هل السيارات اليابانية هي الاكثر تحملا والاقل صيانة برأيك؟؟

بصراحه الياباني يكرف كرف ماهوب صاحي ولا يحتاج غير بنزين وزيت والكوري بدا يسوي مثله بالسنوات الاخيره

السلام عليكم والرحمه


عن تجربه الامريكي يعيش اذا اهتميت به ( تبديل ايل - بلكات .....ألخ)

وحج كراف وخطوط وراحه

بس اغلط وما تسوله سرفس بتبتلش


وعن الياباني الله اعلم لاني ما جربته قبل

والسموحه

انا عندي قصص مو قصه عن تحمل الياباني : اخوي عنده كروزر 2005 جيك عليه ال 1000 كيلو وبس ومشا عليه 250000 كيلو بدون تجييك لين 2010

صديقي عنده كروزر شارنه مستعمل موديل 1981 في الشتا نروح فيه البر ونسحبه قالوصه وفوق القالوصه سامان و حطب وجدور :bigggrin: وندخل بهالعفسه كلها البر وحنا 7 انفار في الموتر . لكن نفس صاحب الكروزر عنده كابرس SS اذا ماجيك الموتر وغيرالبلكات و فلتر المكينه الموتر تحسبه اربعه سلندر

وعدنا في البيت كل ماناخذ امريكي حده بس ثلاث سنين وبعدين خذ خرابات وحراره

اانا اشوف ان الياباني والامريكي نفس االقصة والتحمل

معروف الياباني اقل خربات

لا

تتحمل وتكرف مرهـ لاكن مو كثر الالماني
وهي اقلها صيانة

لاكن السيارهـ اللي تكرف ولا تقول اح المرسدس والالماني عامة تحط القطعه وتنسه

والله يالغلآ إني مسجل بالمنتدى علشآن الموضوع هذآ بالذآت:a1120(86):
حبيت آقول آمريكي يآبآني صيني ألمآني آي نوع من الآنوآع
تحآفظ عليهآ تجلس معك إنشآء الله مآرآح تحآفظ عليهآآ بتخرب
يعني تسوي صيآنه آو تستمر بصيآنتهآ من نآحية الفحص وتغيير الزيت بإنتضآم بتعيش:smile: مآرآح تهتم مآرآح تعيش :c0038:

ممكن موديلات زمان لكن دحين ما اعتقد
وجينس باور ومع التلفيق وبرضو يبقى الياباني يتحمل اكتر واقل صيانة واقل اعطال والتلفيق كلو ابو جميل وكلها اكسسوارات مافي شي مهم يذكر :wink:

لوكان العنوان (هل سيارات تويوتا ......إلخ ) كان تصويتي بنعم أما باقي الياباني فمايفرق عن الكوري والأمريكي بشي كبير خصوصا في سوقنا

قبل يومين أخويا أشترى كراسي مكينة لأكورد 2002 سعرها فوق 500 ريال للواحد والكامري لنفس الموديل 190ريال
أنا أشوف إنه الآن في سوقنا تويوتا بعدها بمراحل هيونداي وبعض موديلات فورد هي الأنسب لسوقنا من جميع النواحي باقي السيارات إما تبلش في وكيلها وإما تبلش في قطعها وإما تبلش في صيانتها وإما تبلش في بيعها بعد ماتستخدمها
تبلش = تتورط

طبعا الأهم من هذ كلها رغبة الإنسان وذوقه في اختيار السيارة وقناعته بها تلغي جميع ماسبق

وانا اتفق معك يااخوي بالراي .. ( ليس جميعها ولكن اغلبها )

الكل يعرف انه ان السيارة اليابانية سيارة كرف .. بس غير لها زيت واتوكل على الله ...
بعكس السيارات الامريكية والاوروبية التي تحتاج الى صيانة دورية .. واهتمام ..
لا وبعد صيانها ( السيارات الجديده بالذات ) يجب ان تتم في الوكالة ( علشان مايطير الضمان )

شكرا لك اخوي على هذا الموضوع ..

تقبل تحياتي ...

انا من وجهة نظري اعتقد ان السيارات اليابانيه اكثر تحملا من الماركات الأخرى
على سبيل المثال انا الأن بصدد شراء سياره جديده وتوجهي للخمس سنوات القادمة هو ان احصل على سياره جديده ولا تجعلني ازور الورش او الصيانه الا في احيان نادره وعندما عملت بحث لهذا الموضوع اتضح لي ان السيارات اليابانيه الاكثر تحملا عن الباقي

بأختصار لن تجد سيارات اجود من تويوتا وهوندا مع احترامي للجميع

<< وجهة نظر قد يختلف معها بعض البشر

اشكركم

شوف أنواع السيارات الموجودة في القرى و الصحراء و الجبال !!
راح تحصل ربع ، شاص ، فتك ، هايلكس ، دتسن .

لا مو قصدي أكيد فهمتني غلط
قصدي ان الامريكي ما ينتهي مع تقادم السنين
تحصله في هاالخطوط ما شاء الله عليه
طبعاً اللي يقول نحصل الياباني جاي من اليمن
نقول له هذي حالات قليله وأغلب صوالين اليمن
موديلات حديثه نوعاً ما...
يعني من 97 ونت طالع

الاقل صيانة هو الياباني <<<< انطباع شخصي

الاكثر تحملا <<<< هذه اصلا غير مفهومة , هل قصدك الاطول عمرا في الشوراع والطرقات؟؟

اغلب الموديلات الحديثة صممت لتعيش فترة بسيطة

السيارة الاطول عمرا لدينا في العيلة والتي تجاوزت ال 15 سنة هي المرسيدس

انا شايف لاند كروزر بالثمانينات من اليمن ورايح للحج !!!!

وشايف فولكس فاجن قولف موديل قديم ومن دوله ثانيه

شطحه : ماشاء الله عليهم يعتنون فيها عنايه :xyxthumbs:


مو شرط حبيبي

شوف الشارع كل شوي تسعاوي وصابونه وجمس متعطل بالشارع !!!!

والمازدا القديمه والكرسيدا مكروفه كرف مع العمال وتمشي زي الحلاوه !!!

موكلها

لكن الاغلبية العظمى منها تتحمل

والسبب في ان مو جميع السيارات اليابانية تتحمل لان اغلب السيارات اليابانية في سوقنا اصبحت تصنع وتلفق في الخارج والوكلاء يكملو التلفيق هنا

ولو قارنا الياباني بالامريكي نجده اقل خرابات وافضل تحمل واقل صيانة
ولو قارناه بالكوي فهو افضل منه في جميع النواحي(استثنيت السيارات الحديثة لانه مالها الا سنة)

ولو قارننا بالالماني فالالماني يحتاج صيانة وعناية اما الياباني اغلبه تكفيه اول اثنين او ثلاث صيانات بالكثير في الوكالة وبعدين اسحب على الصيانة وقبلك مرتاح

لذا تم التصويت لـ "نعم"

وشكرا لك

اكيد طبعا اقل خرابات واوفر صيانة ودا الشي معروف وما يحتاج كلام

ياراجل يعني كل واحد بيمسك خطوط بيشتري سيارة قديمة *_*