ابي رايكم عن الكابرس 2004

يبوي كل هالمشاكل

مع احترامي الخراب مو من السيارة منكم انتم

السيارة مثل البعير

البعير=اذا احترمته حبك واذا ما احترمته رفسك رفسه تشق الوجه

السيارة=اذا احترمتها كرمتك ووصلتك واذا ما احترمتها رفستك للصناعية

صراحه نظيفه اذا سعرها زين توكل ع الله وخذها ..

انا اقصد 2004 ومعروف عن كامري 2007 الى 2010 انه مكينه فاشلة والبدي ضعيف لوينط عليه قطو راح فيها

اللي يقول روح للكامري او الكرولا عندنا 2008 محافظين عليها وفي الاخير طلع صوت بالمكينه وقالو لازم توضيب والسيارة باقي على الضمان .

شيك عليها ولاتنسى الاستخارة بس شكله نظيف .

ماشاء الله نظيف .. وانت شيك على المكينة والقير والدركسون والمساعدات يعني افحصها
وقطع هالموديل رخيصه ترا مثلها مثل 2000 الى 2004 نفس المكينة ونفس قطع الغيار
وتحصلها في كل مكان ,, وشكلها حلو بس بكم قال لك !!!

السيارة ماشاء الله تبارك الله نظيفة ولكن ما أنصحك أبد لأن الكابرس الحالي ماهو

الكابرس القديم بتاتآ من موديل 2000 إنحش عنه فيه ناس ماشي معهم ولكنهم قلة

والغالبية يسبون ويلعنون و الله يوفقك ويرزقك الجديد

أنصحك بالفكتوريا أو الماركيز ..

انا جربت كل السيارات الامريكية
الجديدة والقديمة كلها فااااااااااااشلة
وبالذات الشفر
خربات×خربات وكل قطعة نار وبعد اقل من سنة تخترب
وذرة امان مافيه
من الي استخدمتهم من الشفر
فنشر 99
كابرس2003
كابرس 90
صابونة 93
ابيكا 2005
وتوه واحد من الاهل
مطلع له تاهو بعد ست شهور طاح قير
وطلعوا روحه لين صلحه خارج الوكالة وباعه بخسارة
واحد من الشباب مطلع له ابيكا بعد 3 شهور احترقت وهو فيها كان توه متزوج
والحمدلله طلع بحروق بسيطة
ومن استخدامي لشفر ماظلت ورشة بالشرقية ماتعرفني
فا نصحك بالكامري او الكورلا اوحتى دتسون 77اشرف من الشفر مليار مره

اخوي عبدالعزيز السيارة من الشكل صراحة مره نظيفة وباين على الرجل أنه محافظ على نظافتها لاكن كلام الأخوان والمجربين لهذي السيارة يذمون في أعطالها وصيانتها وأنت لك القرار صراحة أنا لو مكانك ما أدري وش بسوي أختيار صعب لاكن أسئل صاحب السيارة وش الأشياء اللي أتعبته في الصيانه أو مثلا الأشياء اللي طلبت عليه في نغيرها واذا كانت عاديه مثل أي سيارة أستخر وتوكل على الله.

خذ نصيحتي انا معاي كابرس 2005 شاريه وكالة من الجميح 8 سلندر ltz
كثير الخرابات وسيء جـــداً يوم كان على الضمان تعطل الدركسون ومن أعطاله المستمره نقص ماء الاديتر والتهريبات وارتفاع درجة الحرارة وحساس الرأس
وهلما جرا .....
هذي نصيحتي لك . أبتعد عن الكوابرس
الفورد ابرك منه

فر منها فرارك من الاسد

والله ثم والله انها اغبى سيارات من واقع تجربة 2002 بالرغم اني محافظ جداً عليه

اذا تبي شوري لا تفكررررررررررر فيه نهائياً

الله يعطيك خيرها . . .
بصراحه السياره تستاهل . حافظ عليها وباذن الله مافيها مشاكل .
نصيحه مجرب اتوكل على الله وخذها طبعا بعد الفحـــص . موفق

والله انا الي تبهذلت ناس تمدحه وناس تسبه مدري وس السالفه

مأنصحك فيه ولد عمي معه واحد مثل الموديل بهذله بهذله وفوق هذا قطع غياره نااار