السلام عليكم و رحمة الله و بركاته
بدأ موديل 2011 من الباترول بالوصول إلى السعودية ، لكن الشي المحزن بالموضوع هو إن أسعار السيارة ارتفعت في جميع الدرجات للأسف الشديد و ما أدري على ايش الارتفاع خصوصا ان السيارة ما تغير فيها شي ، اللي يبي يشتري يلحق على موديل 2010 إذا حصله بالسوق
و هذي هي الأسعار لموديلات 2010 و 2011 :
SE 1 كان بـ 178 ألف لموديل 2010 و صار 188 ألف لموديل 2011
SE 2 كان بـ 184 ألف لموديل 2010 و صار 196 ألف لموديل 2011
SE 3 كان بـ 199 ألف لموديل 2010 و صار 214 ألف لموديل 2011
LE 1 كان بـ 213 ألف لموديل 2010 و صار 236 ألف لموديل 2011
LE 2 كان بـ 223 ألف لموديل 2010 و صار 247 ألف لموديل 2011
LE 3 كان بـ 240 ألف لموديل 2010 و صار 269 ألف لموديل 2011
طبعا يتوفر طرازين أعلى من LE 3 مجهزة بمواصفات أكثر و سعرها هو 274 ألف و 294 ألف لكامل المواصفات ، أما السيتي أوبشن و اللي هو أعلى طراز في الباترول فسعره بـ 277 ألف بدون التجهيزات المتقدمة و سعره بكامل المواصفات بـ 297 ألف :blue:
الباترول بتنخفض مبيعاته أكيد بعد طرح تويوتا اللاند كروزر VX-R بمحرك 5.7 لتر بسعر 262 ألف و هو سعر تنافسي جدا و راح يصيب الباترول في مقتل ، خصوصا ان سمعة اللاند في الخليج ما عليها غبار
حياك الله اخوي عالم مشاعر،
فقدناك فترة
نرجع للمهم
ربما يكون ارتفاع السعر يرجع لهبوط الين والخسائر التي الحقها بالشركات هناك
لكن انا ملاحظ مع الحمراني هالحركة
كان سعر اف اكس 35 مواصفات كاملة 204 الاف ريال وبدون عرض تاجيري قوي
ثم رفعوا سعره 13 الف ريال وبعد ذلك رفعوه 6 الاف ريال ثم سووا عرض التقسيط بسعر الكاش وعرض ادفع خمسين في المائة على كل سيارات نيسان وانفنتي
عشان كذا انا مع الاخ ابومعاذ في طرحه وهم انهم لاحظوا ان اغلب المشترين اخذوا العرض فرفعوا السعر لتعويض هامش الارباح لان العرض بدون فائدة " فائدة التامين 3%"
وهم لاحظوا ان اغلب من يشتري الباترول على العرض(نص الحين + نص بعد 3 سنين ) عشان كذا قالوا نعوض الارباح فيه
:xyxthumbs:
