني وامريكي كلها مصممة انها تستهلك ..

على العموم انا حبيت اذكر تجربتي للفائدة بس وموب متعصب لسياراتي وابغاها تكون افضل سيارة..
وسبق قلت ان السيارات حظوظ انت وحظك يمكن تطلع مافيها عيوب ويمكن تكون كلها عيوب!!

والله يوفق الجميع ..

كيف ماله دخل يطولي بعمرك؟
من مواضيعك باين اهمالك لصيانة سيارتك و بعدين تبي تلقي اللوم على الي صنعها؟
كلام مهندس الصيانه ممكن يكون كلام ترضيه لخاطرك و ما يبي يقول لك أنك أنت مهمل في صيانتها أو أنه يبي يقول لك أنه في ناس مهملين أكثر منك و خربت سياراتهم على 40 ألف.

أعرف سيارات يوكن 2007 و 2008 قطعت بعضها أكثر من 180 ألف بدون أي مشكله تذكر عدى عن مشكلة أزرار الباب الي ما تفتح و غيرتها الوكاله مجانا (كلها)

بالأخير ما في سياره بالدنيا الا يكون فيها عيوب و مشكلة القير عندك ليست مشكله شائعه (عامه).

ماشية 150 الف ومغير الزيت والفلتر في الوكالة على 60 الف
وبعدين الزيت ياخوي ماله دخل في المشكلة << كلام مهندس الصيانة
يقول انهم يوضبون سيارات ماكملت 40 الف !!

والله صادق السيارات الجديدة جودتها اختلفت بس وشلون تفهم الشباب .. واحد توه شاري السيارة وموديلها 2010 ويحكم ع السيارة من الحين انها ممتازة .. ومايبغى احد يقول عيوبها!!