من الوكالة ولا المعرض سوناتا2011

السلام عليكم ورحمة الله وبركاتة

بالنسبة ياااخوان السيارة في المعرض او الوكالة كلهم واحد .. بشرط يكون العداد صفر

الوكالة ترفع عن سعر المعارض عادتا بزيادة 5000 ريال

لعدة اسباب اعرف بعضها واجهل البعض ... منها الوكالة تبيع السيارة بنظام التقسيط فما يحتاج تنزل بالسعر حتى تضمن فائدة اكبر
والسبب الثاني .. ان كثير من الناس يأخذ من الوكالة ويجهل ان سعر المعارض اقل

وللمعلومية سيارة المعرض والوكالة يسري فيها الضمان

فأنصحك اخي الكريم ..

خذها من المعرض وافحصها .. والجديد يبين من اول نظرة

ووفر 5000 ريال بجيبك او استخدمها لأضافة كماليات على السيارة

والف مبروك مقدما

ياخي كلها نفس الشي بس اللي يبي يقصد يروح الوكاله واللي يبي يكيش يروح المعارض
وبعدين انت شوفها جديده ومحد ساقها قبلك يعني هي هي
الله يكتب اللي فيه خير

خذها من الوكاله انظف والفرق خمس الاف على قولتك شد على نفسك وخذ النظيف

خذها من المعرض

وأنت أولى بالفرق

بس شوف تاريخ دخولها المعرض

أو اسأل الموظف يوريك بكشف الدخول أو تاريخ خروجها من الوكالة

الله يعطيك خيرها ويكفيك شرها

ياااخوي انا ماخذاها من المعارض قبل اسبوعين بـ 73500
بس المشكله انا إذا تعديل السرعه عشرين ما تقفل الابواب ؟
ما ادر هذي مشكل ولا لا ولي اعرفهم انا تتقفل (انصحك با الوكاله اضمن )

ولله انا عاد ما تفرق عندي البانوراما ابد بس كل واحد يمد رجوله على قد لحافه وانا فلوسي ما تجيب لي اكثر من السوناتا واشوف انها جيده مقارنة بسعرها.. اما استفسار الجنرال فراح تلاقيها في معارض الشفا وهي بانوراما زي ما تقول انت وسعرها قبل يومين ب 68000...

على العموم انتوا ما جاوبتوني على سؤالي ياشباب هل اخذها من المعرض ولا من الوكاله... انا خايف اشريها من المعرض واتورط بمشكله ولا حاجه وبعدين الله اعلم كم شهر وهي جالسه تحت الشمس في المعرض... موب زي الوكاله... بس بالنقيض سعر الوكاله يفرق خمسة الاف وموب سهل...

تدورون البانوراما وتنسون انظمة السلامة
وين abs و esp والايرباقات ؟
اهم حاجة عند الشعب البانوراما عشان اذا غسل يقوم يرفعها :blue: