اريد اعرف حساسات القير للفورد واسعارها

kh995 @user_231634 · 03-11-2010

السلام عليكم

عندى ماركيز 99 فيه تأخير او ماأحطه على ال D يجلس يمكن 3 او 4 ثوانى وبعدين يلقم
واذا حطيته على R بسرعة يشبك عادى

وفيه حنة بسيطه عند سرعة 62 كم ثانيتين كذا وتختفى
والسيارة مشيها طبيعى جدا
وغيرت زيت اصلى وفلتر حتى اللى فى الطنجرة وما تغير شئ

هل يمكن يكون من حساس
اريد اعرف كم حساس فى القير سواء خارج القير او داخله واسعارها اذا تكرمتم

وكم يكلف توضيب القير

super_safari @user_201024 · 11-11-2010

أخوي مشكلة التأخير 3 ثواني حتى يلقم على D هذا خراب في الحساسات. و اسأل مجرب و لوحظت على عدة سيارات.
التوضيب لا تفكر فيه لأن الحل أبسط من ذلك بكثير, و خل عنك الاستغلاليين الي يخلون من الحبة قبة.
أنت اخسر 100 ريال و سوي فحص كمبيوتر لحساسات القير و يبين معك على طول.
خذ نتيجة الفحص المطبوعة و توجه للوكالة لطلب الحساس الخربان.

عندي أسئلة لك:
هل تشعر بفضاوة في القير في لحظة التبديل من سرعة إلى سرعة؟
هل صادفت مرة إن القير يعلق على النمرة 3 و ما عاد يعشق إلا إذا طفيت السيارة؟

إذا نعم.. فالسبب هو أحد الحساسات بدون نقاش.. و شبه مؤكد إنه الحساس حق الثالث و الرابع.

safare @user_242429 · 11-11-2010

القير لا صار تعبان يطلع فيه رائحه حرق بالزيت ... يبين بمجرد تشم رائحة الزيت ..

عادة إذا الموتر يحن قبل يلقم النمره اللي بعدها يكون سببها كلتشات القير ...

يعني كأنه يفضي قبل يعشق بالثالث او الرابع

الحساسات تبان بفحص الكمبيوتر وتقدر تفحص عند أثنين ثلاثه والفحص من 75 ريال الى 150 ريال وتتأكد قبل توضب

ترى بعض الفنيين مايعرف يقرأ اكواد الكمبيوتر

عادة يكون رمز الكود P0

kh995 @user_231634 صاحب الموضوع · 11-11-2010

نظفت امس منظم الدعسة والثروتل مرة ثانية وغيرت بواجى وسست كويلات امس

ورحت اليوم فحصت كمبيوتر قير عند القرعاوى

قال الفلبينى قيرك تعبان وضعيف لابد من توظيب
قلت له يمكن حساس يمكن شئ قال نو دزنت

قلت له كم التوظيب قال 2800 ريال

هل ورشة القرعاوى ثقة وشغلهم طيب
وكم تعتقدون يمشينى القير وهل اقدر اسافر فيها (الفلبينى يقول مايعرف)

kh995 @user_231634 صاحب الموضوع · 04-11-2010

جزاك الله خير

الثروتل نظفته
الثانى وش تقصد فيه هل هو حساس الدعسة (منظم الدعسة)
وحساس البخاخ وين مكانه

اتعبناك معنا

مهندس com @user_230968 · 03-11-2010

كفو والله يامتخصص الفورد ماشاء الله عليك دايم سبّاق بالرد

احب ترابك يانجد @user_172202 · 03-11-2010

هلابك اخوي اول شي شيل من راسك التوضيب لأن كل التوضيب الموجود بالسوق تجاااااااااري ومايكلفك 3500 اما الاصلي من 8000 وطالع و مشكلتك ياخوي كهرباء وترجع للحساسات الهواء بالمكينه من الثروتل وحساس البخاخ وبلف الثلاجه شيك عليهم احتمال عندك مشكله بوزنية الهواء و القير صدقني مافيه شي ابد بأذن الله والقير فيه حساسين داخل لازم يفك الكرتير وواحد برا واسعارهم تكلفك حول ال600 ريال بدون شغل اليد مع شغل اليد يمكن 150 وفيها ومن ناحية الحنه هاذي طبيعيه تطلع اذا جاء يعشق القير من الثالث الى الرابع كانك ضغطت الكلتش ومارفعت رجلك عن الكلتش بسرعه اثناء التعشيق وربي ييسر امرك وبالتوفيق......